السلام عليكم ورحمة الله وبركاته
انا طالب ثالث ثانوي مقررات نسبتي في الثانوية 96.5 والقدرات 86 وباذن الله اجيب فوق ال 80 في التحصيلي هل نسبتي مقبولة نوعا ما ؟ وهل يجب ان ارفع من نسبة القياس ؟ وكم النسبة المركبة حقت الجامعة اقصد اقل نسبة لقبول للسعودي ماهي ؟
شاكر لكم تعاونكم
باذن الله انك مقبول في الغالب اعلى شي 85 هذا على حسب ما تسجل في السنوات الماضية وعلى حسب معدلات الطلاب اللي يقدمون معك بالدفعة
نصيحتي … شد حيلك بالاختبار وخلي موضوع الجامعة بعدين ركز في اللي انت فيه افضل لك, وإن شاء الله نشوفك بترولي معنا 
بالتوفيق
1 Like
عليكم السلام… ان شاء الله تنقبل.
شد حيلك بالتحصيلي. والنسبة تعتمد على الدفعة الي معك.
النسبة في السنوات الاخيرة: 83, 84, 85.
اذا جبت 87 مضمون انك تنقبل ان شاء الله.
1 Like
نسبتك عالية ومؤهل بشكل كبير للحصول على درجة التحصيلي المناسبة للقبول في الجامعة
لكن صدقني القبول في الجامعة مو كل شيء ، فيه ناس كثير انقبلوا وانسحبوا أو انطردوا، ما قدروا يكملون.
فـ كنصيحة شخصية مني لك، حاول “بجانب الاهتمام بالتحصيلي + الثانوية” إنك تطور لغتك الانجليزية قد ما تقدر قبل ما تدخل الجامعة
صدقني لو تحفظ على الأقل 10 كلمات كل يوم راح يصنع الفرق وقت ما تدخل الجامعة
موفق
3 Likes
درجاتك تأهل ما عليك
انا ثانوي 97 و قدرات 84
و تحصيلي 91
يعني يمديك إن شاء الله لا تخاف
شد حيلك و نشوفك oria16
ذاكر قد ما تقدر للتحصيلي و الله يوفقك
2 Likes
السلام عليكم انا في نوفمبر 2013 اختبرت ايلتس وحصلت على 6 من 9 ولله الحمد هل ترى انه مقبول في الجامعة ؟
القبول في الجامعة لا يعتمد على لغتك الانجليزية، بل يعتمد على نسبة الثانوية والتحصيلي والقدرات
اللغة الانجليزية بتساعدك بشكل كبير على تخطي صعوبات الجامعة بكل أريحية، درجة 6 من 9 في الايلتس عالية جداً حسب علمي
واحتمال كبير اذا جيت الجامعة تطيح كل انجلش التحضيرية، فالأمر راح يكون أسهل عليك، هذا من ناحية اللغة الانجليزية فقط !
الآن كل اللي عليك تسويه إنَّ تجتهد في التحصيلي، والقدرات إذا كانت نسبتك زينة ما يحتاج، والثانوي سهلة، الله يوفقك
1 Like
انا في القدرات 86 والتحصيلي ان شاء الله فوق ال 80 والثانوية 96.40
ما شاء الله يادافور 
على أقل تقدير ( لو أخت 80 بالتحصيلي) أصلا أعلى نسبة قبول مرت على البترول خلال ال 55 سنة هي 86 للدفعة الأولى ! (غالبا ما يكون فيه دفعة ثانية وتكون نسبة القبول أقل من الأولى) طبعا أكيد كانت دفعتي العظيمة 214 
تبي تضمن البترول وأنت نيم;) شد حيلك شويين بالتحصيلي وفالك القبول إن شاء الله
الله يوفقك يا بترولي 
1 Like
تم التحرير من الإدارة
انا طالب غير سعودي و مرشح للقبول , المهم انا جبت في التحصيلي الأول 93 و في الثاني 98 كيف تقدر تجيبها
أول شيء انه اختبار التحصيلي بيكون على الأساسيات بس ف اذا انت كنت تنتبه بالشرح ولو شوي بتذكر بسرعة
طريقة الدراسة انا بصراحة قبل التحصيلي الثاني بأربع أيام بديت أذاكر و كرفت كرف ما بعده كرف و ما كنت أنام و حليت ثلاث كتب كاملة و حليت ممكن أكثر من 500 سؤال على المواقع
آخر شيء كانت توفيق من الله يعني بصراحة في الاختبار كان في 10 اسئلة أحياء مدري من وين جابوها و كنت اخمن الإجابة طلعوا 8 صح و 2 خظأ و انقبلت في الجامعة
ما كنت متوقع اني انقبل بالبترول بصراحة
توكل على الله و اكرف و ان شاء الله بتجيبها
1 Like