السلام عليكم
ياشباب انا جتني رسالة من الحرس الوطني للشؤون الصحية بإحضار بعض الاوراق الى مقرهم بالرياض وحبيت اسال الله يجزاكم خير عن طبيعه عملهم علما ان تخصصي هندسة صناعية وعندي خبره حول السنتين حبيت اسال عن رواتبهم ومميازاتهم وطبيعه عمل المهندس الصناعي لديهم
وباذن لله راح افيدكم وش يسير معي
الحرس الوطني من المعروف ان رواتبهم عالية ووميزاتهم حكومية …
انا مقدم على الحرس الوطني علما ان تخصصي مهندس معماري وماردوا عليي للحين …
ان شاء الله يفيدوك اهل الخبره …
احد اﻻخوان فريش عطوه فل بكج 16 الف
اخوان هل الدوام في نفس المستشفى؟ كذالك ماهو دور المهندس في هذا المجال ؟
اشياءهم حلوه
احتاج التوضيح اكثر ياخوان لان لو كان شغلهم في المستشفيات مع المرضى لا ارغب بها
اخوي الرسالة هذي استكمال تقديم فقط ومب معناتها انه تم ترشيحك واحتمال يسوون لك بعدها مقابله مع الاتش ار علشان اذا صار فيه شاغر ورشحوك يصير ملفك جاهز للادارة المطلوبه وتسوي معهم مقابله نهائية …
الدوام بتكون في الادارة الهندسية يا ادارة المشاريع يالصيانة يا … الخ مالك دخل في المرضى
عموماً اجرائاتهم تروح لمكتب التوظيف عند بوابة 2 وتعطيهم الاوراق يسوون لك اختبار 10 اسئلة من 10 درجات لازم تجيب فيه 6 اقل شي بعدها يحددون معاك موعد علشان تسوي اختبار من 100 سؤال لمدة 100 دقيقة البكالوريوس اعتقد درجة النجاح من 60 او 65 اذا عديته يسوون مقابله مع الاتش ار لحد الحين كل اللي سويته تجهيز ملفك واستكمال تقديم بعدين اذا رشحوك وصار فيه شاغر يعرضون ملفك ع القسم المطلوب ويسوون معاك مقابله نفس القسم، يعني اجرائاتهم تطول ومعقده شوي طول بالك.
موفق ان شاء الله
يعطيك العافية اخوي في الحقيقة انا رحت لهم وماسوى لي اختبار على طول حولوني على مقابلة بحكم اني خريج امريكا وعندي خبرة 5 سنوات عمل في امريكا بس للاسف ماقدرت اسوي المقابلة في نفس اليوم لارتباطي بالعمل فااخذت موعد معهم على الاسبوع الجاي باذن لله
سؤوالي ياغالي الادارة الهندسية هل هي في نفس المستشفى ؟ نفس المبنى ام مبنى اخر؟ كذالك وش راح تكون طبيعه العمل
ماشاء الله كويس
والله مااقدر افيدك بالتفاصيل لكن بشكل عام الحرس كويس ورواتبهم كويسه ودوامهم من 8-5
يجي من يفيدك ان شاء الله
بما انك مهندس اكيد ما راح تكون داخل مبنى المستشفى.
فيه مباني اداريه كثيره (في نفس سور المستشفى) ولكن ليست في نفس مبنى المستشفى.
وبما انك مهندس فغالبا راح تكون في احد هذه الإدارات مثل المشاريع و الصيانه و ال it و العقود و المشتريات وغيرهم من الاقسام الاداريه
هل الوظيفة برتبة عسكرية ولا مدني
أفيدوني إذا مدني قدمت عليهم
مدني
ممكن تفيدونا بطريقة التقديم و هل هي على نظام التشغيل الذاتي (محد يمدحه)
و هل بوه وظايف بالدمام ولا بس الرياض
طريقة التقديم عن طريق موقع الشؤون الصحيه بالحرس الوطني
الوظائف في (الرياض - جده - الأحساء - المدينه - الدمام)
رتبت المستشفيات من الأكبر حجما و وظائف حتى الأصغر