السلام عليكم
حبيت اسأل كيف ممكن اقدم على شركة الكهرباء لانه الموقع حقهم للاسف من اسوأ المواقع اللي مرت عليا … اللي صار انه بعد ما عبيت البيانات يقول بنرسل ايميل التأكيد لايميلك ولا يجي الايميل هذا
ايش الحل ؟
صحيح انا مقدم عليهم من ٣ سنوات, و كل ٦ اشهر احدث بياناتي و لاحس و لا خبر 
يقولوا تروح لمكاتبهم و تعطي cv الموظفين, مادري احس ان موضوع فيه احراج و قطة وجه.
تروح مكاتبهم وتدور مدراء الدوائر او الادارات وتسالهم عندكم وظايف لمهندسين كهرب مثلا اذا قال ايه عطه السي في حقك وبس …
صادق اخوي من اسوأ المواقع الا مرت علي! انا قابلتهم في معرض التوظيف في الرياض وكلمتهم على هرجة الموقع وبرضو قلت لهم حكاية لما تختار ايقونة ماجستير يطلع لي ٤ سنوات و ٥ سنوات مع العلم ان الماجستر سنتين! فاتصل على واحد من موظفينهم ساله على النقطة الا ذكرتها له وقاله انهم شغالين عليها!
حقيقة عندنا شركات عملاقة وانظمتها لك عليها؟؟١ كيف ماني عارف…وشكله مساله التقديم اونلاين عندهم ما ينفع، شكلهم يفضلوا الطريقة التقليدية! طيب اجل لي جايين المعرض ولا كل ما يجي احد عندهم يقولوا التقديم اونلابن…زي هدول تسحب عليهم بس المشكلة في ناس محتاجة…
الله المستعان
يااخوان خوذوا رقم الطلب اللي بالموقع والسيفي وروحوا للادارات وقدموا لهم يد بيد، الموقع مايشوفونه.
مكانهم ابراج غرناطه ( بعد غرناطه مول وانت متجه شمال على الدائري الشرقي ع اليمين
برج a2, a3, a6
موفقين ان شاء الله
موقعهم ما منه فايده أنا رحت لهم في مكتب الإدارة في جدة و حاولت أقدم في قسم التوليد قالي الموظف خلاص ما عاد فيه تقديم (السي في) يد بيد و قالي قبل فترة كان في مقابلات في قسم التوليد و أنه لازم يكون معدلك جيد جدا, قلت له أنا معدلي جيد جدا و ما جاني اتصال قالي هم لهم مواصفات خاصة و كذا.
حبيت أقول لكم إلى صار معي مع العلم اني أنا مهندس ميكانيكي و فريش
٥ اشخاص وانا من ضمنهم قدمنا عن طريق الموقع و تمت المقابلات في اقل من شهر في اكثر من ادارة و اكثر من منطقة،
صحيح ان الموقع يالله يفتح بعض الاحيان ، لكن فعال وينظرون له الشركة .
جربوا عن طريق اكسبلورر يمكن ينفع معكم …
ليا اربع سنوات و حالة الطلب قيد الدراسة !!!
رحتلهم و كلمتهم و كالعادة أخدوا السي ڤي و قالوا نكلمك
العقلية اللي في شركة الكهرباء عقلية مصدية متآكلة !!!.
جت على سكيكو بس ؟
سكيكو بالرغم انها شركه عاديه وليست بطموح طلاب البترول الا ان الوظيفه فيها اصعب من ارامكو وسابك وشلمبرجير والشركات الكبيره وهذا يدل انها شركه ماشيه بالواسطات في التوظيف وكلامي هذا من واقع تجربه عملت مقابلات مع اغلب الشركات الا سكيكو !!
التقديم على الوقع مره غبي انا تمت شهر احول يالله فهمته
بعد ماجلست اعبي بيانات بالموقع
جات خانة سنة التخرج
طبعا الشركات الكبيرة تعطيك المجال حتى لو باقي على التخرج حقك
بس شركة الكهرباء لم تعطي هدا الخيار على موقعهم
يبيلهم شوية تطوووووووووير
و أنا صار لي 5 سنوات مقدم في الموقع و كل 6 شهور أحدث بياناتي فيه و طلبي ما زال تحت الدراسة!!!!!!!!!! إلى متى!!!!!!!!!!
لا حول ولا قوة الا بالله من شركة زي كذا 
إذا ما معك واسطة لا تتعب روحك
ناس كثير اعرفهم معاهم واسطة وتوظفوا
شركة الكهرباء سكيكو شركة واسطات ومحسوبيات
والعكس صحيح ناس ما معهم واسطة وتم استبعادهم مع إن معدلاتهم مرتفعة وتخصصاتهم مرغوبة مثل الهندسة الكهربائية
يا أخي لا ينبغي لك هذا التحطيم و هذي المبالغة غير المقبولة و غير المنطقية
ما أنكر الواسطة اللي نخرت في كل مكان و ليس في الكهرباء فقط و بعمايلنا احنا قبل لا نلوم غيرنا
لكن أنك تقفل الموضوع مرة وحدة و ما تعطي أي أمل ! أنت بكذا تضلل القراء و ممكن يصدقون كلامك و لا عاد يفكرون أبد في التقديم
بينما الحال ليس كذلك بالصورة اللي صورتها أنت
الإنسان ما عليه إلا أنه يسعى و يتوكل على الله
^^
طيب قدّم بنفسك على شركة الكهرباء بدون واسطة وشوف كيف !
أكبر شركة فيها فساد ومحسوبيات معروفة شركة الكهرباء سكيكو
أنا كنت موظف فيها
و تقديمي كان عن طريق قسم التوظيف
و التوظيف كان خلال أسبوع
و معدلي جيد
و لا عندي أي واسطة
وش تبي بعد
بس للأمانة الكلام هذا قديم
يا اخي ما انكر الواسطة
لكن تخيل واحد خريج او ما زال طالب يقرا كلامك
فيه طلبة أو خريجين ممكن يتأثرون بكلامك و ييأسون من التقديم و السبب المبالغة الرهيبة اللي عندك
و تكون أنت بكذا حرمتهم من وظيفة كان ممكن تعيشهم بسلام و طمأنينة إلى التقاعد
و لو كلامك صحيح بدرجة كبيرة كان سكتنا لكن اللي شفناه من خلال وظيفتي أنه ناس كثير توظفوا من دون واسطات
و غير كذا أصلا التفكير في الواسطة تفكير سلبي و غير مفيد
طيب فيه واسطة ، و بعدين … الواسطة في كل مكان ، هل هذا يعني أنا الإنسان ما يسعى … يجلس في بيته أزين … وش ب يفيده هذا التفكير ، وش ب يفيده الكلام هذا له .
^^
يعني خبرك عتيق
اللي اقصده الشركة هي أكبر شركة في الواسطات والمحسوبية خاصة في الثلاث سنوات الأخيرة
يعني أنت ما صدقت يوم قلت الكلام هذا قديم
و ما شاء الله عندك إحصائيات و بالدقة ما شاء الله و عرفت تحدد أنها في الثلاث سنوات الأخيرة
على كل حال ، كل واحد مقتنع بكلامه و كل واحد يصلح سيارته 
و شكرا