من العنوان باين وش اللي صار …
اليوم طلعت نتائج الانجليزي وقدر الله علي وجبت تحت الباس … 
ورحت لعماده القبول والتسجيل لكن قابلت واحد فيه الخير وقال لي لو كل واحد سوا نفسك الجامعة ذي ما بتلقى فيها طلاب … 
الحين انا وش اسوي خصوصا ان الماث فل مارك بس الانجليزي معقدني شويتين … 
ابي تعزيز مو تحطيم 
اي لفل ؟
لا ثم لا ثم لا ، إستسلامك الآن يعني فشلك ، إياك والإنسحاب من الجامعة …
أي كان مستواك في الأنقلش فكثير من الطلآب أكثر من 200 الآن مازالوا يدرسون الإنجليش وبعضهم عداه اليوم وهم من دفعة 2013 …
أخي لا تكون إستسلامي لهذه الدرجة .
أنا قدّر الله علي وعدت لفل 03 تحت الافرج بدرجة يعني المفروض أكون مقهور بس أنا عكست هذا الشيء إلى زيادة المجهود وأعتبر اللي مضى مجرد تجربة عابرة والحمد لله لما عدته أخذت فيه a .
اللفل حقي 01
تفصل من الجامعة وين تروح؟ ما فيه اي قبول الحين ولا الفصل الثاني
قبل تفكر في الفصل فكر فين تروح؟!
إذا ما عندك قبول مأكد في مكان ثاني فتفصل وين تروح؟
ــ بالنسبة للرسوب فمنت أول واحد … ودامك فل مارك في الماث ما شاء الله فيعني يمديك تقضي وقت أكبر في مذاكرة الإنجلش …
مشكلتك مع الإنجلش ما تخرج من نقطتين:
ــ يا إنك مستسهلها فما تذكر بشكل جاد …
ــ أو إنك تذاكر لكن ما تذاكر بالطريقة الصحيحة …
ــــ أحب أقولك لا تستسلم بهذي السهولة … انت جيت هنا عشان تحقق هدف ولازم تتعب عشانه … رسوبك لا يعني إن اللي نجحوا أحسن منك … انت قدها إن شاء الله …
طلاب رسبو مرتين وقعدو سنة ونص على آخر فرصة يعني أي سقوط ينطردون مهب حتى هم يفصلون , والحين بالجبل … لا تستلم
كلام سليم
بإذن الله إذا أكملت ستنجح وتتخرج مهندساً من هذه الجامعة المميزة
الدرجة العالية في الرياضيات تعني أنك قادر، أما اللغة فهي مهارة ستكتسبها بمرور الوقت
هي سياسة الجامعة كذا
تعودك وتعلمك انك راح تسقط لين تقاتل ب اقوى شي عندك
وهذا اللي هم يبونة
انت لازم تتغلب ع الصعوبات بكل شي
هذي جبال نفسية بس تعديها وتبعد شوي راح تشوفها صارت مثل الارض
أستمر وقاااتل لأحد ماتكون مهندس ان شاء الله
كلمه شكرا لن توفيكم حقكم ان شاء الله ابشركم بتخطي الجامعة كامله ي رب
تاكد ان امورك بتزين بمواد التخصص واقصد لو اخترت تخصص هندسي مثل الكهرباء لانك ممتاز بالماث
طبعا هالشي يعتمد على قتالك في جبهة انت ضعيف فيها أو لا تحسن إدارتها
لا تيأس فيه واحد رسب بالماث ورسب بالانقلش مرتين والحين هو اونر بالجبل .
ليه من اولها كذا قررت هذا وانت كويس بالماث
غيرك جلس سنه ونص بالتحضيريه ولا تحطموا كثير يرسبون في الانقلش هو مجرد مستوى ترجع تاخذه وتعديه وانتهينا
لا تستعجل على شي زي كذا لو كل طالب سوا كذا بالتحضيريه ماراح يبقى احد لان الاغلبيه يرسبون ويكملون ف شي طبيعي لان الماده آفرج
الله يوفقك
الحين لو عدت لفل يعني ادرس زيادة في الصيف ؟
يارجال انا كنت راسب في لايف سكيلز وماث 001 والحين جايب فوق الأفرج بماث 101 بفرق كبيير
البدايه هي الصعبه بس … التحضيريه بتحطك في أقوى مواقف التحمل النفسي … لازم تكون قوي حتى تتحملها وتعديها
مثل ماسويت انا 
اخوي السنة التحضيرية سنة تحدي
والانقلش خصوصا لو رسبت فيه يمديك تعوض عكس الماث
وانا اعطيك تجربتي بديت من 00 ورسبت 3 مرات وكانت نفسيتي زفت لكن مع بعض الاصحاب اللي فيهم الخير شديت حيلي ونجحت والان انا بالجبل … اهم شي لا تيأس وتستسلم