من فترة و انا استغرب من منع اللعب اون لاين من خلال نت الجامعة … و خاصة ان الطالب يحتاج فترات ترفيه عن النفس … و بسبب هذا الشيء البعض يشتري نت خاص و يكلفه مبلغ عالي في السنة عشان يلعب اون لاين ويحمل افلام … اتفهم انا وكثير من الطلاب منع تحميل الافلام … لكن منع لعب الاون لاين ليس هناك اي سبب مقنع … والطالب هو المسؤول عن تنظيم وقته واللعب … فما اشوف فيها اي ضرر بل و كما اسلفت انها تضر الطالب بدفع مبالغ و عنده نت في الجامعة يستطيع الاستفادة منه … ارجوا كتابة اراءكم … و ايجاد حل للموضوع .
النت لم تدفع فيه هلله واحده بالتالي هم واضعينه عشان الاستخدام الاكاديمي
تبي اشياء اخرى ارخ الريال
انا انتقد الجامعه في اشياء كثيره وعلى فكره انا قيمر لكن هذا اعتبره شي من حقهم والحمدلله انه متوفر نت عالي السرعه وتقريبا ثابت من غير انقطاع
وببلاش غيرنا يدفع +200 ريال بالشهر عشان يحصل الشي هذا
واخرتها ياستخدام عادل او نت زفت او تغطيه ابو كلب
يا اخي من حقهم ما اختلفنا … بس لازم الجامعة توفر جميع سبل الراحة للطالب … وهم فعلوا ذلك واكثر من ذلك … فما بيضرهم شيء صغير زي ذا انهم يوفرونه ايضا … و بعدين موب كل الطلاب يقدرون يرخون الريال …اذا كنت تبي تلعب اون لاين طول السنة حاليا مافي عرض الا اس تي سي ب ظ،ظ§ظ*ظ* ريال و موب مفتوح !!! … و ظ،ظ§ظ*ظ* ترهق ميزانية كثير من الطلاب … فنتمنى يسمع المسؤول و يوفر علينا هذي المبالغ … واذا على الامان … ليه حاطين قسم it … هم وش وظيفتهم !! يصلحون ايميل الطالب او مشاكل ارقام مرور فقط !! لا طبعا دامه وجد قسم كامل لازم يكون مسؤول عن اشياء اكبر … و توفير الاون لاين و حماية الشبكة لازم يكون جزء من عملهم .
الامان … ف قسم الـit يقدرون عليه .
واما اذا ع التكلفة ، ف الجامعة ما تعجز ع مبلغ بسييط جدا !
تعبنا من تذبذب خدمات الاتصالات ، نعاني من السرعات السيئة .
وبالاخير ، كوننا بمكان اكاديمي فمن حقهم يبقى للاستخدامات الاكاديمية اما اذا سمح بالاون لاين فبيكون اضافة ترفيهية لنا .
لو كان مسموح ما كان نقدر نستخدم الانترنت بسبب الضغط الشديد عليه كذلك مواقع الافلام
واقعيا النت متوفر للخدمة الأكاديمية و فترة من الفترات انهار الانترنت لمدة شهر بعد اغلاق التراكر(موقع تبادل ملفات داخل شبكة الجامعه) بسبب توجه الطلاب لموقع الافلام المباشرة وعندما تم اغلاقها عاد الانترنت لوضعه حتى وقتها ما قدرت أحل الواجبات online و ما قدرت اتابع youtube الا على دقة 144 و 240 ايضا الانترنت الي تستخدمه الجامعه مدفوع وهو كالماء تماما كلما زاد استخدامه زادة التكلفة .
لكن المفترض الجامعه تسمح لشركات الاتصالات بتوصيل خطوط اشتراك ارضية للانترنت للطلاب او تعزيز الانترنت الهوائي وليس كما هو الحال الان فشبكة STC 4G بالكاد تصل ال سرعة 5 ميقا على بعد 300-500 م من البرج واللاق في الالعاب يخليك تكره online في الجامعه
وأخيرا اسألوا طلاب عزوز وسعود وغيرهم الي ساكنين في السكن لتعرفوا كم هي جامعتنا طيبه في حرية التصفح و استخدام الانترنت
مدري الصراحة عن اي مقارنة تتحدث بين جامعات السعودية الاخرى غير البترول هل فكرت قبل ما تكتب انه اغلب الي تتكلم عنهم في الجامعات الاخرى قاعدين عند اهلهم و ان نسبة الساكنين بالنسبة للبترول شيء لايذكر .
! ، اذا كانت هذا السبب فـ الطالب يقدر يضيع وقته في مليون شي وشي ، وقفت على الاونلاين قيمز ؟
يب اغلب مواقع الانمي الحلوه مفتوحه
خايفين يحرقون ع بعض 