السلام عليكم أنا طالب هندسة ميكانيكية ومبتعث من قبل سابك
عندي تدريب الصيف الجاي وإخترت المسار البحثي بالشركة، حالياً عندي الخيار إني أطلب التدريب بأحد مراكز البحوث يا بجامعة الملك سعود بالرياض ( تطبيقات بلاستيكية ) او الجبيل او المركز بجامعة الملك عبدالله بجدة. ( أنا من سكان الرياض)
أدري ان هذا القسم للخريجين وللدراسات العليا لكن فيه نسبة كبيرة إن القسم اللي اتدرب فيه اشتغل فيه إذا تخرجت
أنا صراحة مهتم بالهندسة الميكانيكية وعندي رغبة أكمل الماستر فيها وسابك غالبية أبحاثها وعملها بالكيميكال فاللي عندهم خبره في سابك ما هو أفضل مركز بحثي لي كميكانيكال أو إني أشيل فكرة الريسيرتش من راسي واطلب تدريب بمصانع الجبيل ؟
هل اللي يدخل بالريسرتش يمر على برنامج ال seed للتدريب؟
والله ياخوي انا حاليا قاعد اخذ التطبيق في مركز سابك للبحوث والتطوير … وللاسف من الي شفته اذا مانت كيمكال اعتقد مابتلاقي فرصة ابدا للبحوث … يعني الي يستفيد منها الكيمست ( الساينس ) والكيميكال انجنير بعد ممكن يستفيد . . حتى الكيميكل انجنير يطلعوه ماستر اذا بيتوجه بحوث غالبا ، خلاصة الكلام اعتقد اذا توجهك رسيرش بالميكانيكال دور شركة يكون السكوب حقها داخل فيه تطبيقات ميكانيكه بالمقام الاول …
أخ ابو محمد … عندي شوية أسئلة لو سمحت بخصوص مركز سابك للابحاث
أيش التخصصات المطلوبة في المركز ؟؟
هل يقبلون خريجي الفيزياء ؟؟
وماهي التخصصات اللي يبتعثوها للدراسات العليا … يعني هل يبتعثوها موظفين غير موظفي الكيمياء والهندسة الكيميائية ؟؟
بالنسبة لاستفسارك برد على استفساراك الي وصلني بالخاص هنا ايضا
مركز سابك الي تدربت فيه يقع في الرياض في المدينة الصناعية الثانية ( طريق الخرج ) والي اعرفه ايضا فيه مركز ابحاث بالجبيل وايضا معلومه ماني متاكد منها ان لهم تعاون مع kaust فممكن يكون لهم شي بالغربيه مادري
رواتب الباحثين لاعلم لي بها ايضا كان تدريبي فيها و لم اتوظف لكن دوامهم عادي ٨ ساعات ونصف مع البريك تبدا ٧ تطلع ٣:٣٠
وعندهم فلكسبل اور ساعة وحده الين ٤:٣٠
الي اعرفه ان اي مهندس يدخل ال seed مدري عن الساينس كيف وضعهم اذا تخصصك فيزكس ساينس
وبالنسبة للتخصصات … معهد البحوث الي بالرياض من الي شفته مافيه الا ابحاث كيميائية فقط
ان شاء الله احد موظفين سابك في مراكز الابحاث يفيدك اكثر اذا فيه مركز عندهم ابحاث اخرى