السلام عليكم
باختصار عندي مقابلة مع معادن الاسبوع الجاي … مهندس صيانة ميكانيكي
احد يعطينا اي معلومة عن الراتب وعن طبيعة المنصب ؟ قيت مواضيع كثير عن معادن هنا لكن قديمة … نبي تحديثاتهم للرواتب ومثل ما اسلفت عن طبيعة المنصب… الخبرة : سنة
ماتقصرون
تجربتي مع معادن فوسفات
وعليكم السلام ورحمة الله وبركاته
انا سويت مع معادن فوسفات مقابلة سنة 2012.
(فيه عندك معادن فوسفات والالمينوم وذهب والادارة العامة).
معادن فوسفات والالمنيوم: مصانعهم في راس الخير.
معادن ذهب: لهم مناجم منتشرة في القصيم ومهد الذهب واماكن اخرى.
الادارة العامة: مقرهم في الرياض.
انت اتوقع انك راح تقابل يا فوسفات او الالمنيوم.
على العموم مقابلتي حبية وكان فيها شوي تكنكال (تخصصي كميكال).
خلك مستعد للمقابلة زين واقرأ عن الشركة وانتاجها ومصانعها ومشاريعها.
مشكلة الشركة مكانها (راس الخير) ما يناسب الكثير. لذلك انت اذا انت مستعد وما عندك مشكلة في مكان الشركة بين لهم في المقابلة لانهم راح يسالون عن الشي ذا.
الراتب والمميزات: (الكلام ذا سنة 2012 مدري اذا عدلوها بعدي)
اساسي: 9040
بدل سكن: 25%
بدل نقل: 10%
بدل منطقة نائية (راس الخير والمناجم): 10%
اذا انت راح تشتغل في راس الخير:
اعزب: المفترض يعطونك سكن في راس الخير ولا يخصمون بدل السكن.
متزوج: المفترض يعطونك سكن في مدينة الجبيل ويخصمون بدل السكن.
النقل:
فيه باصات تروح وتجي من والى راس الخير كل يوم (الجبيل واعتقد الدمام بعد) ولا راح يخصمون بدل النقل.
PDP:
نظامهم للاسف فاشل.
تدريب مدة سنة (ثلاثة شهور في معهد للدورات في الجبيل و باقي تسع شهور تدريب ع راس العمل في المصانع اللي ممكن تشتغل فيها)
ما فيه زيادات في PDP نفس سابك وارامكو.
بالنسبة للتدريب اللي في الجبيل كانوا يعطون بير ديم للشباب اللي شركاتهم برا الجبيل وراس الخير مثل الادارة العامة في الرياض والذهب. اما فوسفات والالمنيوم ما كانوا يعطون شي.
هذا اللي قدرت اتذكره الحين واذا عندك استفسار لا يردك الا كيبوردك 
.
يعطيك العافية عاشق نجد ماقصرت
البيسك تعباان ياصاحبي لشركة قوية مثل معادن غير انها محذوفه باخر الدنيا !! اتوقع هالكلام قديم
نبي نشوف اللي راحوا مقابلات قريب … ونبي نعرف اللي مر عليه هالبوزشن
لاهنتم
مازلنا ننتظر ردود الشباب … نورونا الله ينور عليكم
أي شركة من شركات معادن ؟؟
عموما
حسب ما أذكر البيسك كالتالي
2.00 - 2.74 راتب أساسي 9040 ريال فقط لا غير
2.75 - 3.5 راتب أساسي 9500 + 500 إذا خريج البترول = 10000 ريال
3.5 - 4 راتب أساسي 10000 + 500 إذا خريج البترول = 10500 ريال
25% بدل سكن + 10% بدل نقل + 10% منطقة نائية that’s all