السلام عليكم ورحمة الله وبركاته
مدري اذا مسموح لي اكتب الموضوع بالمنتدى ولا لا, لكن اللي أبي اعرفه
لو أنا طالب سجلت في سعودة , والجامعة اكتشفت هالشيء . هل في عقوبة مترتبة على ذلك ؟ ولا مسموح
الجامعة ما لها دخل, وما أدري كيف ممكن تكتشف الجامعة انك مسجل بسعودة لكن اللي يقدرون عليه يبلغون وزارة العمل لكن ما أعتقد في أي عقوبة أكاديمية أو انضباطيه من طرف الجامعة.
يعني أنت مسوي شي غلط؟؟
الجامعة ماظن تسوي لك شي لكن احتمال تضيع عليك فرصة المتابعة الجامعية (مو متاكد من الكلام لكن اظن انه صحيح لان بتكون مسجل في التامينات )
للي مو فاهم
الدولة تجبر الشركات ع توظيف نسبة من السعوديين وفي نفس الوقت تدعم الشركة بالفلوس علشان يكون لك راتب محترم
لكن بعض الشركات فاسدة توظف بشكل وهمي (سعودة) ويعطوا الموظف الوهمي اقل من الدعم الي محصلينه من الدولة وهو جالس بالبيت
وفي النهاية هذا السارق سرق وظيفة غيره وحصل له الف ريال وشارك في هذا الفساد
وصاحب الوظيفة الحقيقي راح يعقد بالبيت بنفس مدة هذه السرقة
المضحك بالامر انه مثل هذا الموضوع يكتب في منتدى للمهندسين ومن طالب هندسة
اهاااا *اسم اني ما أدري*
و بكذا لو واحد يبي الوظيفة لأنه عاطل ما راح يحصلها… لأن الشركة عندها واحد مستعد يقبل بها ب2000 ريال و هو جالس بالبيت.
المنتدى لطلاب جامعة الملك فهد من مهندسين ومحاسبين وغيره وقد يكون كاتب الموضوع تخصص إداري.
1 Like
ما فرقت
القصد انه راح يكون راتبه قوي اذا توظف
نظاما حسب معرفتي، لو الجامعة اكتشفت راح تنقطع عنك المكافأة
ياريت نلتزم بالموضوع وما نفتح نقاش جانبي
وين قرأت هالنظام ؟
تسجيلك بالتأمينات الاجتماعية سواء لسعودة أو غيره لا يلغي المكافأة وهذي هي الحالات اللي تقطع فيها المكافأة عن الطالب (من موقع الجامعه) :
1- يُحرم من المكافأة الجامعية إذا حصل على معدل أقل من (1.75).
2- يُحرم من المكافأة الجامعية إذا لم ينهِ مرحلة (البكالوريوس) خلال المدة المطلوبة أربع سنوات دراسية (ثمانية فصول دراسية بالاضافة للفصول الصيفية ).
3- يتم ايقاف صرف المكافأة اذا قلت عدد الساعات المسجلة الطالب عن (12) ساعة في الفصل الدراسي للمرة الثانية.
وهذا الرابط الخاص عن أنظمة صرف المكافأة \ https://www.kfupm.edu.sa/deanships/studentaffairs/SitePages/ar/ContentDetailsPage.aspx?CUSTOMID=22&LinkID=LinkV1
انا مو مع ولا ضد السعودة، تقدر تقول محايد
لكن على اساس سميتها “فساد”
هل انت مطلع على كل التفاصيل؟ هل تعلم ما يمر به اصحاب الاعمال؟
ليش توظف ناس ب رواتب عالية وهم ما عندهم الكفاءات بس عشانهم سعوديين وانت تحتاج تتنقل من احمر لاخضر؟؟
ليش طبق النظام في فتره قصيره جدا، وبدون اي ضوابط نهائيا؟؟
اذا ما سألت نفسك الاسأله هذي او ما عندك اجابه لها، اتمنى تراجع نفسك قبل ما تتهم احد بالـ “فساد”
1 Like
قرأته اما في نشرة أو موقع من مواقع الجامعة ولو عندي رابط أو نسخة لأارفقتها
اللي قرأته كان مفاده ان الطالب اللي على رأس عمل لا تصرف له مكافئة
^^^^
في طلاب يشتغلون بارت تايم ولا انقطعت مكافآتهم
مسموح لك، الجامعة ما لها علاقة فيها.
و عليكم السلام ورحمة الله وبركاته
لا يوجد اي صلة بين عملك ودراستك في الجامعة لانه لايوجد قوانين تمنع الطالب من العمل عموما وحتى المكافأة تصرف كدعم للدارس.
كثير طلاب يعملون في وظائف جزئية ومسجلين في نظام التأمينات الإجتماعية وهناك عدد ليس بالقليل مسجلين على وظائف عادية غالبها للسعودة.
بعض الكليات تمنع العسكريين من الالتحاق ببرامج الدراسة النهارية كما حصل في الماضي مع كليات التربية
الوظائف الجزئية وضعها مختلف!
…
فساد فساد فساد ! لا تلعب على نفسك.
السعودة لزيادة توظيف السعوديين بالقطاع الخاص وإيجاد فرص لهم , مو عشان يجي شخص قاعد ببيته ياخذ 1000 ويحسب على إنه موظف وياخذ فرصة غيره بالتوظيف ويحسب بالتأمينات الاجتماعية وهو قاعد ببيته !!!
غيرك يتمنى أي فرصة وظيفية ! والسعودة الوهمية تدمر سوق العمل وهدر للاقتصاد.
2 Likes
أتفق معك
مو عشان كم واحد مهمل وما يبي يشتغل نحكم على جميع الشعب إنهم سيئين وما يبون يشتغلون
واستغرب من اللي يبغون السعودة ، فيه طرق كثيرة لكسب المال أفضل منها بكثير ، منها العمل الجزئي + تحس إنك تاخذ فلوسك بطريقة صحيحة وبعرق جبينك وتبعد عن موضوع الشكوك
عموما أنا راح آخذها من نظرة شرعية بحكم إن السعودة الوهمية مسألة خلافية وبعض العلماء افتوا بتحريمها ، والقسم الآخر افتى بجوازها
الحلال بيِّن ، والحرام بيِّن ، وبينهما مشتبهات
وإذا كان من الملاحظ ترتب بعض الاضرار على هذه المشتبهات فالأولى اجتنابها
وهذا اللي نشوفه في السعودة الوهمية إنه يترتب عليها حرمان الكثير ممن يبحثون عن العمل ، وفي المقابل جزء من الراتب ياخذه شخص جالس في بيتهم ولا يروح يشتغل ، ونصيب الاسد من الراتب اللي يعطى للسعودي تضعه المؤسسة أو الشركة في جيبها ، مما يترتب عليه ضحك على مكتب العمل ومخالفة لقوانينه
1 Like