بسم الله الرحمن الرحيم
السلام عليكم ورحمة الله وبركاته …
الحمد لله انا حديث التخرج من الجامعة في هندسة البترول ، وعارف ان هالقسم بالمنتدى ميت ولا فيه احد ، عشان كذا حبيت اني افيد اي احد عنده استفسار او سؤال بالقسم يتفضل يسأل.
او اذا حابين تكونوا معانا بقروب البفيس بوك وتسألون مافي اي مشكلة بعد حياكم على هذا الرابط:
https://www.facebook.com/groups/378558905496531/
الخيار خياركم ، انا بكون متواجد في المنتدى ، وان شاء الله اقدر افيدكم باللي اقدر عليه.
موفقين لكل خير :o
Petroleum Engineering Department at KFUPM got qualified for PetroBowl at ATCE in Houston, USA. Which is )going to be held in (30 Sep. 2015
…
تم الرد
موفق عزيزي …
سلام عليكم
يالغالي حبيت اسالك عن كل شي تقريبا في التخصص
وش صار اول مادخلته ماهي الصعوبات ؟
ماهي المواد اللي صادفتها ؟ وعلى ماذا تركز ؟
عند التخرج ماهي الفرص الوظيفيه اللي توفرت لك ؟
طبيعة العمل انا كمهندس بترول وش اسوي ؟
لانه صراحة القسم هذا بالمنتدى شبه ميت للأسف
وشكرا لك
وعليكم السلام …
وش صار اول مادخلته ماهي الصعوبات ؟
دائما البداية هي اساس كل شي في الحياة ، اذا انت تبدي بداية صح في اي تخصص ما بتواجهك اي صعوبات ، هندسة البترول نفس الشي ما في شي اسمه صعوبات الا لو كنت مستهتر وبالعكس الماده الاولية الي بتاخذها والي هي الانترودكشن PETE 201 بتشوفها مره مره مره حلوه وبتشوف اشياء ما كنت تتوقعها في هندسة البترول لما تمشي قدام في التخصص … لو اني بعطيك مثال:
أن متاكد ان اغلبية الناس اذا ما كان نسبتهم تقريبا 96% من الناس يحسبون ان يوم نحفر في الارض البترول يتواجد كأنه بركة من البترول نقوم نستخرج التبرول بسهوله ، لكن بالحقيقه هذا خيال ، بالترول الي نستخرجه موجود داخل الصخر نفسه ، عشان نطلعه في طرق نستخدمها لاستخرجها وهذا جزء من ايل بتدرسه … وهكذا يعني … بتكتشف اشياء حلوه … طبعا ماب نصب عليك كل تخصص وفيه كم ماده تشيب الراس … يا بسبب الماده نفسها او بسبب دكتور ، بس بشكل عام هندسة البترول تعتبر من التخصصات السهلة والممتعة.
ماهي المواد اللي صادفتها ؟ وعلى ماذا تركز ؟
طبعا كل تخصص له مواده ، اذا حبيت تشوف مواد هندسة بالترول وايضا حبيت تشوف على ايش تركز كل مادة انقر (هنا)
عند التخرج ماهي الفرص الوظيفيه اللي توفرت لك ؟
ما تتخرج ان شاء الله كل شركات البترول لك فرصه تتوظف فيها مثال:
أرامكو السعودية - شلمبرجر - بيكر هيوز - هاليبرتون - ويذرفورد و و و يوجد الكثير …
طبيعة العمل انا كمهندس بترول وش اسوي ؟
(هنا) تحصل الجواب الكافي والشافي
لانه صراحة القسم هذا بالمنتدى شبه ميت للأسف
ان شاء الله مابيكون ميت بعد اليوم …
وشكرا لك
العفو ، وموفق عزيزي لكل خير 
يعطيك العافيه يالغالي على الجواب المتكامل صراحة
وانا ان شاء الله احاول اتخصص بهندسة البترول
وابدع باذن الله
ياليت تعطيني صعوبة التخصص من نظرك بينه وبين باقي تخصصات الهندسة المتوفرة
وماهي اساسيات التخصص الكيمياء ام الاحياء ام الجيولوجيا ام الرياضيات ام جميعها
وشكرااااااااا
حياك معانا بالتخصص وان شاء الله بيعجبك …
بالنسبة للصعوبه مثل ما قلت لك ، اذا انت تذاكر وتجتهد ما بتشوف صعوبه ، اما اذا انت كسول واعذرني فا بتشوف صعوبه اكيد … ما راح اقدر اقارن هندسه البتورل بباقي التخصصات لان ما درست باقي التخصصات ومقدر اقول ليش ذاك اصعب ولا البترول اصعب … في النهايه صدقني يعتمد ع مجهودك انت وبس …
بالنسبة للاساسيات ، والله طال عمرك البترول بتشوف كورس فيه عن الكيمياء شوي بس (مبسط جدا وكانها اعاده حق chem 101) ، بس بالنسبه لاكثر شي بتحتاجه الرياضيات ، لان بتكون تقريبا معادلات ولازم تعرف كيف تحل المعادلات وكذا وكيف تفككها وكذا … بس بالنسبه لباقي الاساسيات مافي كيمياء او فيزياء او جولوجيا (بتكلم عنها بعد شوي)
الجولوجيا طال عمرك … بتاخذ تقريبا كورسين بيعلمك انواع الصخور الي بتواجها اثناء الحفر وتعرفك على طبيعة المكمن من الناحيه الجيلوجيه ، بس ايضا ما بتستخدمها بدراستك يعني بس بتاخذهم بهالكورسين وخلاص.
بالمختصر المفيد اكثر بتحتاجه الرياضيات انك تكون فاهم تحل معادلات وتفكك معادلات وبس … هندسه البترول لها طريقتها الخاصه في الدراسة ، يعني ما راح يجي يسالك عن اشياء فيزيائية او كيميائية او جولوجية و و و و …
موفق عزيزي
لمن أراد ، ان يأخذ نبذة أكثر عن هندسة البترول في جامعة الملك فهد للتبرول والمعادن ، يشوف هالفديو …
https://www.youtube.com/watch?v=ifE5tb8Z1DI
مشكور ع المبادرة
بما انك حديث التخرج … هل تحصلت ع وظيفة ؟
اذا نعم ممكن تحدثنا عن التجربة.
اي نعم حصلت على وظيفة ولله الحمد ، انا قدمت عن طريق المواقع على كل الشركات الي لها علاقة بالبترول او الطاقة بشكل عام ، وفي يوم لمهنى قدمت على ارامكو ، وسويت معاهم مقابلة ، والحمد لله اجتزتها وسويت الاختبار والفحص الطبي وجا لي القبول معاهم …
السلام عليكم
لاهنتوا كم تبلغ مكافئة طلاب هندسة البترول
الذين من خارج المنطقه
اتمنى تفيدوني وشكرا
وعليكم السلام …
هل تقصد بعد ما تتخرج ووتوظف ؟
لا ، على سبيل المثال
انا طالب في جامعة الملك فهد للبترول والمعادن
كم يعطونك مكافئه
علما باني خارج منطقة الظهران وشكرا
990 ريال بدون سكن
840 مع سكن ==> خصم 150 ريال للسكن