السلام عليكم,
أخواني انا دخلت على موقع معادن من قبل كم سبوع, وشفت وظيفه نفس وظيفتي الحالية بالضبط و قدمت عليها. اليوم الصباح جاني اتصال من شركة معادن, و سؤلني كم سؤال عن وظيفتي الحالية, خبرتي العملية, و شهادتي الجامعية. قال لي انت حاليا في شورت لست, تقدر تحضر هالسبوع للمقبالة الشخصية؟ قلت له اوكي.
عندي كم سؤال ياخواني و ياريت تساعدوني:
1- كم المشوار من مدينة سيهات الى راس الخير؟ كيف و هل هو متعب يوميا؟ هل الشركة توفر موصلات؟ سيارة؟
2- هل الشركة توفر سكن للعزاب داخل مدينة راس الخير؟
3- كيف طبيعة العمل في الشركة؟ اذكر الوظيفة مكتوب Rollining Mill. كيف هذا القسم؟
4- كم الراتب المتوقع للمهندس الخبره سنة كاملة Part time في امريكا, و سنتين ونصف في شركة امريكية في السعوية كلهم في نفس التخصص و المجال؟؟
ويش تنصحون عشان احضر نفسي حق المقابلة؟ يعني في اختبار قبول؟
1- المشوار ساعتين بالضبط, الشركة توفر باصات اخر موديل مع خدمة تلفزيون ونت (مجانا) يحرك الباص من كوبري صفوى-المطار الساعة 6 و 4 دقايق ويرجع نفس الموقع على الساعة 6 المغرب
2- السكن متوفر وجديد وفيه كل اللي تحتاجه, بالنسبة لك انت بما انك راح تكون على جريد 11+ راح يكون لك جناح (غرفة نوم مع حمام ومطبخ مفتوح ع الصالة)
3- قسم الدرفلة جديد ولكن بيئته تعبانه جدا, لأن بيئة سابك حديد انتقلت له
4- اظن انهم راح يعطونك جريد 12 البيسك 11 الف
انصحك تجوجل عن اسئلة المقابلات الشخصية وتستعد له زين