السلام عليكم انا والله محتار بين كلية الجبيل الصناعية وجامعة البترول مدري وين اروح لأنه الصراحه الناس يقولون البترول صعبه وادخل كليه افضل وش تنصحوني
كل شي بالجهد و الاجتهاد مقدور عليه
شوف كل سنة مئات الخريجين مو يعني انهم عباقرة زمانهم وماحد مثلهم… يعني انهم ناس تعبوا و اشتغلوا و اجتهدوا
البترول فرصة قد لا تتكرر… استخير أهم شي
لا تأخذ كلام الناس على انه صح او خطأ 100% … اذا احد قالك الجامعة صعبةاو سهلة اسئله وين الصعوبة والسهولة بالضبط …
شف نصيحة لا تحكم على نفسك انك بتفشل او بتنجح وانت ماعندك فكرة عن المكان او المجال الي بتدخل فيه .
اقولك اياها من تجربة اذا انت مستواك جيد وتحس انك تقدر تبدع فأدخل المكان الي ترغب فيه لأن لو دخلت مكان او تخصص اقل من مستواك ممكن تحس انك تستحق انك تكون في مكان افضل من الي انت فيه وتتحسر …وهالشي مب غرور او استهانة بالي معاك لكن لما يكون مستواك ممتاز وتدخل مكان عادي راح تحس انك استعجلت خاصة لما الاغلبية يكون مستواها اقل منك . اقولك هالكلام لان شفت اكثر من واحد صار له هالشي من ضمنهم واحد كان يرغب بالطب ودرجاته ممتازة لكن بسبب الكلام الي سمعه وان الطب صعب ومن هالكلام اختار تخصص اداري ومن سوء حظه ان التخصص الي اختاره الاغلبية فيها كانوا ادبي !! فالرجال حس انه استعجل لما اختار تخصص اقل من مستواه لما شاف الوضع وانه يقدر يبدع في التخصص الي كان يرغب فيه وان ناس مستواهم متوسط وقدروا يمشون في الطب وحاليا هم على وشك تخرج.
على العموم اذا الجبيل الصناعية فيها بكالوريس فمعاك حق تحتار لكن اذا دبلوم وتالي على حسب معدلك يسمحون لك تكمل بكالوريس او لا … فما انصحك تسجل فيها .
الي اعرفه الجبيل الجامعية فيها بكالوريس فسجل فيها و سمعتها زينة عند الشركات هي والصناعية لكن البكالوريس افضل من الدبلوم .
الله يوفقك ونصيحة لاتستهين بنفسك واعرف مستواك ونفس الوقت شف الاشياء الثانية مثلا البعد عن الاهل او التخصصات المتاحة في الجبيل والبترول ممكن هذي الاشياء تساعدك في الاختيار .