تم التحرير من الإدارة
ماتدري يمكن تكون مركبة السنة 82 او فيه دفعتين لكن على العموم لو ما جاك قبول في البترول لاتتحطم : صحيح الجامعة ممتازة لكن مب معناها ان بقية الخيارات سيئة بالعكس عندك برنامج ابتعاث سابك … ارامكو …ابتعاث الملك سلمان… كلية الجبيل الجامعية .
نصيحة لاتسحب على التقديم في بقية الجامعات والشركات بحجة انك تبي البترول ترا هالشي نكب كثير وخلاهم يضيعون سنة
تم التحرير من الإدارة
ليه ما تبي كلية المجتمع ؟ اسحب على اللي يقولون مستحيل وما مستحيل واحد اعرفه شخصيا طلع من الـ CPC وراح للمجتمع
هلحين هو فريشمان بالبترول 
2 Likes
في واحد اعرفه كان في كلية المجتمع بعدها حول الى جامعتنا في الترم الثاني في الاوريا والحين هو فريشمان
نسبة 82 كويسة. اذا كانت فيه دفعتين وحدة 83 و الثانية 82 ان شاء الله تنقبل.
واذا ماانقبلت انصحك بالمجتمع. صح مافيها سكن ولامكافات ولاشيء بس ترم واحد اذا ذاكرت زين بتروح للبترول
والترم 15 اسبوع يمشي بسرعة ماتحس فيه. البترول ممتازة لاتضيع الفرصة. واذا ماانقبلت الله يوفقك بأي كلية/جامعة ثانية.
1 Like
ذهابك لكلية الجبيل أو أي جامعة ثانية بنية التحويل للبترول فاللي قاعد تسويه غلط و غلط كبير بعد
أفضل طريقة و أضمن طريقة للتحويل للبترول هي كلية المجتمع فقط لا غير… مضمونة 101% باذن الله
و سهل التحويل منها للبترول كلها انجليزي و ماث… صح ثقيلة شوي بس مقدور عليها… و كل اللي كنت اعرفهم بالكلية و ماخذين الموضوع جد حولوا للجامعة بدون أي مبالغة
انت سبق و قلت لي أهلك و مدري ايش… برضو ما يمنع حاول تقنعهم ووصلهم هذا الكلام… تروح لاي مكان غير المجتمع عشان تحول فهذه عبارة عن فلسفة زايدة !
1 Like
انت يا هزييم من سنة وانت تتكلم وتكتب موضوعات عشان البترول والبترول وابا ادخل البترول
في النهاية جبت مركبة 82
انسى انك تدخل البترول
ما ودي احطمك لكن هاذي الحقيقة
انت ما بذلت كل جهدك في الدراسة بل بذلت جهد كبيييير في توقع النسبة المركبة ( هنا وفي منتدى يزيد ) ودحين تبغى المركبة تكون 82 عشان تدخل
المشكلة الحقيقية انك منت بمقتنع بالحل اللي اعطوك هوا الشباب
كلية المجتمع
والله مو عيب كلية المجتمع
وفي شباب جونا الترم الثاني من كلية المجتمع اساسا من جدة ومن الرياض واقنعو اهلهم بدون سكن ولا مكافاة وشدو حيلهم وجونا وما شاء الله معظمهم ماشين تمام
وانت في الدمام ورافض هذا الحل بدون سبب واضح ( اذا كان اهلك فشغلتك انك تقنعهم )
اعذرني اذا قسيت عليك في الكلام لكن هاذي الحقيقة
وسيبك من توقعات المركبة اللي ما تقدم ولا تاخر شي
ودحين اباك تفكر ليش تبغا البترول واذا عرفت ليش تبغا سوي اي شي ممكن عشان تدخل تدرسها
شوف هذا الموضوع نزف ُ القلم ، على صفحات من ذاكرة الألم
اقرا قصته وشوف كيف صبر لين ما كمل في البترول رغم كل الظروف اللي واجهته
4 Likes
تم التحرير من الإدارة
1 Like
باختصار شديد: أرى أن نسبة هذه السنة لن تقل عن 85 مطلقا بل وربما تصل الى 87 بسبب ارتفاع درجات كثير من الطلاب، نصيحة أخوية: ركز على المهم وكل شي في وقته حلو
4 Likes
انا اللي اتمنى انك تعذرني
انا اخطيت معاك في طريقة الكلام
في النهاية الجامعة مفتوحة ومعروف طريقها
وبالتوفيق لك فين ما رحت
3 Likes
بالمناسبة، اللي تبي تدرسه وتختبره اذا دخلت البترول هو نفسه اللي بيكون بكلية المجتمع, ف اذا كنت خايف انك ما تحول من المجتمع ( اذا كان هذا سببك طبعا ولا اعلم عن سبب عدم رغبتك بكلية المجتمع ) فـ كيف كنت تقول عن نفسك " مستعد " للبترول.
اذا كانت حالتك المادية تسمح لك انك تدبر مصاريفك خلال ترم واحد, من سكن وأكل … فـ توكل على الله ويا كثر اللي انقبلو بالجامعة وانطردوا واللي انقبلو بالمجتمع وحولو … هي بالنهاية تعتمد على مدى استعداد وجدية الطالب … والله يكتب لك الخير وين ما تروح،
وممكن تطور لغتك الانجليزية خلال الاجازة هذي وتختبر اختبار اللغة ويطيح عنك مستوى 00 و 01 وبكذا تكون بكلية المجتمع تدرس ماث ورياضة فقط يعني باليوم ساعة إلى ساعتين بالكثير وتتفرغ للماث وحده وبكذا تكون نسبة نجاحك فيه وتحويلك للبترول عالية جدا بحول الله.
موفق
1 Like
السلام عليكم ورحمة الله وبركاته …
انا اخوك متخرج من سنة كنت ناوي اقدم على البترول من سنة
لكن ما قدمت وفضلت جامعة الملك عبدالعزيز عليها عشانها قريبة مني مع ان مركبتي بالبترول 92
دخلت عزوز وفشلت فشل ذريع واكتشفت ان تفوقك في الجامعة ماله علاقة بنسبتك المركبة
-
المهم انا نويت اقدم ع البترول السنة هذي وبالفعل قدمت لكن اخوي اقترح علي اقتراح
اني اروح كلية ينبع الصناعية بما انها قريبة مني
قريت عنها وسالت مهندسين كثير وناس بتشتغل في الاتش ار قلتلهم هل يفرق التوظيف اذا كنت خريج البترول
او غيره قالي بالحرف الواحد مايفرق في التوظيف ابدا خريجين ام القرى وينبع وعزوز وسعود وغيرهم كلهم سوا تقريباً
فقط بعض الشركات تفضل البترول بشكل بسيط انا اعرف اثنين كلهم هندسة كهربائية تخرجو بنفس السنة واحد من البترول وواحد من ام القرى كلهم قدمو على ارامكو
ومن المفارقات العجيبة ان اللي تخرج من ام القرى توظف قبل خريج البترول بستة اشهر والان كلهم شغالين بارامكو
انت شد حيلك وماعليك الرزق بيجيك … انا قريت وسالت عن كلية ينبع الصناعية وما ابالغ اذا قلت اني قريت كل المواضيع اللي تتكلم عنها بالانترنت
الكلية قوية وعندها اعتماد اكاديمي عالمي ما اقلك انها احسن من البترول لكنها فرصة ممتازة
اتمنالك التوفيق والنجاح والله
الطريقة الوحيدة الرسمية للعبور إلى البترول هي كلية المجتمع بالدمام ، وفي حالتك ستكون كلية المجتمع مجرد جسر وهذا ربما مايجهله والديك ودورك كمتعلم ان تقنعهم بذلك
اما البحث عن طريقة آخرى مضيعة للوقت وفيه مخاطرة من عدم قبول التحويل
ملاحظة . مناهج جامعة حفرالباطن الآن من اقرب المناهج للبترول إن لم تتطابق معها. السبب لأنها سابقا كانت كلية مجتمع تابعة للبترول يعبر من خلالها " الحفراويون " للبترول لأنخفاض معدلاتهم المركبة.
اما اقتراحك الذي تريد مشورتنا به، أعلم انها ليست تابعة للبترول ولم تكن يوماً كذلك
موفق يارب
3 Likes
تم التحرير من الإدارة
امامك 5 اوقات استجابة على الاقل ، اطرق باب من بيده كل شئ
Sent from my Nexus 4 using Tapatalk
تم التحرير من الإدارة
كنت اقصد 5 ايام على الفطور، وانت وصلتها ل 15 باذن الله
Sent from my Nexus 4 using Tapatalk
1 Like
تم التحرير من الإدارة
بسم الله الرحمن الرحيم
انا نسبتي المركبة كانت 83.22 ونسبة القبول العام كانت 85
في البداية انقهرت لاني كنت ابغى ادخل البترول بأي ثمن لكن قلت قدر الله ماشاء فعل وسجلت في جامعة الملك عبدالعزيز واكدت الرغبات وكل شيء وقبلوني انتظام وبمكافأة وعلمي بعد
باقي الاسبوع الجاي واخذ البطاقة الجامعية استخرت الله وسحبت من جامعة الملك عبدالعزيز وقدمت وارسلت اوراقي لكلية المجتمع
صح انها بدون سكن وبدون مكافأة لكن مدري كيف نطيت عليها
ويوم دخلت اختبرت اختبار تحديد المستوى في الانجليزي وقالوا لي انت عديت 00 و 01 الكورسين المطلوب اني اعديها ب C عديتها من الاختبار ولله الحمد ثم بعدين سجلت 02 وكنت احسبه زي الماث 50 دقيقة في اليوم
انصدمت بأنه 4 ساعات في اليوم فضغطني في البداية شوي لكن الحمدلله عديته
طبعا اذا انت عديت 00 و 01 انت مخير بأنك تسجل 02 او الكورسات اللي بعد
طبعا كورسات الانجليزي في المجتمع اسهل بكثير من البترول صح انه الدراسة نفسها والاختبارات نفسها لكن المدرسين يتساهلون كثير مو مشددين
اما الماث 01 عبارة عن كل شيء اخذناه من اول متوسط الى ثالث ثنوي
توزيع الدرجات فيه 20% على الميجر الأول و 20% الميجر الثاني و 36% اختبار نهائي و 24% عبارة عن كلاس وورك مقسمة على كلاسين تيست كل واحد ب9% وتجيك اسئلتها سهلة جدا فوق ماتتصور والواجبات والحضور عليها 6%
والمطلوب C للتحويل للبترول أي تقريبا 60/100 في المادة تعتبر سهلة اذا جايب مياجر عالية يعني لاتشيل همها
طبعا التوزيع هذا يختلف عن البترول لانه عندهم كويزات وواجباتهم اونلاين مو زي المجتمع
الزبدة دخلت اختبار الميجر الاول في الماث واجيب 6 من 20 واتحطمت نفسيتي لأبعد مايمكن وكل هذا بسبب اني اهملتها وذاكرتها زي الثانوية
قلت على كذا مستحيل ادخل البترول لكني شديت حيلي في الميجر الثاني وجبت 16 والفاينل ذاكرت له زين وحولت للبترول الحمدلله بC+
الخلاصة انه مافي شيئ مستحيل وانه لازم يكون في ارادة قوية للشيء اللي تبي توصله
والباقي على الله
استخير ربك ولاتقول مستحيل ادخل كلية المجتمع…الخ
ماتدري وين ربك كاتبلك الخير
2 Likes