الرجا من الذين عملو المقابله والذين لم يعملو مقابله يحدثونا ماهي الأسباب التي جعلتهم يدخلون او لا يدخلون المقابله هل هي المعدل فقط
وأيضا ما هو رايك بالمقابله وأسباب اعتقدك بانك نجحت بها او لم تنجح ارجو التفاعل من الجميع
عندي زميلي عمل مقابلة مع naoo2 مكتوب كذا
بس متقروش يبي يعرف متى يردون, قالو له بعد اسبوعين.
في احد عندة علم؟
حسب اللي سمعته من الشباب، أغلب التخصصات يشترط يكون معدلك فوق ظ£ عشان تدخل
متأكد أنه تم التغاضي عن هذا الشرط لطلبة الهندسة الكيميائية وأظن أيضا تم التغاضي لطلبة هندسة البترول
يا شباب اتمني منكم المشاركة وصلت المشاهده 250 والردود قليله
بالنسبة لي ما استطعت ادخل مقابله وتخصصي هندسة صناعيه معدل اقل من 3
تسلم على الموضوع… انا ما دخلت مقابلة بسبب انهم اكتفو من تخصصي (هندسة كهربائية)!!!
بصراحة انا انصدمت من موضوع المعدل، المعرض الي قبل كانو طالبين 2.8 وفوق.
احد سوا مقابلة مع naoo؟
معك حـــــق هذه المره القبول يبغاله واسطه او معدلات مرتفعه وشهادات عاليه كثير يعني ماستر او دورات كثير وشهادات تفوق
من خبرتكم الرد متى يجي، اذكر الرفض ياخذ اسبوع و اذا اوكي اكثر.
صح كذا ولا تفرق؟
أنا مرة جاني رفض في اسبوع. ما أدري عن القبول.
انا برضو نفسك قد سويت مقابلة وبعدها في اسبوع جا الرفض.
ما شا الله حاليا تصويت المتوقعين بانهم مقبولين في المقابلة عالي واعلي من الذين يعتقدون انه تم رفضهم
ولكن لا تنسون ياشباب انه اجتياز المقابلة ليس كافي في القبول توجد مفاضلة تعتمد علي المعدل والشهادات والدورات وأيضا التخصص لذلك قفد يتم رفض الشخص لوجود من هو افضل منه وقد يتم الرد بالرفض مباشر ليس لعدم اجتياز المقابلة بل لانهم وجود شخص او شخصين جدا اوراقهم ممتازة
في مسائلة التخصص أرامكو احس تفضل هندسة كيميائية وميكانيكية وكهربائية…
طبعا هذا مجرد وجهة نظر
والله يكتب لنا الخير
ابغي اضيف نقطة مهمه بلباقي المصوتين ياشباب كلنا عارفين انه الشركة الوحيدة الي فعلا تبغي توظف طلاب هي أرامكو بنسبة 100% وواضح هذا للجميع
واذا كانت الوظيفة عرض وطلب فالطلب علي الوظيفة عالي والعرض قليل للأسف لماذا؟
فانصح باقي المصوتين بالتفكير جيدا قبل التصويت
بالعودة للسوال الي طرحته
لماذا؟؟؟ طبعا البعض يقول نفط نازل ومن هذا الكلام وانا اعتقد انه البترول ليس له دخل بالموضوع… اعتقد لو انه الشراكات لو بعدت فيتامين واو عن نفسها ما راح يصير هذا الوضع ولو وظفت ناس اكفاء لاستطعوا ان يحولو انخفاض النفط الي ربح خالي خذ مثلا عندك سابك
كلنا شفناها يوم المهنه ماعندهم سالفه وقاعدين يتمنظرون علينا بسبب ماعندهم وظايف ليش لانه الشركة الام خسارنه؟؟ طيب ليش خسرانه وهي عملها الأساسي هو انتاج بوليمرات مثل البولي اثلين وإنتاج منظفات ومادة كيميائية من النفط؟؟ يعني انخفاض النفط راح يزيد من مسكب الشركة ولكن يتضح لنا انه انخفاض النفط زاد خسارتة لذلك ياسابك راقبي الفساد والموظفين بالواسطة الي اساسا تعليمهم ليس بالقدر الكافي عشان لا بكره تعليني افلاسك
وباقي الزملاء شاركنا رايك
المشكلة في ارامكو مالهم ستاندر في الاجرائات يعني الي فهمته من الشباب مرة يعطون اختبار اول ثم مقابلة ومرة العكس ومرة اخر شي الاختبار,
وبعدين بخصوص المعدل في المعارض يطلبون 3 و فوق واعرف زملاء بواسطة و بدون واسطة اقل من 3 توظفو.
و الشي ألي يرفع الضغط زود الاتفاقيات المقيتة بين بعض الشركات كمثال ارامكو ماتوظف من صدارة, بترورابغ و ساسرف بحكم انها جوينت فينتشر.
ابوترك انت كاتب انك مادخلت المقابلة بس مصوت وش القصة
يعطيك العافية.
2 Likes
انا من زياراتي للمعرض لاحظت ان الجادين في التوظيف ( تخصصي نظم معلومات ادارية):
أرامكو
جون هوبكنز
بنك سامبا ( بس مشكلتهم وظايفهم في الرياض والمعرض في الظهران 
)
انا ماكسر خاطري في المعرض الي فات الا المساكين الي متعنين جايين من دير بعيدة يدورون رزقهم واخر شي يقولون لهم قدمو اونلاين وهم مروقين يحتسون القهوة.
انا بصراحه اول مره اسوي استطلاع راي
وخبر غشيم شوووووي لذلك يوم سويت الموضوع قلت اجرب ضغطت علي التصويت وراحت اني نعم وحاولت اعدل ولكن خلاص للتصويت مره واحده ولا انا مادخلت مقابلة فعليا 
o:o:o:o:o:o:o:o:o
طيب انا من جدة 1800 رايح او 1800 جاي ما استقدت كثير كلها خمس سي في سلمته وما ادري اذا أصلا في احد راح يقراه أصلا
وارامكو وسابك قدم اون لاين ههههههههههه يالله شر البليه ما يضحك
انا سويت المقابله مع SAOO
وما حسيت ان مقابلتي كان ممتازه …
بس اليوم تواصلتي معي " منيره من مكتب توظيف ارامكو " تخبرني انهم مرسلين لي فورم " NYC : now you candidate "
و الديد لاين حقه يوم الخميس … فورم طويل جدا
طبعا سالته اذا هالشي معناته اني اجتزت المقابله , قالت انه ما تقدر تخبرني بشي ولاكن ان ماشي في مسار التوظيف
احد عن خلفيه اذا الفورم هذا يعبيه اللي ماشي صح للوظيفه ولا اي شخص مرشح ؟
انا نفس موضوعك بالضبط … بس الرقم الي دق علي كان من الرياض ، SAOO المفروض تكون بالشرقية
ويوم سألتها عن الديبارتمنت الي طالبين معلوماتي قالت م وصلك ايميل منهم ؟ وكلنا صرفنا الموضوع 
1 Like
شباب ولو ان الموضوع قديم بس ممكن نصايحكم من خبرتكم فالموضوع و شكراً
ادري ان الموضوع قديم لكن هل صحيح لازم تسجل اسمك لمقابلة ارامكو كيف نسجله وايش هو الايميل