يوم الخميس الماضي كتبت خطاب الى مدير الاسكان أطلب منه حل المشكلة …
ذهبت اليهم اليوم صباحا على أمل أن المشكلة قد انحلت لان أكثر من شخص حدثت لي نفس المشكلة وتم حلها بالزام الطالب الذي لم يجدد السكن ب تعهد وخطاب عذر …
انتظرت عند المكتب وقاللي السكرتير الفليبيني عطني بطاقتك وعطيته وطلعلي الخطاب وقرأت الخطاب اللي كتبته انا الى المدير يوم الخميس وعليه خط المدير يطلب رفض طلبي بحل المشكلة …
المشكلة ليست هنا … المشكلة أن المدير قام بتحديد دوائر على اسم روميتي المذكور من قبلي وكاتب عبارات غريبة بجانبها مثل ( الخبر - هل الطالب متواجد في الغرفة ) ؟؟؟
صراحة استغربت من المكتوب واعتقد ان المدير كان يعتقد أن ( شاري ) اسم روميتي بما أنه من الخبر … طبعا طلبت من السكرتير يعطيني الورقة قال نو نو أصلا المفروض ما أوريك اياها …
اجتمعت مع المدير وشرحت له وقلت أن مسوي تجديد السكن ل زميلي بنفسي والله على ما أقول شهيد لكني متأكد ان هناك عطل في النظام …
طبعا الآن نبدأ في المهم وهو رد المدير … أول شيء رفض وقال دور على روميت جديد لان ادارة السكن بدت بدمج الفرادى وخويك الترم الجاي يقدر ياخذ غرفة … حاولت اشرح له أن روميتي كان مسافر وما شيك على الايميل قال مهو عذر … قلت هو اعتمد علي وانا والله العظيم سويت التجديد بس ادري وش المشكلة رد ببرود مرة ثانية قال ليه ما شيك على ايميله … قلت له مسافر لامريكا ونص طلاب الجامعة ما يشيكون على ايميلاتهم في الاجازات … قال هذه مسؤوليته …
قلت له يا عزيزي المدير أنا سألت أكثر من واحد وصارت لهم نفس الحادثة وتم حل مشكلتهم بخطاب وتعهد … قال حالتهم غير وانتم غير قلت له كيف غير ؟؟ رفض يشرح لي وتحجج بالانظمة والقوانين بدون ما يبين الفرق بين حالتنا وحالتهم وفي الاخير قال انت تضيع وقتي ووقتك بدون فائدة…
صراحة اللي شفته اليوم من ازدواجية في القرارات ورفضه القاطع لحل المشكلة جعلني افكر في رفع شكوى عليه وعلى ادارته … ومع تأكدي بأن المشكلة لن تنحل بس ان شاء الله يكون كافي لتنفيذ أنظمتهم وتطبيقها على الجميع …
ف أتمنى منكم أعزائي اخباري ب أفضل طريقة لرفع شكوى على ادارة السكن متمثلة بمديرها ؟؟
رح لعمادة شؤون الطلاب ، اعتقد انهم المسؤولين عن مثل هذه الشكاوى.
+
ترا بقولك شيء، في الجامعة هنا بعض المسؤولين يضغط على الطلاب حتى لو كان معاهم حق عشان ما يعترف بغلطه
أذكر مره كنت عند العميد الي بمبنى 19 هو مدير الجامعة بالصيف الماضي ، سمعته يتكلم مع مسؤول وكان محتوى الهرجه انه طالب جاه ظلم بقريد dn واشتكى بس المسؤوليين ضغطوا عليه وقالوا ما معاك حق، الطالب خضع للأمر وكمل لكنه بعد ترم باع ام الجامعة وقدم شكوى رسمية على الجامعة نفسها. وسوت لهم سالفة ولجنة تحقيق .
ف زبدة الكلام، خل روميتك يسكن معاك، واذا قالوا لك انقل وكذا ، ارفض وما عليك منهم.
بس طبعا قدم شكوى للعمادة ولا تنقل من الغرفة مهما صار، يبس راسك معهم " دامك متأكد 100% انك مسوي تجديد لروميتك "
انا شخص عانيت كثيرا مع هالسكن وتعاملهم السئ . بصراحه لا استغرب مثل هذا الرد والاستهانة اللي من مدير السكن انسان متميز باسلوبه ويحسسك مهتم وهو في لحقيقه مستحيل يساعد او يخدم اية طالب من تجربتي وتجربة كثير غيري . يا كثر ما انظلمت منهم .
أنا اتمنى اك تشتكي عليهم وتاخذ حقك وحسب علمي انه فيه اوقات لازم يتواجد فيها مدبر الجامعه ويستمع لشكاوي الطلاب . اعتقد الساعه 12 الظهر بيكون موجود بس مو متأكد اية يوم .
رحت اليوم لمبنى 17 اتوقع ( اللي تطلع تخفيض الطيران منه ) لمقابلة مدير شؤون الطلاب لاني ما خلصت الا الساعة 1 الظهر بس الغريب كل مكاتبهم مقفلة !! وش السالفة ؟؟؟
ليكون نقلوا الى مبنى جديد ؟؟ طبعا انا فاقد الامل واتوقع بكرى يدمجوني مع أحد الفرادى بس اتمنى محاسبة المسؤول !!
مدير السكن يحاول يضرك قد ما يقدر حتى لو كان ضد النظام
صارت مشاكل كثير مع شباب اعرفهم ويروحون يجيبون ورقة من شؤون الطلاب موجهه لمدير السكن انه يحل مشاكلهم
وانا اشوف كل واحد جاب ورقة انحلت مشكلته
واحد من الشباب صارت له مشكلة وقاله المدير ترا حتى لو توصل المشكلة لمدير الجامعة ماراح ينفعك لانك مخالف للنظام
راح لشؤون الطلاب وجاب ورقة وانحلت مشكلته ومدير السكن يناظر ومو قادر يسوي شي
اي نعم اخوي compy بصراحة انا زيك واجهت صعوبات كبيرة ومشاكل كله بسبب الاسكان هذي الادارة الفاشله بكل المقاييس . خالية من اية احساس اة تقدير أو احترام للطالب وعلى رأسهم مديرهم . انسان بدون اية فايدة حسافة عليه مدير يمشي على التعليمات من فوقه وكأنك تتعامل مع كمبيوتر غير قادر على حل مشاكل الطلاب وأصلا غير مستعد انه يتعاون .
…