السلام عليكم
انا عملت مقابله قسم ادراة تخطيط المواد و الحمد لله بعد اسبوعين تم التواصل معي بأني قبلت و ترشحت و من ثم اتواصل معي احد المهندسين و هو اللي راح يكون مسؤول عني ان شاء الله و قابلته و شرح لي العمل و الاوفر المتوقع و قال لي يمكن تاخذ اجراءات التوظيف 3 أشهر و حاليا صار لي شهرين و لا حس و لا خبر حاولت اتواصل معاه لكن كان في اجازة و الاتش ار قالوا ان اوراقي ما وصلتهم فاستفساري هل اجراءاتهم كذا طبيعيه و الا احتمال الوظيفه تطير عني؟ و شنو الحل
شاكر لكم
الظاهر ينتظرون الميزانية على نهاية السنة
أنت انقز للإدارة اللي عملت معاك المقابلة و استفسر من نفس المهندس اللي قابلك أو مدير الدائرة اللي يتبع لها أو من سكرتير مدير الإدارة أو على مدير الإدارة مباشرة
و ممكن تنقز للموارد البشرية و تستفسر عن الإجراءات و هل الوقت هذا طبيعي و لا فيه شي
وفقك الله لما يحب و يرضى
انا نفس الحاله عملت المقابله برمضان والى الان ماردو علي
ولكن ع كلام اللي قابلني قال انه الشركة في اعادة هيكله فبتتأخر امور التوظيف
هل تناقشتو عن الراتب وكم المتوقع ؟ والبدلات
الله يعطيك العافيه ابو بدر ما قصرت
انا المقابله عملتها قبل رمضان و بعدها رشحوني و قابلت المسؤول علي قبل رمضان بيوم و بالنسبة للراتب كما هو معروف على سلم موظفي الشركة للفرش ميكانيكال البيسك 8000 و البدلات يعتمد هل شغلك بالفيلد و الا مكتبي بالنسبة لي مكتبي بدل سكن و نقل فقط
حقيقة اشوف افضل حل يدوي بالذات في سكيكو كانهم من العصور الحجرية
لا شاطح بقوة 
بالنسبة لي تقديمي كان عن طريق المنتدى في احد المواضيع ارسلت السيفي و بعدها باسبوعين تواصلوا معي … سكيكو اذا ما في احد يوصل السي في لك حاول تروح لهم بنفسك لأن تقديم الاون لاين صفر على الشمال 
… بالتوفيق
أنا عملت مقابلة مع نفس الإدارة قبل ثلاث شهور تقريبا والى الان لا حس ولا خبر … لكن من المعروف عن سكيكو انها تأخذ وقت في التوظيف على حسب الادارة الي مقدم عليها…
والأفضل لك اخوي Night wolf تتواصل مع المهندس الي اتصل فيك وتتابع معه الموضوع
والله يوفقك وتتسهل امورك ،،
معلومات مغلوطة اخوي
البيسك للمهندس بدون خبرة 8500 ماعدا الكهربائي اكثر
على العموم اذا تبي تفاصيل اكثر تواصل معي على الخاص
الرتب للفرش
8500
+
25% بدل سكن
+
600 مواصلات
أفدنا بالإيميل اللي رسلت له علشان نقدم عليه جزاك الله خير…
اجرائات توظيفي اخذت 3 شهور من عملت المقابله ، طول بالك
التقديم أكييد من عالموقع !
لكن وقت الإجراءات يعتمد عالقسم اللي يبيك…
إذا كان القسم محتاج وعجل أسبوعين إلى ثلاث أسابيع وأنت مباشر !
والعكس إذا كان ينتظر الميزانية ولا غيره، فراح تتطول :\
الله يسهل عليك .
طيب تواصلت معهم انت و شنو قالوا لك؟
بالتوفيق لي و لك
صح كلامك ابو دجانه و انا كنت عارف ان هذا هو الراتب لكن المسؤول نفسه قال لي 8000 و يجوز هو كان غلطان و العرض الى الآن ما وصل الكلامك كله شفهي … يعطيك الف عافيه
اللي رسلت له شخص كان حاط له موضوع الله يجزاه خير و رسلت السي في على بريده الالكتروني في المنتدى مو ايميل شخصي و ذكر في الموضوع انه اكتفى و هالكلام قبل اكثر من شهرين … الشخص اسمه ابو سعود يمكن يفيدك.
سؤال هل وصلك قبول منهم او فقط مقابله و ما وصلك الرد؟
تمنياتي لك التوفيق
الله يوفقك و يسهل دربك … انا نفس الكلام قال لي احتمال 3 شهور لكن اخاف اقطع التواصل معهم و يضيعوا اوراقي او يشطحوا واحد مكاني 
و عليك يارب شاكر لك و الله يكتب اللي فيه الخير