السلام عليكم
اخواني انا مهندس كهربائي حديث التخرج من جامعة الملك سعود، حاليا اعمل في شركة الكهرباء واتوقع معروفة رواتبهم…
وصلني عرض مبدئي من وزارة الداخلية براتب 19000 برتبة ملازم أول واوراقي ماشية معهم، العمل فيها راح يكون باللبس المدني وشغلي راح يكون فني بحت، صراحة انا محتار لانها عسكرية أولا وأخيرا وسلم الرواتب
وسلم الرواتب معروف يعني مافيه قفزات متوقعة مثل القطاع الخاص، محتاج مشورتكم يا شباب لاني محتار جدا
و القطاع الخاص
لا توجد به قفزات قوية في الأغلب
القفزات تحدث لأناس استثنائيين
أدائهم استثنائي
بمعنى مهندس فريش
بعد خمس سنوات
بنسبة 98% لن تجده سوبرانتند !!
سيكون على الأغلب Engineer II or I
راتب الداخلية قوي … إضافة إلى عدم وجود ضغط عمل
إذا استغليت هذا الراتب القوي في بيزنس … وضعك OK على المدى البعيد
إذا ما عرفت تستغله … راح تتوهق على البعيد “بعد التقاعد”
شوف خياراتك … و أولوياتك
و احسبها ماديا …
كم نهاية الخدمة و التقاعد في كل الحالتين
لأن هذا المحك الأساسي بين القطاع العسكري و الخاص
كلامك جميل ومفيد وصحيح اخوي، لكن انا اذا قررت استمر بالقطاع الخاص راح ادرس ماستر إدارة أعمال على طول في سعود، تتوقع راح تكون فائدتها قوية؟
أنا بطبعي أحب اطور نفسي وأثبت وجودي، هذي الصفات جيدة للي بالقطاع الخاص، انا ما أحاول اقنعك لكن أذكر بعض الأمور اللي في بالي
وبالنسبة لنهاية الخدمة ماعندي أي خلفية ياليت تفيدني باللي تعرفه
اخوي معليش سؤال خارج الموضوع كيف قدمت عليهم
وايش شروطهم وايش التخصصات المقبولة عندهم
نصيحتي ابتعد عن العسكريه حتى لو ضابط
القطاع الخاص والشركات على المستوى التطوير الشخصي وعلى المدى البعيد أفضل بمراحل
والوصيه الثانيه الاستخاره
أحسنت يا اخ انسباير. القطاع الخاص في الشركات العملاقة افضل بكثير مما تفضلت به. من الناحية التطوير الشخصي و كذلك الناحية المادية في مرحلة التقاعد. مجرد رأي، ورأيي يتوافق مع الاخ انسباير. لكن في الجانب الاخر يوجد مميزات جيدة في العمل في القطاع الحكومي كالوزارة الداخلية. وفقك الله يا استاذ اليكتريكال شوك
هلا اخوي، ما قدمت عليهم هم اللي تواصلوا معي
التخصصات غير الهندسة الكهربائية علوم حاسب
نصيحتي لك توكل على الله وروح للداخليه ولا تنسى سوف تكون مدني برتبة ضابط وترقياتك غير عن الأفراد ( حطها في عين الإعتبار وقت المقارنه ) … وهذا الراتب ماشاء الله ماراح تستلمه وأنت فريش في أي شركه عملاقه … فقط شلمبرجير شركة الكرف … طبعاً لازم تستفيد من الراتب والترقيات راح تجيك متى ماكنت عملي … أحياناً تكون أكرف واحد بالقسم بالقطاع الخاص وماتاخذ حقك … توفيق الله أولاً ثم رئيسك في أي قطاع كان سواء حكومي أو خاص …
بالنسبه للتطوير إسأل من هم على رأس العمل في نفس القسم إلي راح تشتغل فيه … وماخاب من استخار … بالتوفيق ان شاء الله
ولو كنت مكانك ووظيفتي في شركة الكهرباء … سأقدم استقالتي اليوم قبل الغد …
ما أقدر أفيدك بخصوص الماستر …
لكن في نقطة هي اللي يمكن ما قدرت اوصلها بشكل صحيح
سكيكو و إن كانت تصنف على أنها قطاع خاص
لكن فعليا نهجها نهج مؤسسة حكومية
المميزات المادية … عادية جدا
لا تأمين صحي على ما أعتقد
لا بونص و حوافز
و أكيد الدورات و البرامج التطويرية ذات الفائدة العالية “تيكنيكال”
صفر على الشمال … !!!
و نهاية الخدمة نص راتب لأول 5 سنوات و
راتب واحد عن كل سنة بعد 5 سنوات الاولى
العسكرية
تعتمد على القطاع …
راتب عااااااااااااالي و لكن ياليت تحط تفاصيل العرض حتى توضح الصورة لنا و
أعتقد إن عملية ابتعاثك “ماستر” على حسابهم قد تكون سهلة
لأن الوزارة تنتهج هذا النهج في رفع كفاءة موظفيها
و هذا من واقع مشاهدة “ليست معلومة أكيدة”
أتوقع بعض القطاعات عندهم تأمين طبي و حتى لو ما عندهم
ان شاء الله ما تحتاجهم + توجد المدن الطبية العسكرية التابعة للوزارة
هذا اللي ببالي و حاولت أبسطه لك
انت اللي يحكم و يقرر + وش أهدافك
القطاع الخاص ممتاز … لكن موب في سكيكو
و لا هو في المؤسسات و الهيئات الحكومية
سابك تصنيع سبكيم … الخ
شنايدر abb سيمينس جنرال الكترك … الخ
بهالشركات غالبا … وضعك أفضل من سكيكو
و راح يكون وضعك المادي بلا شك أفضل من وضعك مع سكيكو
بإختصار أقسم بالله لو أنا مكانك ما أفوت الفرصة
ضابط ومدني بعد وأيضا لك فرصة ﻹكمال الدراسات العليا والراتب حلو ماشاء الله ناهيك عن ان الدورة 3 شهور
نصيحة روح روح روح والله الفرص ماتتكرر دائما
مالك ومال الشركات ترى ياخذوك لحم ويرموك عظم
ومهما أعطوك مميزات مالية تراها على حساب الصحة والراحة النفسية
وماعليك من اللي يقول العسكرية كلها بدلات وعند التقاعد تروح كلها
أولا / يالله العافية حتى نوصل للتقاعد وماحد يدري عن المستقبل وعلى بال توصل للتقاعد أصلا انت قد كونت نفسك من الراتب اللي تستلمه .
ثانيا / بعد التقاعد في إمكانية تاخذك شركات عالمية متعاقدة مع القطاعات العسكرية سواء للصيانة او غيرها ، وأيضا تقدر تفك لك شركة أو مكتب هندسي .
هذه نصيحتي لك ولك حرية اﻹختيار وأقلها جرب الوظيفة سنة سنتين عجبتك اوكي ماعجبتك تقدر تتركها وتشوف غيرها
اخوي انا تخصصي نفس تخصصك وجاني عرضين من الحرس الوطني(سلاح الأشارة و ادارة المشاريع) وعرض من الأستخبارات … بأختصار كنت متحمس الين رحت وشفت وجلست مع عقيد مهندس بادارة المشاريع(الي كان يسوويلي المقابلة) … واعطاني الزبببده كامله(كان طالب بالبترول وراح لهم ومايبي يسير لي نفس الشي) مجتمع عسكري بحت بس بتكون بالمكتب انت شغلك شغل مهندس … وبما انك جامعي الفرق بينك وبين ضابط متخرج من كلية الضباط 15% (بدل جامعي) قالي بتقاعد بعد 25 سنه خبره وراتبي حول ال25000 (الأن ارتفع أكيد) بس مو زي راتب gm ولا سينير الأن بشركة كبيره ( الي المفروض بنفس سنوات خبرته وصلها )
وفي بعض البدالات حسب نوع الوظيفه (بدل ارهاب بدل خطر وزي كذا ) …بس الأساسي جداً ضعيف وقارنه براتب مهندس بسابك وارامكو بعد سنتين بيعدي الراتب حقهم وبخبرة اقوى ( يعني الفكره انه راتب بالبدايه قوي يغرونك فيه ) وبعد لو واحد تخصصه “تاريخ” ودخل كلية الضباط نفس راتبك الأساسي+بدل جامعي … تفرق ببدل الخطر او البدل الي يوفره القسم … بالنسبه للزيادات انت والنايم والي ساحب نفس الشئ والترقيات كذالك يجي امر ملكي فيها كل اربع سنوات ( بالأقدمية ابدا مالها علاقه شغيل ولا ماعندك سالفه) …
الميزه الي ممكن اقولها لك ان دوامهم قصير وممكن تتوظف قريب من اهلك ( وتستغل قصر دوامك تفتح لك مشروع) … وشفت الشباب الي كانو معي وقت المقابله الي مطرود من وظيفته والي بس بيهايط انه ضابط )
بالنسبة للدورات قالي ما عندنا الا دورتين ( حاسب وانجليزي ) وكل وحده بعد ما تخلصها تزيد راتبك حول 4% ( ممكن بوزارة الداخلية غير هالشي )
العسكرية تنفع للي متخرجين طب ( لان سلم الضباط الأطباء أنفصل عن سلم الضباط الي من الكلية)
بأختصار انا بنقل لك فكرة الضباط عموما الي يندرجون تحت سلم واحد مهما كان قطاعك …
فا لو كنت خريج جامعة قوية وهندسه كهربائيه استخير واسأل اكثر وحاول تحدث بياناتك بارامكو وسابك والشركات القوية 
انا من وجهة نظري المكان سواء خاص او حكومة أنت كمهندس طموح تبحث عن أكثر من ميزة
اولا : بيئة العمل كيف ؟
ثانيا: وقت الدوام وهذا يعتمد عليك كشخص اذا يفرق !
ثالثا: اذا مكان العمل فيه تدريب وتطوير وفرص للابتعاث واكمال الماستر وهذا ذا انت طموح
رابعا: قوة الراتب مثلا تستلم بشركة الكهرباء الفل بكج 13000 وعندك ثلاث رواتب بدل سكن مجموع رواتب بدل السكن قسمه على 12 حتى تضيفه على الفل بكج للمقارنة ب( 19000 )اللي بالداخليه
خامسا: هل هناك برنامج تملك بيت ؟؟؟
سادسا :نهاية الخدمة هل هي مثل نهاية خدمة الشركات الخاصة !؟
سابعا: اعتقد هاذي مهمة بالنسبة لي اذا احتجت مستشفى فين تروح ؟ هل تستخدم التأمين الطبي لك ولعيالك أم تبحث عن المواعيد ذات ال 6 أشهر ! ؟؟؟؟؟
ثامنا : استخير استخير استخير
اتمنى أفدتك والله يوفقك
ياخوي ايش تبغا بالحكومي ابعد عنه… انا و رب الكعبه انه ولد عمي شي كبيير جدا و قالي اختار القطاع يجيك القبول خلال اسبوع… لو يديني راتب من عنده ما رحت… استعباد و نفسيات يا شيخ… و مافي تطويير وظيفي… وهو اهم سبب يعني… ما راح تتعلم شي جديد
اخي العزيز ماهو القطاع الي جاك منه العرض حتى نستطيع ان نفيدك الداخليه كبيرة حدد القطاع او الجهه وبالتوفيق لك
لا تنسى اخوي انت عسكري و السفر ممنووووووووووووع لازم موافقة القائد
بالعكس في الشركات متى ما طقت في راسك اخذت اجازه و مشيت
إدارة الاتصالات وتقنية المعلومات
والله يا شباب نصايحكم كلها مفيدة وصحيحة لكن كل ما فكرت بالراتب عجزت اشيلها من بالي!
العسكرية فيها مهانة وقيود. مهانة تمارس عليك حتى وان على منصبك, ومهانة تمارسها انت على من دونك
في القطاع الخاص بيئة العمل محفزة ونشطة, وتعمل مع الصفوة. في العسكرية انت تعمل مع النطيحة والمتردية والطيبين والمخلصين بالعمل قلة. هي مناسبة لمن يرغب بالتسدح بالإستراحات, ويقضي وقت الدوام بتصفح الجرائد وتويتر ولا عمل ولا انتاج.
العسكرية تتقاعد في سن مبكر, وليس على كل حال تصل الى رتبة عميد, والراتب بعد التقاعد يطيح بشكل كبير لان البدلات تروح.
الله يوفقك ويكتب لك الخير. وأنت أعلم بنفسك