السلام عليكم ، مساء الخير اعضاء منتدانا الغالي …<br><br>دخلت موقع بيكر هيوز بقدم وتفاجئت انه مافيه وظائف للفريش في الشرق الاوسط كامل! ( من خلال البحث عن الوظائف في الموقع).
على العموم سجلت في الموقع ورفعت السي في
بسألكم …هل الشركه ممتازه وتستاهل ان الواحد يتعب معاهم ويتوظف عندهم خصوصا ان رواتبها غير مجزئه بالنسبه للعمل في مجال خدمات النفط؟غير مجزئه بالمقارنه مع الشركات الاخرى في هذا المجال مثل شلمبرجير
لكن اللي اعجبني فيها يقولون التطوير والدورات المستمره وحتى اجراءات الالتحاق فيها نوعا ما مجهده
1.مقابله تلفوينه
2 اختبار انجليزي اونلاين
3.مقابله مدتها يومين في احد الفنادق مع المرشحين
4.اختبار هندسي شامل
وبعدها القبول او الرفض
هذا الشيء اعجبني فيها وواضح ان بيكور هيوز ماتاخذ اي شخص
احب اسأل الاشخاص اللي خاضو تجربه المقابله والعمل فيها او المقابله فقط ، هل الشركه جباره؟
هل تنصح الخريج الذي يشاهد هذا الموضوع الان بالتوظف فيها؟
هل فيه احتماليه انهم يحطونك خارج المملكه؟ (بالنسبه لي ماعندي مانع بالعكس اشوف انها اضافه خبره ، لكن هالنقطه بالذات ممكن تكون اجابيه او سلبيه على حسب الشخص المتقدم للوظيفه وظروفه)
هي الافضل عالميا في مجالها بعد شلمبرجير من حيث التطوير والتدريب والرواتب … اخر شي وظفو فرش كان نهاية ظ¢ظ*ظ،ظ¤ … الانترفيو حقتهم اسمها بيكر هيوز اكسبيرينس … مثل ماقلت في اوتيل مع مرشحين لمدة يومين دسمة جدا يعصرونك عصر… بس تجربة جميلة حقيقة.
الوقت هذا ما انصحك ابدا تقرب من هالشركات خصوصا ان السوق متكركب وهالشركات تتأثر بشكل مباشر باسعار النفط … مشو مهندسين باسباب وبدون اسباب … رواتبها كويسة بس مب زي شلمبرجير … بحدود ظ،ظ¤،ظ¦ظ*ظ* باكج غير بونص الفيلد اللي تبدا تاخذه بعد البريك اوت.
بالنسبة للانترناشيونال كونتراكت استبعده كثير خصوصا بهالوقت … ولو تبي تروح وملزم ووافقو راح تروح بنفس راتبك وميزاتك ماراح يدفعون لك ريال واحد زيادة.
طبعا انت عارف ان عملك راح يكون في الرقوق لمدة ثلاث سنوات حسب ال LEAD program وبعدها تكون جنرال بعدين يتحدد مسارك داخل الشركة.
بشكل عام اني انصح او ما انصح هو يعتمد بشكل اساسي على الشخص وكيف يبي يشكل مساره الوظيفي وهل هو متقبل موضوع العمل في المناطق النائية لمدة اسبوعين - ظ¦ اسابيع متواصلة.
بالنسبة للمهندس اذا انت ماعندك مشكلة تحصر مسارك في مجال الاويل سيرفس وتصير خياراتك محدودة. بحيث ان خبرتك عندهم ماراح تفيدك في اي شركة ثانية غير شركات السيرفس اللي مثلهم بشكل اساسي. لأن مثل هالشركات عندهم كورسات وميتيريال خاصة فيهم وفي معداتهم وتقنيتهم وطريقة عملهم فمعظم خبرتك راح تكون في طريقة عمل الشركة نفسها. غير كذا عندهم كورس رئيسي مدته شهرين - ثلاث شهور تاخذه كل سنة في دبي لمدة ثلاث سنوات ولازم تعديه بنسبة معينة ولا ما لك مكان عندهم. هي مجازفة وتحدي لنفسك حقيقة. انا ما اخوفك انا بس اعطيك حقائق عشان ماتستعجل.