السلام عليكم ورحمة الله وبركاته
انا اليوم رحت لمستشفى الملك فهد بالخبر بدون ماامر على عيادة الجامعة عشان ماابغى اضيع وقتي
وحصلت على عذر طبي من مستشفى الملك فهد …
السؤال … ؟ ايش اسوي بالعذر اللي معايا … هل اوريه المدرسين على طول … ؟
ولا ايش اسوي …
يعني والله آسف على اللي بقوله لكن غالبا بتبله وتشرب مويته 
نظاما توديه للعيادة واذا قبله الدكتور يرسل لك عذر لشؤون الطلاب
عجييب والله … ان شاء الله بحاول
طيب احد يعرف متى تفتح العيادة الصباح ؟
مو شرط ترى
هي صحيح ان النظام لازم يمر على العيادة ولكن صارت لي السمستر الماضي ومريت بالعذر نفسه على الدكاترة كلهم مباشرة وجميعهم قبلوه الا واحد
انا من سكان الدمام … لو الله لا يقوله استمرضت …
على شان اخذ عذر , لازم اروح مستشفى الجامعة !!! ولا مافي عذر
لأن المريض عادة بيروح اقرب مستشفى من السكن الي اهوه فيه …
انا مثلك من سكان الدمام وصارت لي السنه الماضيه ورحت مستشفى برا الجامعه وعطوني عذر لكن الدكاتره ما رضوا ياخذونه فرحت العياده حقت الجامعه ودخلت على الدكتور وشرحت له الوضع ووريته العذر وعطاني عذر رسمي
^ لا ادري هل سياسه كل الدكاتره بالعياده كذا او اني طحت على واحد حبيب
ممكن يقبل و لكن حسب دكتورك …
أنا قد اعتذرت من ثلاثة دكاتره و العذر كان مجرد أني تكلمت معه و وضحت له أني ما كنت أقدر أحضر
الله يجزاهم خير 
تاخذ العذر وتوديه لطبيب في عيادة الجامعة وهو يسوي لك عذر رسمي
شوف حبيبي روح لشؤون الطلاب المبنى الجديد , وكلم الموظف هناك " الشباك اللي في الدور الثاني "
انا صار لي نفس الهرجه قبل سنيتين كنت في المدينة و اخذت عذر من مستشفى أحد , بس طبعا ارسلوا فاكس ع المسشفى و الدكتور رد عليهم بفاكس من هناك
فحط في بالك انك تحتاج فاكس الدكتور في مسشفى الملك فهد + فاكس شؤون الطلاب
الدكتور راح يجيه فاكس من شؤون الطلاب يستفسرون عن حالك بعد ذلك هو يرد عليهم بفاكس مكتوب به تشخيص مرضك
انا ضبطوني كذا وكنت غايب لمده اسبوع و ثلاث ايام
توديه العيادة وكلم الاستقبال ويحولك على الدكتور المسؤول عن الأعذار
والدكتور يختمه لك ويوقع وتستلم عذر رسمي من شؤون الطلاب
انا عندي مواعيد قبل في مستشفى الملك فهد وسويت نفس الطريقة عشرات المرات
مشكورين جميعا