السلام عليكم ورحمة الله و بركاته …
مساعدةً لشباب طلاب الثانوية ، سويت فيديو تكلمت فيه عن بعض الأسئلة الشائعة أو الأسئلة اللتي تتبادر إلى ذهنك لما تفكر تلتحق بالجامعة.
مشاهدة ممتعة…
و اعذروني على جودة الفيديو الضعيفة بالذات من ناحية التأتأة]
السنة التحضيرية في KFUPM (نبذة) - YouTube
و لو عجبكم وعندكم أسئلة أخرى ، أتشرف بإني أجاوب عليها … 
وعليكم السلام
الله يعطيك العافية … مجهود تشكر عليه
الفيديو طويل شوي لو كان 10 دقايق اول اقل يكون أفضل … في الفيديوهات الجاية لو تخلي نقاط معينة ومرتبة قدامك يكون أفضل واسهل لك من ناحية الشرح لأن واضح عندك معلومات كثيرة لكن لأنك مب مرتبها كل ساعة تتذكر شي
ننتظر جديدك يا هادي
الله يوفقك
أؤيد كلامك يا أخ “شدعوة” ، حسيت الموضوع ضخم مو عارف أغطيه من كل الجوانب ، و كل دقيقتين أتذكر حاجة رغم إني مسجل النقاط اللي أبي أتكلم عنها ، بس صراحة راحت عني فكرة تقسيم الفكرة إلى مواضيع عدة كل واحد لا يتجاوز العشر دقائق. 
و لكن أفكر إني أقسم المواضيع الي تكلمت عنها في الفيديو + بعض المواضيع اللي ما ذكرتها. وأسوي الفكرة من جديد مع بعض التحسينات ؛ إذا حسيت في أحد استفاد من هذا الفيديو ومهتم أن يتعرف على المواضيع أكثر. 
تم التحرير من الإدارة
أخ هزيم الرعد :
لاحظت أنا أن معظم اللي يدخلوا تخصصات ادارية يتركزون في تخصصين هم (accounting , finance) ، هذا اللي لاحظته أنا بس يعتمد على رغبتك ، إيش التخصص اللي تبيه
الشي الثاني: عند أشخاص كثيرين مفهوم خاطئ وهو: “بتدرس في البترول ! ، وتخصص تخصص اداري !!!” ، وهذا شي أبدا مو صحيح. صاحبي الآن يدرس فاينانس رغم كلام الناس ، لأنه في النهاية هاذي حياته ، محد يقدر يتحكم فيها غيره ولا في أحد بيعيشها غيره.
النقطة الأخيرة: صحيح السمستر اللي فات عطوا طلاب في القطيف سكن ، لكن سمعت إن لازم يكون معدلك فوق 3.00 هذا والله العالم …
وفي النهاية كل اللي قلته ، يعتبر وجهة نظر شخصية. بالتوفيق و ان شاء الله نشوفك السنة الجاية في الجامعة ؛)
حبيت أجاوبك سريع هنا عشان تبحث في الموضوع ، و ان شاء الله بأحاول انزل فيديو الأسبوع الجاي عن هذا المفهوم الخاطئ.
تم التحرير من الإدارة
بالنسبة لنقطة السكن ، اعطونا السكن تقريبا في نص الشهر الثاني او الثالث مو متذكر بالضبط متى . وماكانوا طالبين اي شروط لا معدل ولا غيره ، اصلا كيف يطلبون منك معدل معين وهذا اول فصل لك ؟
يعني السكن يعتبر للكل ، الا اذا تغير النظام السنة الجاية والله اعلم