يا شباب اول شيء انا اوريا 2015 السنة هذي، توني جديد على الجامعة
مشكلتي باختصار مع الروميت … سالفتي تبدا من يوم جيت للجامعة في الاسبوع التعريفي
حنا جينا 7 من نفس المدرسة الثانوية … وزي ما انتوا شايفين العدد صاير فردي ولازم واحد فينا يضحي ويرمت مع واحد غير عن مدرستنا
وللاسف - لعلها خيرة - صرت انا في هذا المحل اني ارمت مع واحد غير غريب عنا … المهم تعرفت على واحد في اليوم التعريفي يوم جيت للجامعة ورمت معاه من باب الاضطرار … وهنا بدات القصة … يا اخوان الرجال ما فيه شي والنعم فيه والله
لكن انا ما اقدر اعيش مع انسان مو متعود عليه … بتقولون سولف معاه اطلع معاه … كل هذا صار
يعني مو سالفة اني فيه حواجز بيننا بالعكس … عادي اسولف معاه واذاكر معه احيانا … السالفة وما فيها اني مب مرتاح معاه وصاير اجامل كثير
طبعا حاليا ما فيه امل اني اغيره لان ما اعرف احد غير اخوياي … ما فيه غير السنة الجاية لان بيجون ناس اعرفهم ان شاء الله للجامعة ووقتها اقدر اغير
خلاصة الكلام الموضوع مجرد فضفضة لما بداخلي … مشكلتي نفسية اكثر ما هي اكاديمية، الروميت والنعم منه ما شفت منه الا كل خير
اللي أبيه هو حل مؤقت إلى أن تجي السنة الجاية والله يفرجها
سؤالي هو هل أقدر بطريقة ما اني اخذ سكن لحالي هذا الترم؟
يمنع منعا باتا ترمت لحالك نظاميا لكن شفلك واحد ساكن بالخبر او قريب من اهله ما يبي سكن الجامعه واشتر اسمه وكانه رويتك وهو عند اهله
وحاول يكون لك معارف مو بس تجلس مع اخوياك بالثانويه حاول توسع علاقاتك الجامعة تراها علاقات راح تستفيد من اي واحد تتعرف عليه
المشكلة هذي واجهها كثير من الطلاب .
وشخصيا غيرت اكثر من 4 مرآت الين وصلت
للروميت اللي ( ارتاح معاه ) < حظّي قلبه .
بنظرتي، متى ما صارت الغرفة بالنسبة لك ( مكان راحة ومصدر سعادة ) رح تساعدك اكاديميا بشكل كبير .
لا تجامل عع راحتك وقبل كذا ع مستقبلك .
الهدايا لها عامل مهم ولو كانت ( برقر ) !
بالتوفيق ي صآح .
ايه قلبت علي المواجع تخيل ,انا وروميتي ما نتكلم مع بعض الا في الشهر مرة وايمكن مرتين بس اللي مصبرني هو اخلاقه واحترامه لي يعني عايشيين مع بعض لان احنا مرتاحيين خصوصا وقت النوم والمذاكرة والازعاج يعني كل واحد منا يحترم الاخر ولا يزعجه وانا اشوف ان هذي الامو هي الاهم من السوالف والطلعات والضحك…الخ
من واقع تجربتي ، هذا شيء طبيعي خصوصا انك كنت متعود انك كنت تعيش و تنام مع اخوانك واخوياك الي تمون عليهم فطبيعي انك تجد صعبة او ما ترتاح مع شخص ما كدت شفته ولا تعرفه ابد خصوصا لو كان مو من منطقتك ،
اتوقع الحل انك تدور روميت ثاني ( طبعا زي ما انت عارف انه فيه بالمنتدى قسم خاص حق البحث عن الرماميت ) وتكتب المواصفات الي تبيه من روميتك المستقبلي " ونصيحة لا تتعدا ثلاث اربع مواصفات عشان يمديك تحصل روميت بسرعة " وقابله واطلع معاه وسولف انت وياه واذا ارتحت له رمت واذا لا دور احد ثاني
نصيحة اخيرة : صدقني صعبة انك تجلس 5 سنوات منطق بالغرفة لحالك تقل مسجون , واذا كنت ملزم تشتري اسم اسكن جمب ( بجانب ) اخوياك عشان لو مليت ولاهم حولك تقهوى وتلعب وتفله انت واياهم.
والله يعينك وييسر امرك
سؤال اخير يا أوريا كيفك بالدراسة " قل الصدق" ؟ ما ادري لكن احسك على الافرج او تحته
نفس المشكلة بالضبط، باستثناء ان الوضع أثر علي أكاديمياً إلى حد ما للأسف… لكن اللوم يقع علي بالمقام الأول، طبعاً.
الا على طاري السكن، التسكين ببداية الترمين كلهم ولا الترم الأول بس؟
.
