السلام عليكم …هل فيه طريقة اني اراجع كل اللي درسته في الجامعة عن تخصصي …ايش هي خبراتكم في هذا الموضوع وفي نوع المقابلات هذي ؟؟
تخصصي كيمكال …اذا فيه ملف كامل يشرح كل اللي درسته تكون فكرة ممتازة جدا !
1 Like
من ناحيتي فكره سيئه مراجعة كل اللي اخذته من اجل مقابله شخصيه. لان هذا يجعلك اكثر توتر بالاضافه الى الى ان الجهه الموظفه لك تبى منك حاجه معينه… عموما اللي دائما اعمله قبل المقابله هو اولا البحث عن الشركه و اهتماماتها و الوظيفه اللي معروضه لي و اجد العلاقه بينها و بين المواد اللي درستها غالبا تكون مجال محدد تقدر تاخذ الاساسيات لها عن طريق النت. مراجعة ملخص مشروع التخرج اللي وضعته لنفسي بالاضافه الى مراجعة ملخص الكو اب ريبورت (ملخص عباره عن نقاط مجرد مرورك عليها تتكر كل شي في الريبورت) . كن مرتاح تماما اذا خرج عن هذي المواضيع جميل ان تقول لا اعرف ( يحبون يسمعونها الhr كثيرا ) .و الله يوفقك
4 Likes
معلش اخوي بس من ذول؟
^^^
human resources
من خبرتي المتواضعه مع كم مقابلة
نوعين من المقابلات راح تواجه
الاولى اللي يسوي مع مقابلة منسق امور عامة للسؤال عنها
ع سبيل المثال
بالبداية يسألك تعرف عن نفسك
فماعنده استعداد للاسألة
فمن تعريفك عن نفسك يسألك عن نقطه معينه تفصل فيها
مثلا ذكرت انك تدربت بشركة معينه فممكن يسألك عن طبيعة شغلك فيها او ايش استفدت من التدريب او ممكن مايسأل عن شيء!
فمثل هذا النوع من المقابلات تقدر تتحكم بالمقابلة مثل ماودك
وممكن تتجنب ذكر شيء معين يأثر ع اجاباتك
ع سبيل المثال اذا كنت لي فترة طويلة متخرج وبفترة مابعد التخرج قعدت سنة او سنتين وماتوظفت
بالمقابلة لتتجنب سؤال ايش سويت بعد التخرج
الافضل عدم ذكر سنة التخرج !
لان لو ذكرت اني خريج سنة 2014
أول شيء يتبادر للشخص الحين 2016 ايش كنت تسوي بهالوقت
وقس ع ذلك اشياء كثيرة
ومثلا مشروع تخرجي كان كارثة وماله علاقة بمجال الشركة
ماأجيب طاريه أبد
وماهو كل شيء تجنب الكلام
فيه اشياء كثيرة ممكن لو تقولها تفتح لهم سؤال انت محضره
مثلا واحد معدله التخصصي افضل من العام
لما يعرف بنفسه يذكر معدله التخصصي والعام
من هالجملة صدقني اللي يسوي لك مقابلة يحس انك واثق من نفسك ومن كفائتك بالتخصص
وممكن بعدها يسألك عن كشف الدرجات ليتأكد من كلامك
هالنوع من المقابلات راح تخرج منها مبسوط ان شاء الله بس تحتاج استعداد جيد
أما النوع الثاني
اللي يسوي معك مقابلة عنده نقاط محدد واحياناً اسألة محدده
يسألك دايركت بدون مايعتمد ع اجاباتك
فممكن هذا اللي تحس انك تفقد التحكم بالمقابلة
اذكر في مقابلة سألني عن شيء محدد بالتفصيل
وللآسف كان سؤاله هذا بعض التعريف عن نفسي
فجاوبت بشيء عن العموم ع اساس يساير معي الكلام
فرد علي بالحرف الواحد
انت تعرف او لا؟
هنا انصدمت من رده
طبعاً حاولت ارقعها وحاولت اجاوب بالقدر المستطاع
واتضح لي هذا النوع من المقابلات المزعجة
ويوجد نوع او كما يسميه البعض شخص يرفع الضغط بالمقابلاات
مرات تجد بالمقابلة شخص وظيفته بالمقابلة يرفع ضغطك ويشوف ردت فعلك وهل تتحمل
او تنفجر عليهم هنا خلك بارد الاعصاب وابتسم مع كل جواب 
اتمنى من الاخوان ذكر انواع المقابلات والاشخاص اللي يعملوا مقابلك معك لتعم الفائدة
وحظاً موفقاً
2 Likes
كذلك بعض المقابلات ممكن تنسأل اسئلة تبين مدى نباهتك وسرعة بديهتك مثلاً:
كيلو الحديد أثقل ولا كيلو القطن؟ طبعاً الجواب مافي فرق
بعد ماتدخل وتجلس يسألك اش لون الجدار اللي وراك؟ المنطق انك ماتلفت وراك تشوف لون الجدار لأنه غالباً بيكون نفس لون الجدار اللي بوجهك
2 Likes
توقع بعض الأسئلة اللي ترفع الضغط مثل ما تفضل
Eng-G-H،
مرة أخوي كان عنده مقابلة مع سابك، سألوه عندك girlfriend ؟، قال لا ما عندي، ردوا عليه: ليييييش ما عندك؟؟!!
2 Likes