السلام عليكم جميعا… حبيت اشارككم بمعاناتي طيلة 7 اشهر من التقديم و البحث عن وظيفة العمر وان شاء الله تفيد البعض… طبعا حاب الكل يقدم اقتراحاته و يبدي رايه في الموضوع
أولا أنا خريج برنامج الابتعاث بتخصص هندسة كهربائية ومعدل 3.207 من 4.0… تخرجت في شهر 5 الماضي, وهذا ملخص للوظائف الي قدمت عليها, واي احد حاب اي معلومات زيادة يتفضل وانا حاضر
بدأت التقديم في يوم المهنة المنظم من قبل الملحقية وسويت 5 مقابلات و اعطيت السي في تقريبا لكل شركة تحتاج هندسة كهربائية
أولا المقابلات:
-
Fluor : كانت مقابلة لطيفة وبسيطة ولم تتطرق للتخصص… الركروتر كان سعودي و قالي في الاخير بنرد عليك بعد اسبوعين… إلى هذا اليوم ما سمعت منهم ولاشي…
-
مدينة الملك عبد الله للطاقة : مقابة مع 3 اشخاص ( شوام اعقد) وبصراحة من اغبى الاسئلة الي مرت علي في مقابلة كانت معاهم… من طريقتهم كان واضح عدم جديتهم في التوظيف… بعد 3 اسابيع تقريبا ردوا علي بالرفض
-
SABIC : كانت مقابلة صعبة نوعا ما … جميع الاسئلة تكنكل و عميقة … الحمد لله جاوبت على جميع الاسئلة بشكل صحيح واثبت جدارتي وفي الاخير قالوا لي (كانوا مهندسين سعوديين) تقبل تشتغل في شركة الحديد التابعة لسابك.؟ تخاف من المرتفعات؟ لما جاوبتهم واكدت لهم استعدادي قالوا ان شاء الله خير… بعد اسبوعين بالضبط جاني ايميل منهم بالرفض !
-
Schlumberger: طبعا هذي الشركة تمثل الحلم بالنسبة لي وهي هدفي الأول والاخير… المقابلة كانت بسيطة جدا ومثل ما انذكر في مواضيع ثانية الاسئلة كانت عبارة عن: ليش اخترت شلمبرجير؟ ليش شلمبرجير المفروض تختارك؟ نقاط قوتك؟ وانا اعتقد سويت اوكي بالمقابلة لكن للاسف جاني الرد كالتالي: ناسف لعدم اختيارك لمقابلة ثانية!!
-
Aramco: المقابلة كانت مع شخصين والقسم كان community engineering وما اعتقد كانوا الشخصين مهندسين لانه اسالتهم كانت تعتبر سطحية نوعا ما بالنسبة للأسئلة التكنكل… سألوني اذا كانت اعرف كيف اقرى الالكتركال درونجز… اذا مستعد اشتغل بشيبة او اماكن نائية… اذا بعد عندي استعداد اشتغل بالاستميشن … واعتقد انه هذي المقابلة كانت من امتع المقابلات وافضلها… وللاسف الى هذا اليوم ما ردوا علي!! رحت لمكتب التوظيف مرتين وما قدروا يفيدوني بحجة انو مقابلات الجوب فيرز ما يدخلونا بالسستم, وان الاختيار يرجع للدائرة فقط… طبعا لما رحت لمكتب التوظيف المرة الاولى قال لي الموظف اروح لفندق الميريديان على اساس انهم يسون مقابلات… ولما رحت للاسف انطردت شر طردة, حتى اسلوب ما كان عندهم
** بعد الرجوع من أمريكا **
طبعا بعد التخرج على طول بدأت التقديم على مواقع الشركات,واغلب الا صار كالتالي:
- سكيكو: الطلب من 7 شهور وهو تحت الدراسة… اتصلت عليهم وقالوا ما في توظيف حاليا وانتظر لبداية السنة الجديدة… وطبعا قالوا لي ما راح اقدر اقابل اي رئيس دائرة يعني لا تتعب حالك وتجي
- شلمبرجير: نفس الحالة من 7 شهور والطلب ما تغير فيه شي… اتصلت عليهم قبل 4 ايام تقريبا وقالوا بعد اسبوعين تقريبا راح يوظفون دفعة جديدة
- ارامكوا, سابك, معادن, تصنيع, يسرف, الصحراء, الطاقة , العليان, ABB, بيكر هيوز, هالبيرتون, وذرفورد, GE, سراكو, جال, الفلك, جونسون كونترولز, بروكتر & جامبل,SNC Lavlin, Jacob واي شركة تقريبا تمر على بالك ما في اي رد ولا حس ولا خبر
طبعا رحت وادي الظهران للتكنولوجيا على اساس اقدم واسلم السي في يد بيد, بس للاسف ولا شركة سمحت بدخولي والكل قال لي قدم اونلاين
واخيرا رحت ليومين مهنة بالسعودية اللي كان بمعارض الظهران و اللي كان بقاعة السيف… وطبعا من افشل ما يكون ولا في فايدة منهم اصلا… كل الشركات تجمع سير ذاتية فقط لا غير… او طبعا يسمعك كلام معسول وانهم بيتصلون عليك بعد اسبوع لاجراء مقابلة 
وضعي الحالي شغال في شركة (( وطنية)) براتب لا باس فيه, بس للاسف ما لها اي دخل في الهندسة… طبعا صار لي اسبوعين معاهم وان شائ الله احصل الافضل منهم خلال ال3 شهور القادمة
مرة ثانية حاب اقرا ارائكم و استفيد من تعليقاتكم وطبعا الي عنده سؤال يتفضل وانا حاضر
