السلام عليكم ورحمة الله وبركاته
كيف حالكم يا شباب
بغيت اسئلكم عن معاملة الجامعه للاجانب
طبعا انا باقي ادرس ثالث ثانوي وابي اخش الجامعه ادعولي اجيب نسبه كويسه في التحصيلي
والي اعرفه انهم يخلون الاجانب يبدون دراسه الفصل الثاني ومعناه انهم غالبا بياخذونن ترم صيفي يعني يخشوف تخصاات اضعف حسب الكلام المكتوب في موقع الجامعه
طيب سؤالي الحين هل في امكانيه اني اخلص السنه التحضيريه في ترم واحد اذا طلع مستواي في الانجليزي فوق 2؟
وهل في طريقه اني ابدا زيي زي اي طالب سعودي في بداية الترم؟
واذا كانت نسبتي المركبه اعلى نسبة بين المتقدمين على الجامعه هل بيقبلوني ادرس من بداية الترم ولا بدرس الترم الثاني مع العلم اني مصري؟؟
وانا نسبتي بالقدرات 100 وبالمدرسه 99 وباقي التحصيلي.
قولوا ماشاء الله يا جماعه تكفون.
وللو طلعت نسبتي المركبه فوق 99.5 هل ممكن ياخذوني انتساب للجامعه؟
وهل اذا كنت ادري اني بنقبل باذن الله وبيخلوني ابدا الترم الثاني لا قدر الله ومثلا رحت درست الترم الاول في دبلوم بكلية المجتمع عشان يقولون انه نفس تحضيري البترول ورحت للجامعه هل بكمل الترم الثاني زي ياقي الطلاب يعني ما بيكون في فرق بيني وبين الي بدا مع بداية السنه.
ووش الاجراءات الي ممكن اسويها عشان ادخل دبلوم المجتمع.
معليش طولت عليكم بس طلعت كل الي في قلبي
ويا ريت اي مسؤول يقرا مقالتي انه يرد ويشوف لي حل اذا كان له منصب بالجامعه
والسلام عليكم ورحمة الله وبركاته
رقم جوالي للي يبي يساعدني وياريت تساعدوني والله محتار جدا
0599593774
للاستفسار يرجى الاتصال بإدارة القبول
أوقات العمل الرسمية: من يوم الأحد إلى يوم الخميس
من الساعة: 7:30 صباحاً - الساعة 12:00 ظهراً
ومن الساعة: 1:00 ظهراً - الساعة 4:00 عصراً
هاتف : 8602901 (013) (966+)
درست مع واحد أجنبي الترم الماضي في اللايف سكلز
أعتقد هو جاء للجامعة على طول ( ما راح كلية المجتمع )
كان مطيح الانجلش ومنزل كل مواد PYP مع الماث والبي إي في الترم الأول
وأعتقد أخذ ماث 002 مع بي إي 002 صيفي ، بكذا خلص الأوريا في ترم وصيف
والحين اشوفه في الجبل ، منزلين مع نفس الدكتور ماث ١٠١ بس هو في السكشن الأول
اللي أبي أقوله لك: مثل ما قال الأخ M nd m ، لازم تكون لغتك كويسة عشان تخلص التوفل وتشيل الانجليزي
وفي حال ما قدرت مو مشكلة ، ما اتوقع هم راح يدققون عليك في التخصصات لأن التخصصات القوية تُحجَب عن اللي ياخذ ترم إضافي في التحضيرية ، فما اتوقع يحجبونها عنك
كل اللي عليك الحين تركز في التحصيلي ، وبإذن الله تطلع بنتيجة طيبة وتصير طالب في الجامعة
الواقع أنه الأجانب ما يحق لهم يختاروا التخصصات اللي يبغوها الا بعد نهاية الفريشمان ولازم يجيب معدل معين (يختلف حسب القسم)، رجاء يا شباب تحري الدقة في المعلومات
لا تروح المجتمع عشان التحويل اذا اجنبي الا اذا احد يقرب لك دكتور بالجامعه …
احد زملائي السوريين ( الكلام قبل اربع سنين مدري وش الوضع حاليا بعد الحرب ) دخلنا المجتمع مع بعض , مع انه جاب b,b+ في الماث وpe والانجلش كان محذوف الا انه الجامعه رفضت تحويله لانه ما احد يقرب له
كلنا ندخل السمستر الثاني، فانسى موضوع السمستر الاول يا عزيزي. وفي النهاية ما تفرق دخلت سمستر أول ولا سمستر ثاني، المهم تدخل وتدرس. على ايامي، قبل 6 سنوات، عديت الانجلش في الاوريا كله (بعد ما عملوا لنا اختبار). ورفضت اني اعديه لان المدسرين كانوا ممتازين (Native Speakers) على عكس الثانوي كلهم من جنسيات عربية وبالعافية… وبصراحة فادتني جدا جدا… وفوقها اخذت سمستر زيادة على التخرج والحمد لله تخرجت بمرتبة الشرف الاولى، والان ادرس ماستر في النرويج. قد يكون لك سبب انك مستعجل، ولكن بس اذكرك ان سمستر متاخر عن دفعتك ماهو بالشي المهم بتاتا
للاستفسار ومزيد من المعلومات يرجى الاتصال بإدارة القبول
أوقات العمل الرسمية: من يوم الأحد إلى يوم الخميس
من الساعة: 7:30 صباحاً - الساعة 12:00 ظهراً
ومن الساعة: 1:00 ظهراً - الساعة 4:00 عصراً
موقع الإدارة: مبنى 68 - مكتب 237
