السلام عليكم ،،
تخصصي it وجاني اتصال من سابك - الرازي بالجبيل الصناعية وأنا حاليا أعمل بشركة بالرياض ومرتاح صراحة بس حاب أسأل عن الشركة ؟ خصوصا إدارة Support & Coordination ؟ التطوير ؟ المستقبل ؟ قالي الأساسي فوق 11 بس ما حدد …
وكيف الوضع بالجبيل ؟ السكن ؟
يا ليت تفيدون بشكل عاجل عشان أقرر هل أروح للمقابلة لأنه يبي لها سفرة أو لا …
اذا انك مرتاح وعند اهلك فا الحمممد لله … الرازي نفسها ما اعرف عنها بس انا بشركه ثانيه لسابك
وضع الجبيل لك عليه تنفس وبعيد عن اهلك وسكن غالي ( اذا لقيت بالصناعية, لان البلد لك عليها ) ولو فرق الراتب 3000 اقعد عند اهلك ترا اوفر
بس لو اني منك بحظر الأنترفيو مب خسران شئ وبتستفيد ويمكن فعلا العرض حقهم مغري (كا خبره ومجال) ويستاهل تضحي عشانه
وبالتوفيييق
أنا من أهل الجبيل, الزاري عموما شركة كويسه لكن الفيصل الحقيقي هو الديبارتمنت حقك هل هو كويس أو لا يبغالك تعرف أنت, بخصوص المدينه أنت اللي تقرر لكن عموما اللي يجي من برا الجبيل وخصوصا من الرياض يفتقد اشياء كثيره أهمها الحياة الأجتماعية, الجبيل يعني بيئة شغل فمهي نفس الرياض لو تسألني انا أنا طول عمري عايش فيها فمتاعيش مع مشاكل اللي هي بالنسبه لي حسنات اصلا
نجي عند السكن واللي هو أهم شيء, السكن في الجبيل سلمك الله صعب في الغالب وفيه ازمه سكانيه عندنا, أنت بما أنك في الرازي الشكرة ملزمه توفرلك سكن لكن كيف السكن وجودة الله واعلم , السكن غالبا فيه مشاكل والأيجارات مرتفعه جدا
نصيحة دامك it ومرتاح بوظيفتك وخر عن سابك ومصانعها ولا يغرك العرض الوظيفي…
الله يجزاك خير ، شكلي أجل بروح عشان أزور الجبيل الصناعية ما أعرفها
الله يعطيك العافية …
ألف شكر ع نصيحتك أخوي …
إذا فيه أي إضافة أخواني بكون شاكر ومقدر …
روح منتب خسران شي - حاول تعرف طبيعة عمل الإدارة من المقابلة - في العرض الوظيفي راح يبين كل شي ( هل اعتبروك مهندس او لا - حطوك على برنامج التطوير الوظيفي…الخ)
الرازي بشكل عام من أفضل الشركات التابعة لسابك (ما فرقت اذا اشتغلت بشركة تابعة أو بسابك الأم-كلهم واحد وتقدر اذا بغيت تنقل لسابك الرياض). طبعا كونك بشركة تابعة اتصالك بأصحاب القرار راح يكون أفضل كون الشركة صناعية وعدد الجامعيين فيها اقل. بس صراحة مسمى الادارة عام ولازم تفاصيل اكثر.
طبعا مافي مقارنة في العيشة بين الجبيل والرياض. سكن الشركة ممتاز لكن بيروح بدل السكن عليك (25٪ من الراتب الأساسي) وراح تستنى فترة كم شهر قبل مايجيك السكن العائلي اما العزوبي فهو أسرع عادة. بشكل عام الشركات التابعة ما عندهم مشكلة بتوفر السكن بسرعة عكس سابك الأم اللي ممكن تستنى سنة قبل مايجيك سكن عائلي محترم .هم ممكن يوفرون لك سكن بالجبيل البلد اذا بغيت (الفرق بين الجبيل البلد والجبيل الصناعية مثل الفرق بين هجرة لبن وحي السفارات) . الجبيل الصناعية كبنية تحتية أفضل بكثير من الرياض ومدارس الهيئة الملكية تصك المدارس الأهلية بالرياض 10/0 بس مشكلة الجبيل هي الطفش وقلة الأماكن الترفيهية. طبعا ممكن تسكن الدمام وتتردد يوميا بس حط بحسابك ان فيه ساعتين ونص يوميا بيضيعون في التنقل.
والله بما ان تخصصك it ، ف مكانك أصلا في سابك الرياض ، اكثر وظائف التكنيكل في الجبيل وينبع .
ليش ما ترجع للموظف اللي كلمك للمقابلة وتقول له ابغا سابك الرياض .
الحمد لله انت موظف ومبسوط يعني تقدر تختار المكان اللي يعجبك .
الرازي من افضل شركات سابك و بالنسبة للسكن فالحبيل فماراح تلقى اجار فالصناعية بسهولة و اذا لقيت بيكون غالي اما البلد بتلقى كثير بس اكيد الصناعية افضل لأن الهيئة مهتمه بكل شي فيها ، عموما ما راح تخليك الشركة بدون سكن تقدر تقدم على مشاريع الاسكان حقتهم . نصيحتي روح و لا تضيع الفرصة خصوصا انك معك خبره .
موفق يارب… أفدنا بالإيميل أو طريقة التقديم للشركة أخي…
الف شكر يا غالي …
ألف شكر ع مشاركتك …
مشكور عزيزي ع مشاركتك …
طريقة التقديم:
قدمت من موقع سابك أول ما تخرجت في شهر جانيوري قبل 7 شهور ، ودخلت من إسبوع أحدث السي في ودقوا بعدها بيوم …
تخيلوا خلال 7 شهور عدد مشاهدات السي في صفر وبعد ما حدثتها صارت 17 مشاهدة ، لا تتهاونون في التحديث يا شباب …
ماقصرت والله 
لو سمحت ممكن تشرح كيف عملية التحديث بالظبط؟ على موقع سابك؟ هل مجرد الدخول للحساب يعتبر تحديث او لازم تعمل شي معين؟
شكرا مقدما
افضل حل هو مثﻻ تشيل شيء و ترد تضيفه
ممكن تشيل الوردة ذي هدية لك 
مشكور عالرد دعواتي لك يابطل