الراتب 19 حافي ومشغل بالك؟ احسب الراتب بعد عشر سنين, وتعرف هل المسألة تحتاج هالتفكير ولا لا. شف العلاوة السنوية كم هنا وكم هناك, وبتعرف.
ما اتوقع يكون عملك فني, قد يكون اشرافي. والافراد والفنيين الأجانب هم اللي يعملون.
من ناحية الراتب. مافيه بدل سكن, ولا نظام تملك بيوت. وراح تضطر تتعالج على حسابك انت واهلك لأن مستشفى قوى الأمن ليس في حجم ولا قوة العسكري أو مستشفى الحرس.
بعد رتبة عقيد اتوقع راح تكون في عيادة كبار الشخصيات (من ناحية الطبيب العام) اما بقية الخدمات فيها انتظار وبهذلة.
قريباً بإذن الله ستكون أب, وراح تصرف خلال حمل زوجتك وولادتها أكثر من 30 الف ريال على الخدمات الصحية, او تكون راعي صبر وتتحمل معاناة مستشفى قوى الأمن.
في القطاع الخاص, الراتب مارح يقل عن الداخلية بالقريب المنظور, وعندك نضام تملك بيوت ميسر, وعندك تأمين صحي لك ولأبناءك ووالديك تراجع المستشفى اللي جنب بيتك متى ما احتجت كبر الامر او صغر. فيه بدل سكن وبونص.
في القطاع الخاص ممكن تصير مدير مديرك خلال سنة او سنتين, في القطاع الحكومي الاقدمية تتكلم لو انك افضل موظف في الادارة كاملة. خصوصا كعسكري, قيمتك هي اقدميتك, في الترقية, اولوية الدورات والانتدابات, يارجال في كل شي. المدني افضل من هالناحية. الاقدمية حتى بين ضباط الرتبة نفسها. ووممكن يعصب عليك اللي اعلى منك رتبة ويأمرك اوامر تعسفية او فيها اهانة, وانت أب لاطفال.
في القطاع الحكومي, في اماكن محدودة جداًً يكون فيه انتدابات بإستمرار ودورات خارجية, وفي هالحالة اللي تستلمه ببيكون فووووق $$$ بس هذي الحالة ميب في كل قطاع.
اذا الادارة اللي تقصدها هي اللي ببالي, عز الله ان بيكون دورك صوري.
فيه كم مهندس كهربائي من جامعة الملك سعود ، وعرضولهم نفس عرضك ، كانو شغالين في شركة الكهرباء 4 منهم على ما اظن بإدارة وحده ، كلهم استقالو بيوم واحد وراحو للداخليه ،
شوف اخوي احسبها براسك كم بيكون راتبي بعد 10 او 15 سنه اذا رحت لهم ، وقارنها بـ سابك وارامكو واي شركة كبيره وشوف الترقيات كيف واكمال الدراسه والتأمين والاساسي وراتبك بعد التقاعد ، وشوف الخبره لأن يمكن مايعجبك الوضع وتروح لمكان ثاني ،
استشر الفاهمين الناجحين اللي حولك وعلمهم بوضعك ، لا تستشير اي شخص لأن اكيد بيقول راح للراتب الكثير ، استشر شخص فاهم وتناقش وياه .
شف انا اخوي متخرج من جامعه القصيم تخصص علوم حاسب
خوياه اتجهو للداخليه هو اتجه لشركة الكهرب مهندس
والحين له 5سنوات متعين
خةياه دبل راتبه وكلهم بعثات ماستر برا وقبل كل شهرين دوره برا
واخوي بشركته ومتحسف
وحلو القطاع العسكري
ان بعد خمس سنوات ومعك هالخبره. وماستر
تتوظف بشركه بالليل وراتب عالي والنهار بالقطاع لان دوامهم من 6لين 12 ع حد علمي
أكرر ماذكرته لك سابقا
جرب الوظيفة سنة سنتين ما انت خسران أي شيء وخصوصا إذا كنت من سكان الرياض و ماجاورها
إذا أعجبتك ومشيت فيها كان بها وإذا حدث العكس تقدر تقدم فصل ولا عندك أي مشكلة
اخوي العزيز، انصحك انك تنظر في المقام الاول الى الاشياء الي تحبها او ترتاح فيها؛ الراتب مو كل حاجة ، يعني حط في بالك عدة امور من وقت الدوام وبيئة العمل والمميزات الجانبية ومستقبل الوظيفة ومدى مسؤلية الارتباط ( ماني متأكد بس هل العسكرية تتقدر تتركها متى مابغيت؟ أشك في ذلك) .
قرار مثل هاذا يعتبر قرار استراتيجي بالنسبة لمستقبلك.
نصيحة اخوية، قبل تسأل الناس وتفكر وتقارن بين كلامهم شف انت وش تبغى كيف تبي تداوم هل عندك اشياء معينة ودك فيها …الخ
الله يكتب لك الخير ياغالي … هو بصراحة الراتب مغري ولو كان هناك تفاصيل اكثر عن العرض كان عرفنا اكثر ولكن حط في بالك شغل العسكريه والعقيد والنقيب والرائد واللواء الي بيكونوا فوق راسك (على ما اعتقد لازم تتعلم بعض الاشياء العسكريه مثل التحية وغيرها) وحط في بالك المرابطات والبيئة العسكريه حط في بالك السفر للخارج و لو تبي تفتح مشروع حط في بالك لو تبي تتزوج غير السعوديه حط في بالك لو تبي تاخذ قرض لان فيه فرق بين العسكري والمدنيوالحكومي والخاص (انا ما اعرف اش الفرق)
في اشياء ممكن تعرفها وتتأكد منها خلال توقيع العقد مثل البدالات والسكن ومدة العقد وغيرها
وفي اشياء ممكن تعرفها بطريقتك مثل بيئة العمل وطبيعة العمل وغيرها ، يعني ما اتوقع انو انت الوحيد الي بيتوظف في هذه الوظيفه وبنفس هذه المميزات فأكيد في غيرك … اقترح عليك تطلع احد الايام للمكان الي ممكن تعمل فيه وتقابلهم ان استطعت وتسألهم وتاخذ الزبد منهم
نصيحتي المهمه لك ان تستخير من يعلم غيب السموات والارض -سبحانه- هو الي يعلم مسقبلك -سبحانه-
تعليقي بخصوص الفرق بين الحكومي والخاص
لا احد يحبط يا شباب والله فيه دوائر حكوميه جدا جدا ممتازه على سبيل المثال احد الدوائر الحكوميه التي استطيع انا ان اعمل فيها مثل مدينة الملك عبدالعزيز للعلوم والتقنيه ووزارة الثروه والبترول والمعادن ومدينة الملك عبدالله لطاقة المتجددة هيئة الطيران المدني وغيرها … ايضا هناك دوائر خاصة والله لا تشبع ولا تغني من جوع
اخير اقدر اقولك انتبه لا يلمعون لك المنصب والعمل حتى توقع العقد حاول تحسب الايجابيات والسلبات ثم تقرر
, واعرف ان البلد فيه خير, لمن يستحق