السلام عليكم ورحمة الله وبركاته
حاب استفسر عن قسم التسويق في سابك من ناحية راتب ودورات واقسامهم والاسئلة المتوقعة في المقابلات.
يا ليت تفيدوني الله لا يهينكم وشكرا لكم.
وعليكم السلام ورحمة الله وبركاته
نفس السؤال ليا فترة احاول القى له اجابة اتمنى تعطونا نبذة!!
كمان انا ملاحظ ان التسويق يعامل في اغلب الشركات على انه مبيعات حسب بحثي! فنبغى نعرف وضع التسويق في سابك بما انها شركة لها وجودها في السوق المحلي والعالمي…
بشكل عام التخصص حلو والعمل بالماركيتنق ممتاز اذا حبيته
ياليت احد يفيدك بسابك
سؤالي
ايش شهادتك ؟ وهل تخصصك تسويق؟
موفق
بالنسبة لي انا تخصصي ماجستير تسويق من الخارج
انا بكالوريوس تسويق من امريكا واتمنى انه احد يفيدنا الله يعطيكم العافية
ممكن تعلمنا كيف قدمت
ويا ليت تفيدنا باي وسيله للتواصل مع سابك
والله يوفقك
التسويق بسابك حلو…كل مجموعة من المنتجات لها ادارة تسويق خاصة بها و اعمالها تشمل الاستراتيجية التسويقية والمبيعات وعلاقات العملاء وبحوث التسويق.
معظم الادارات بالرياض مع تواجد عالمي في معظم المدن الرئيسية حول العالم (دبي هيوستن سنغافورة هونج كونج…الخ) بالاضافة لادارتين بالجبيل مختصتين بالمعادن وادارة صغيرة بالدمام مختصة بالبوليمرات وتتبع الادارة الرئيسية بالرياض.
والله عن طريق الموقع وكلموني وامين يا رب وياك
الله لا يهينك ويعطيك الف عافية على المعلومات هذي بس حاب اعرف عن الرواتب والدورات هل هي داخلية او خارجية وعددها بالسنة وطريقة المقابلة الله لا يهينك
الرواتب بين 9500-11000 حسب المعدل
طريقة المقابلة مثل اي نوع اخر من المقابلات في سابك…تقدر تطلع بالمنتدى على المواضيع الخاصة بسابك وراح تلقى مواضيع كثيرة تتحدث عن مقابلاتهم
الدورات حسب ادارتك بس عادة تروح على الاقل كورس خارج مدينتك بالسنة غير الكورسات الداخلية وبما انك راح تشتغل في قطاع مهم فاكيد ماراح يقصرون وياك
يعطيك العافية وما قصرت ووش البدلات اللي يعطونها ؟
بدل سكن 25٪ من الراتب الأساسي بحد أدنى 2500 ريال
بدل موصلات 10٪ من الراتب الأساسي بحد أعلى 1000 ريال
بالنسبة للرواتب هل هي خاصة بالبكالوريوس؟ طيب الماجستير معدل فوق 3.50 من 4.0 كم تتراوح رواتبهم؟
وشكرا
الرواتب هذي خاصة بالبكالوريوس…الماجستير ماعندي خلفية عنها للأسف…ولكنهم يتعينون على قريد 11 على عكس البكالوريوس اللي يكون تعيينه على قريد 9
يعطيك العافية