السّلام عليكم، مسّاكم الله بالخير يا شباب.
أنا قدّر الله عليّ وغبت غيابي الثالث بلاب فزكس101، والمدرّس معيّي قطعًا إنه يتنازل عن أيّ واحد، المهم وقرّرت إني أبدردب الكورس، بس تذكّرت إن جدولي 12 ساعة وحسّيت إن الوضع ممكن يصير متأزّم شوي، سؤالي: أولًا هل أقدر أدردب وأنا جدولي بس 12 وإذا كنت أقدر من وين؟، ثانيًا وش يحسب لي قريد بالترانسكربت؟ وهل يأثر الكورس بالمعدّل؟
شكرًا مقدّمًا 
.
وعليكم السلام
اول حاجة الفترة هذي ما تقدر تدردب كورس واحد لازم كل السمستر
واذا دردبت الدكتور يقرر يعطيك Wp or Wf لان فترة الدروب تبع W انتهت
لكن بما انه جاك DN ما اتوقع تاخذ Wp اتوقع Wf وتاثيرها مثل الF ويمكن يسجل لك DN اصلاً مو متاكد خل الشباب يصححون لي لان الكلام من معرفتي المتواضعه للموضوع
لكن الدردبة تروح لمبنى 68
ملاحظة
اذا كان يسجل لك DN او Wf انا انصحك تكمل السمستر وتسحب عليها لانك بتكون ضيعت4 ساعات حرام تتاخر 8 ساعات زيادة
بالتوفيق
شكرًا عمر، أنا كان ببالي مثل اللي تقول ما أقدر أدردب كورس لحاله، لكن اللي خلّان أِشكّ شيّين، إني سمعت واحد يسولف بالباص إنه دردب كورس الأسبوع اللي راح، وإني يوم رحت لمبنى 68 وقلت له أبدردب ما قالّي ما فيه، قالي رح لمبنى 14 ودردب، يمكنّه موظّف جديد ولا ما يعرف بس هذا اللي خلّا عندي بصيص أمل.
عمومًا منب مدردب السمستر مدام الدبليوإف هي الأرجح إني آخذ، لكن أبنتظر أغدي حدا الشباب يعطين علم يوسّع الصدر.
حاول فيه انه يشيل غياب … انشب له
العفو
لكن دروب الكورس الواحد انتهى 23 اكتوبر بالنسبة لدروب السمستر كامل تاخذ W اعتذر منك ظنيت انها انتهت لكن رحت تاكدت عشان كنت حاس ان فيه غلط
http://regweb.kfupm.edu.sa/cal/cal141.htm
هذا الرابط عشان تتاكد بنفسك
وحاليا تقدر تدردب السمستر كامل بس وبقريد W
تاكد من الشباب اذا يروح الDN وما يسجل عليك دردب ارحم من الDN عشان تبدأ بمعدل مرتفع
بالتوفيق
واكرر اعتذاري عن الخطأ ولكن الحمدلله رحت راجعت معلوماتي 
^
على فكرة دروب السمستر بقريد w ينتهي بعد 3 ايام
( بمعنى اخر قرر بسرعة قبل تنتهي الفرصة )
كفى و وفى اخوي عمر للأسف ما تقدر تدردب كورس لحاله حاليا .
اذا انك مو منزل الا 12 ساعة انصحك بالw
لكن انت استخير عموما
شكرًا عمر وعبدالله ومتسّلق الجبل وحمدوني، طيّب يبدو إن الفكرة الأصلح هي دروب السمستر، لأن المعدّل يبي يصير 1.5 لو كمّلت، لكن الاستفسار الأخير: أنا عندي سلفة قاعد أسدّده وخرابيط ومكتوب إنه لازم إخلاء طرف من شؤون الطلاب، وش تتوقّعون يقولون لي إذا رحت آخذ الإخلاء؟
تسددها بعدين مو مشكلة
اخوي ع حسب درجاتك في المواد الثانية اذا درجاتك عالية لاتحذف
اذا درجاتك حول الافرج والا تحت دردب
لكن بكل الاحوال انشب لدكتورك لين يشييل غياب منك دايم احضر بدري قبل الاب خله يشوف وشد حيلك وانشب له اذا ماشال شي خلال الاسبوعين هذي دردب والله يعوضك
احذف وهج عن الدي ان
أبشّركم فُرجت يا شباب الحمدلله، الدكتور زانت نفسيّته اليوم الصبح وتنازل.
شكرًا لكم *قلب*.
الله يوفقك يا رب
الحمد لله ، موفق في الجايات