السلام عليكم , انا طالب في ثالث ثنوي نسبتي 96 والقدرات 92 وي خوفي اخبص في التحصيلي فهل تتوقعون انقبل في الجامعة اذا خبصت ؟ ولا وضعي في السليم … غير كذا للان متررد اخش جامعة ولا لا لانو 80% اعتمد على الفهم مو الحفظ وغير كذا الانقليزي عندي جدا ضعيف ف متررد بين البترول و البرنامج حق ارامكو واتوقع برنامج ارامكو فتح وبيقفل قريب شكلو بيطير عليا … الي عندو نصيحة شي اسويه قبل اخش الجامعة ينصحني والله يوفق الجميع 
1 Like
سجل في ارامكو سواء كنت بتجي البترول او لا … لأن ارامكو بعد ماتسجل راح يختبرونك واذا عديت الاختبار راح يقبولنك والاجرائات شوي تأخذ وقت
والبترول التسجيل يفتح فيها بعد نهاية الفصل الثاني يعني عندك وقت عشان تقرر وين بتروح فقدم على ارامكو واذا جاك قبول وقتها حدد وين بتروح اهم شي تضمن الحين شي في يدك
وبخصوص الدراسة في البترول …ترا عدد مب قليل من الي ينقبلون في الجامعة مستواهم في الانجليزية اقل من المطلوب ف في السنة التحضيرية يتطور مستواهم خاصة ان التركيز فيها على اللغة الانجليزية والرياضيات فلا تخاف من سالفة اللغة وانك ضعيف فيها ومن هالكلام .
وسالفة الفهم ؟ ما ادري وشتقصد فيها لكن الي اقولك اياه سواء هنا او ارامكو راح تحتاج الاثنين الفهم والحفظ …
ارجع واقولك سجل في ارامكو قبل لايقفل التسجيل + لأنهم ماراح يفتحون التسجيل مرة ثانية …
3 Likes
تم التحرير من الإدارة
2 Likes
في مثل حالتك قدّم على أكبر قدر ممكن من الجامعات والبرامج مثل ابتعاث أرامكو وسابك وغيرها، بعدها بيكون عندك المجال إنك تفاضل بين اللي قبلوك وتختار المناسب لك، لا تقول ما يمديني ومن هالكلام، الآن قدّم في كل مكان بعدين لكل مقام حديث…
3 Likes
والله ودي اخش برنامج ارامكو , بس المشكلة الوالد مو راضي يقولي البترول احسن مدري ليش ! المشكلة ابوي يقولي حتى لو خبصت بالتحصيلي عندي واسطة لا تخاف ف عشان كذا مجبرني على ذي الجامعة ومافي خيار ثاني
1 Like
واسطة ؟ !
اشك في هذا الشي …
ومع احترامي لوجهة نظر الوالد لكن هذا التسجيل ما يعني انك بتوقع عقد معاهم … اذا اختبرت وبعدها قبلوك راح توقع عقد معاهم
سجل الحين في ارامكو واختبر ترا مب خسران شي
وكل الاجرائات فوق على الاقل راح تأخذ شهر ونص يعني عندك وقت عشان تقرر وتقنع الوالد لو جاك قبول
1 Like
أرامكو ممكن يبتعثونك داخلي للبترول و تقدر تشرط عليهم قبل ما توقع العقد… لكن لعلمك ترا أرامكو ما يحبون اللي يلعب يمين و يسار… يعني إذا خبصت بيرسلونك لك رسائل تهديد و تحذير و بيضغطون عليك
+
أذكر واحد جاب واسطة ( أمير ) قبل بداية السمستر الماضي (151) زبدوا له هو و الأمير و رفضوه… 99% مافي أحد يمشي كلامه على الجامعة
طبعا هذا إذا فرضنا أن الواسطة جائزة و شرعًا و هي ليست كذلك
لأنه قد يكون هناك من هو أحق بالقبول من فلان الفلاني… لنفرض أن النسبة المركبة اللي أعلنتها الجامعة 85 وفلان جاب 84.5 … فتأكد أنه في واحد و اثنين و ثلاث جابيبين 84.9 و إذا قارننا بينهم فالأحقية لأبو 84.9
كأني طلعت عن النص شوي… شوي كثير :d
2 Likes
رح ارامكو…لاتفرط فيها بالعكس ذاكر ماث وانجلش قبل الاختبار اسمع نصيحة نادم واذا ما انكتبت لك تعال هنا
هنا الحياة اصعب بكثير من اذا انقبلت في ارامكو واول صعوبة الحالة المادية وكثير من الشباب خاصة الساكنين يوافقوني الراي
اضغط ع الوالد اذا انقبلت وادرس بره هذي نصيحتي وبالتوفيق…
1 Like
نصيحة روح الشيء اللي راح تشوف انه افضل لك
أرامكو ممتازة لكن مشكلتها هي السنة الأولى اللي راح تدرس فيها عندهم ، راح تحتاج تشد حيلك صح عشان تواصل فيها
يعني باختصار، هم يبون ناس تشتغل ما تلعب
أيضا مثل ما قالوا الشباب تقدر تاخذ بعثة داخلية إذا كان التخصص متوفر
واحد من الشباب مبتعث من ارامكو عندنا في الجامعة وتخصصه كيمياء ، وهذا مثال عليهم
بالنسبة لموضوع الواسطة: أنا اعطيك إياها من الآخر ، الواسطة مرفوضة في البترول ، وحتى لو دخلوك بواسطة ما راح تقدر تواصل لأن مستوى الاختبارات راح يكون بحسب مستوى الدفعة
آخر شيء ودي اقوله: دايما اختر قراراتك بنفسك ، ولا تجعل احد يقرر عنك ؛ لأنه إذا قرر عنك راح يمحي شخصيتك ويصير يتحكم في جميع القرارات المصيرية في حياتك
خلك انت المتحكم في حياتك ، وفكر في قراراتك واستشر واسمع الآراء والاشياء اللي تثبت نقاط القوة والضعف في أرامكو و البترول ، ثم قرر وين تبي تروح
الله يوفقك وييسر لك ما فيه خير لك
1 Like
مستقبلك انت الي بتعيشه لا تخلي احد يقرر لك وش تعيش ، وبالنسبة للتعب في كل مكان بتتعب وتشتغل لان ما فيه شيء يجي بالساهل.
وبقولك سالفتي يمكن تفيدك ، يوم طلعت من الثانوي ابوي كان رافض تماما البترول يقول صعبة وماراح تمشي وراح يطردونك وتقعد عندي بالبيت ومن ذا الكلام واصريت على رايي والحين معدلي فوق 3.5 ( مع العلم ما كنت من الدوافير بالثانوي )
والله يوفق الجميع
لا تترك برنامج الا وتسجل فيه
انت مو خسران شي
اذا اتعددت الخيارات راح يكون عندك حرية في الحركة
وحاول تقرأ عن التخصصات من الان عشان تعرف اي مجال انسب لك
وبالنسبة للتحصيلي فلا تشيل هم
ماشاء الله نتيجتك عالية
انا ثانويتي وتحصيلي وقدراتي كلها في بحر الثمانينات
وبالتوفيق
1 Like