السلام عليكم و رحمة الله و بركاته
اخوكم في الله قدم على اكثر من عشر شركات عشان التدريب الصيفي
بعضهم رد بالرفض و بعضهم ما رد ابد
استفساري هو: ايش راح يحصل لو ما حصل لي فرصة للتدريب الصيفي؟
اليوم جت رسالة من ادارة التدريب و هذا نصها:
Dear Students,
To avoid delaying your COOP/Summer training you should submit your COOP/Summer training opportunity on or before 7th of June 2016.
Thank you.
Training Department
اللي اعرفه انه الجامعه تدبر فرصة تدريب للي مايلقى او ممكن يتدرب فالجامعه.
حذف الكورس هو اخر خيار بالنسبة لهم وهم اغلب الأوقات يرسلون بعض الرسايل او حتى اذا رحت لهم تسأل عن فرص تدريب راح يقولون لك انت المسؤول ولازم تجيب فرص وهالكلام بس عشان يخلونك تروح تدور بنفسك …
ونصيحة لاتعتمد عليهم خاصة انك تدريب صيفي : وانصحك تروح بنفسك وتدور فرص قبل رمضان لأن الرسايل والتقديم عن الايمل للأسف اغلب الاوقات مايفيد .
- اذا انت في الشرقية رح لمعهد الأبحاث الي في الجامعة وقل لهم ابي اتدرب صيفي عندكم .
- رح للمدن الصناعية فيها شركات كثيرة .
ط¯ظ„ظٹظ„ ط§ظ„ظ…طµط§ظ†ط¹ ظˆط§ظ„ظ…ظ†ط´ط¢طھ
- رح لأقرب فرع شركة الكهرباء يمكن يقبولونك اعرف شخص راح لهم ومعه اوراق وقبلوه لكن بدون مكافأة .
+ هذي فرص تدريب في شركة اريكسون في الرياض لأكثر من تخصص ومنها تخصصات حاسب + الهندسة الكهربائية
Internship 2016 - KSA
لي كم يوم أدور في الصناعية الأولى والثانية ومالقيت
إيش الحل
اليومين اللي فاتوا كن اتصل على بعض الشركات اللي معهم فرص تدريب اكثرهم يقولوا اختاروا المرشحين 
شكله ما فيه اللا تدريب بالجامعة
الوضع سيء
أسبوع كامل في المدينة الصناعية الأولى والثانية والخروبي يقول الجامعة غير ملزمة توفر فرص للطلاب
وش تخصصكم؟
اذا هندسة مدنية أظن اليمامة باقي يبون ولهم مكتب بالدمام, وشوفوا موقع “صيفي” حق هدف التابع لوزارة العمل ممكن تحصلون.
كنت مثلكم أعاني ما في فرص لكن مجرد سرت أروح بنفسي الشركات لقيت 3 او 4 فرص في أسبوع ( بعضها بدون راتب ), فروا الشركات فر وكلموا الـ HR وتحصلون ان شاء الله لكن شغل الايميلات وتقديم المواقع طويل وغالبا بدون نتيجة.
ياخي لي إسبوعين في الصناعية الأولى والثانية مافي فرص
وتخصصي هندسة كيمياية
برنامج "صيفي " المشكلة هذي السنة ان مدة التدريب بس 4 اسابيع
+
اخوي Moammar اذا ماعليك امر ياليت تذكر اسماء الشركات الي حصلت فيها تدريب عشان الشباب يروحون لها
اليمامه وموقع مكتبهم بالدمام خلف برج البسام , مكتب عبدالله بالطيور الاستشاري بالخبر قريب من شارع البيبسي ( تلقاه بخرايط قوقل ).
أما التدريب بدون مكافئة فموجود مشروع متحف الدمام الاقليمي على واجهة الدمام, مشروع الاسكان بالحرس الوطني لبن لادن, مشروع الشبيلي بالخبر مدري اذا في مكافئة أو لأ بس لازم تكون ماخذ كورس Steel 
أعتقد ان شركة الراشد للمقاولات عندهم فرص أنا ذكرت اللي مريت عليهم وسألت فقط عن التدريب للهندسة المدنية, بالتوفيق.