السلام عليكم ورحمة الله وبركاته
جاني عرض من شركة السيف للمقاولات وانا توي خريج هندسه ميكانيكية وموظف حاليا في شركة تشغيل وصيانه لكن كابيئة عمل ماني مرتاح فيها.
هل احد عنده معلومات عن شركة السيف من ناحية سمعة الشركة ؟ يعني افكر اخذ فيها سنتين ثم احول ع صدارة وسابك
في انتظاركم
وعليكم السلام ورحمة الله وبركاته
بصراحة ما اعرف احد شخصيا اشتغل في الشركة … لاكن شركة السيف ماقد سمعنا احد اشتكى منها زي اغلب منافسينها من شركات المقاولات … هذا حسب خبرتي في مجال الكنستركشن
بس غريبة انت مهندس مياكانيكي وتبغى تترك وظيفتك في التشغيل والصيانة (وهي اقرب للتخصص) و تروح لشركة تخصصها في البناء ؟ ولا ممكن تكون شركتك في نفس المجال تشغيل وصيانة المباني وانت حاب هالمجال ؟
وهل عرضوا عليك راتب اكثر من راتبك الحالي (هذا المفترض) بفارق مغري وهو اللي خلاك تترك مجالك
ياهلا اخوي
والله الراتب تقريبا نفس الشي او ممكن اقل بعد ، لكن الشركة الي انا فيها ماسكة التشغيل والصيانه للمستشفيات وهمها الوحيد تحصيل فلوس وسعوده بالرغم ان راتبها حلو بالنسبه لي لكن احس ماراح استفيد خبره بالرغم اني مدير موقع !!
شركة السيف شركه كبيره وراح ادخل في مجال المشاريع يعني اقارنها بشركة بن لادن وفيها دوارت وهذي الشركه الي انا فيها اسمها سمايا وكانت تسمى دار الاركان من قبل.
والله انا محتار بالنسبه مايدعم السي في مستقبلا لان خياراتي محدوده موقتا حسب المنطقه الي انا فيها بالرغم اني متخرج مع مرتبه الشرف من بريطانيا 
ومحتاج مشورتكم
هلا أخوي …
أنا سبق وأخذت عندهم الكوأب (سبع شهور) في عام 2013 … مكانهم بالرياض مخرج 9 … شغلهم مقاولات ومشاريعهم كثيرة … تصنف في المقاولات من فئةأ … كمهندسين أغلبهم غير سعوديين يعني نظام سعوده بحت … تعال خاص أفيدك بأرقام تواصل يفيدونك أكثر .
اعرف 2 من الشباب فيها
الشركة طبعاً مقاولات فشغلك راح يكون غالباً بالسايت، الدورات لهم الحين حول السنه ماحد منهم اخذ دورة، محتاجين مهندسين سعوديين وغير كذا على كلامهم فيه شغل وفيه كرف بعد لأنهم بعض الاحيان ياخذون اوفر تايم.
الدوام سبت ايه سبت لا، الرواتب حدود 11 للفريش قبل خصم التأمينات، عندهم مشاريع قوية الحين مشاريع الداخلية على طريق الشرقية وعندهم بعد حالياً اعتقد مبنى مواقف في مدينة الملك عبدالله الاقتصادية وغيرها…
اذا يناسبك مجال المقاولات وبيفيدك في تخصصك توكل على الله.
ما أعرف عن السيف للمقاولات
لكني شخصيا ما حبيت التشغيل و الصيانة و تذكرت شغلي في إدارة المشاريع
كانت أروع فترة في حياتي
أنا أفضل إدارة المشاريع على الصيانة
فإذا شغلك راح يكون في إدارة مشاريع ، فأنا مبدئيا أعتبره ميزة عن شغلك في وظيفتك الحالية
و أضف إلى ذلك أنك تقول أن شغلك في الشركة أقرب إلى أنه سعودة
و أنا بصراحة الآن شغلي مو بعيد عن اللي وصفته ، إشراف على مقاول صيانة لمباني ، و أقرف شغلة اشتغلتها في حياتي
اعتقد أن إدارة الصيانة عندنا في السعودية غير ناضجة و خصوصا في القطاعات الحكومية
تخيل نفسك تأخذ خبرة في إدارة المشاريع و تضيف لها PMP أو PRINCE2 (أو الثنتين)
أو حتى تدرس ماجستير في Construction Management مثل اللي موجود في جامعة الملك فهد أو تطلع بره
اعتقد أنه سيكون Career رائع
وفقك الله لما يحب و يرضى
أخوي معليش بغيت أسألك سؤال:
كيف قدمت عليهم ؟
وشكرا