انا حاليا طالب بكالوريوس في الهندسة الكهربائيه مبتعث في امريكا في جامعة تعتبر من افضل ٢٥ جامعة على مستوى امريكا. قريبا باقيلي سنه ونص على التخرج وفي الجامعه عندنا برنامج اني اقدر احصل على الماجستير في نفس التخصص مباشرة بعد البكالوريوس خلال سنه واحده فقط.
انا بس متخوف من اني اكون حامل الماستر بدون اي خبرة عمل. هل تنصحوني اني اكمل؟ هي الصراحة فرصه ما تجي الا مره في العمر
ونيتي ان شاء الله اني اتدرب خلال الاجازات الصيفيه القدامه الى ان اتخرج ان شاء الله
والجامعة اللي انا فيها كان او اعتقد انهم الى الحين عندهم علاقه ما اذكر وش هي بالضبط مع ارامكو. وغالبية طلاب الماستر عندنا من ارامكو جايين.
اسم الجامعه: University of Southern California
لو كنت مكانك بكمّل ماجستير ولو صار ورجعت هنا وما حصلت وظيفة وقالو لي انت Over-qualified قدمت عليهم بـ البكالوريوس وبعدها اطلع من الشركة ويكون عندي خبرة + ماجستير .
هذا رايي المتواضع وانا مثلي مثلك طالب للآن, وانتظر رد من عنده علم.
In Engineering, especially for EE, you don’t really need a master’s degree to impress future employers.
In general, Saudi Eng fresh graduates are hired with little to no experience and more importantly with less attention to their higher degrees. Internships/hand-on experience have been always given the highest criteria.
Most experienced level Eng. jobs vacancies I see focus on experience rather than higher education. Who cares if the person has a master degree if they cannot analyze what is going on in a controller for example and design a solution to fix the product? That is, unless you want to seek internship/hand-on experience out of your new degree or perhaps develop a certain area further, because (maybe) you current school does not offer any a sort of co-op or internship, then really a master degree will not make the difference.
However, if you have the courage, if you REALLY want it for fulfillment, combined with time and budget, go for it…
It’s always easy to hide it but not easy to claim that you have it when you don’'t. But also remember the tough Saudi job market, so plan ahead to build up your US experience before coming back to Saudi Arabia. Best of Luck
أولا ما شاء الله أنت في وضع ممتاز كونك في جامعة مرموقة ومعروفة عالميا، الجامعة هذه علاقتها مع أرامكو أنها ترسل لها طلبة كثير وبالذات في الدراسات العليا، اذا هدفك الأساسي هو وظيفة بعد التخرج لازم تعرف أنه مو كثير يقدر شهادة الماستر لكني متأكد أن أرامكو يقدروها خصوصا من جامعتك. بشكل عام لا اظن شهادة الماستر بتضرك لكن خليني أقول أن فائدتها غير مضمونة. لو كنت مكانك بكمل ماستر.
بالمناسبة اذا الساعات اللي انهيتها بين ٣٠-١٠٠ تقدر تقدم على برنامج ابتعاث ارامكو ccp.
اولا يعطيكم العافيه جميعا والله ردودكم شجعتني بعد ما كنت متحطم شوي. واللي يقدر يفيدنا زياده لا يبخل علينا.
مشك،د ابو خلدون على ردك. فكرت فيها كثير بس ما سويتها لسببين. السبب الاول مابي اكون محتكر على شركة وحده خصوصا اني افكر في شلمبرقير الى الآن. السبب الثاني انهم راح يمنعوني اني اكمل ماستر اذا حولت لبرنامجهم وراح يلزموني اني اشتغل اول ما احصل على شهادة البكالوريوس.
عندي سؤال!! اذا ما فادتني في بداية التوظيف، هل تتوقع انها راح تفيدني مع مرور الرمن ( مو شرط على المدى البعيد لينا نقول خلال ٥ سنوات) من خلال الترقيات او غيره؟
بالنسبة لي الباكالوريوس في السعودية كافي ووافي جداً ، نعم الماجستير ميزة لكن ليس شيء ضروري ، بل ان الخبرة هنا تعتبر افضل من الماجستير
طبعا الا ا>ا توظفت في شركة و قامت الشركة بابتعاثك فه>ا شيء آخر لكن بشكل عام لو حصلت لك فرصة في شركة ممتازة فمن رأيي ان لا تفوتها من اجل الماجستير
طبعا سؤالك هل “أتوقع” أنها بتفيدك؟ والجواب نعم “أتوقع” وسبب رأيي هذا أنه يندر جدا تكون مؤهلاتك سبب في ابطاء تقدمك الوظيفي! لو شفت نواب رئيس أرامكو راح تلاقي أغلبهم معاهم ماستر ودكتوراه (أحدهم تم تعيينه مؤخرا مستشار لوزير الدفاع وهو يحمل درجة الدكتوراه في الهندسة المدنية) ومع ذلك رئيس الشركة نفسه ما عنده الا بكالوريوس. يعني اللي أبغى أقوله أنها بتكون شي ممتاز لكن لا تتوقع أنك بتكون أفضل من كل الباقيين بمجرد حصولك على الماستر. أتمنى اني صغت كلامي بشكل جيد
والله تصير مشاكل بس في كل زاويه وعند كل اشاره تلقى سيكيوريتي او اثنين + الشرطه في كل مكان + المنطقه اغلبها سكن طلاب ف تشوف الطلاب يمشون بكثره حتى بعد ١٢ الليل
ما دام على حساب الدولة حفظها الله و حماها، و ما دام في جامعة قوية
نعم ، كمل ، و هي فرصة لا تقدر بثمن
كل هذا سينعكس على علمك و فهمك و سيظهر في المقابلات الشخصية و في مسيرتك الوظيفية
و لو تكملها بالـ OPT (اعتقد اسمها كذا إن ما كنت واهم) ، اللي هو إيجاد فرصة عمل في وظيفة ذات علاقة بتخصصك بعد الدراسة مباشرة حتى لو ببلاش ، فهذا أزين و أزينين
حياتك في أمريكا فرصة ، فاستغلها إلى آخر قطرة
وفقك الله
أخي عبدالمجيد كنت بنفس وضعك بيوم من الإيام بعد البكالوريوس بأستراليا وإخترت إكمال الماجستير مباشرة بعد التخرج وماكان معي خبرة لسببين الأول أن الفرص تجي مرة وحدة ومستحيل إن ماكان صعب تجيك فرصة إبتعاث أخرى خاصة أنه الزمن الذهبي للإبتعاث إنتهى وكل مالها تتقلص وتتصعب إلى أن ينتهي البرنامج.
السبب الاخر وهو الأهم إنك الأن خفيف وحر نفسك ومأسس نفسك بالغربة ومتعود والدولة موفرة لك أسباب النجاح وماعندك شئ تخسره وتخاف عليه ، فإذا رجعت للسعودية بالسلامة ومعك البكالوريوس فقط وأنت في نيتك الماستر بعدين في هالحالة راح تكلبش نفسك لو توظفت وراح يصعب عليك تستقيل من الوظيفة خاصة إذا كانت الجهة مرموقة والراتب ممتاز أو إذا كنت رب أسرة وعليك إلتزامات مادية وإيجار وخلافه فصعب إنك تتحرر من هالقيود وراح تقل عندك العزيمة والحماس إنك تغترب مرة أخرى وتترك كل الميزات والمسؤوليات اللي عليك وترجع تبدأ تدرس من جديد وهذي الحالة شفتها مع زملاء كانوا معي بالجامعة ورجعوا للوطن وكان في نيتهم الإبتعاث من جديد بعد الحصول على الخبرة وقرروا فيما بعد يلغون فكرة إنهم يبتعثون من جديد للماستر للأسباب أعلاه.
وعموما على سالفة Overqualified إحسبها من منظور ثاني وإعتبر شهادة الماجستير إستثمار بعيد المدى قد مايفيدك بعد التخرج مباشرة وتشتغل بالبكالوريوس وأنت بدون خبرة لكن راح تطلع وتفيدك بعد سنوات في الترقيات أو الإنتقال لجهات أخرى ومعك خبرة.
نصيحتي لك لا تتردد وأنت إستشرت فباقي الإستخارة والله يوفقنا وإياك.
انصحك تكمل ماجستير انا لي 15 سنة واتمنى لو ترجع الايام كان كملت لانه الماجستير يعطيك الاولية في التوظيف وراح تتوظف براتب اعلي بنسبة 15% نصيحة اخ كمل وبعدها قدم علي GE
براتب 15 الف وخلال 4 سنوات يوصل راتبك من 22 الف الي 25 الف جي اي رواتب ضخمه وخلك من ارامكو وسابك لانه فيها تشبع
اخوي الرواتب هدي للمهندس ولا للمانجر ؟؟ و لو كانت للمهندس هل هي خاصة بالفيلد انجينيير ولا اللي عمله مكتبي؟
ادري سؤالي شاطح بس حبيت اعرف لانه GE رواتبهم مبهمة
طبعا في شلمبرجير يوصل 25 الف بالراحة و بدون ماجستير
GE بالعربي التنافس عليها قوي ويمكن عدد موظفيين السعودية كاملة مايجون 500 شخص مع العلم وعدوا الحكومة من 2010 انهم يخلقون 2000 وظيفة للسعوديين
طبعا وعشان التنافس اغلب اللي يقبلونهم ماجستير وناس عندهم قوة تحليلية ولغة قوية بس رواتبهم قوية انا ولد عمي متخرج 2008 اللحين له 8 سنوات بس بكالريوس هندسة طبية وخالي بعد متخرج 2003 هندسة طبية جامعه الملك سعود وانقبل فيها ووصل راتبه النت 40 الف ريال وبني بيت بس هو هلك لانه سفراتها واجد وفيلد مستشفيات بس كرف وشركة امريكية وفيه بونص لكن ماتجلس تحك راسك بس خبرتها قوية واحسن من ارامكو بكثير ((((((((((((ارامكو الكرف حسب الدائرة والراتب لك علية وسط)))))))) وفيها تشبع تكرف ماتكرف كله واحد وشبة حكومية والواسطات شغالة اذا انت متميز يمكن توصل 16 بدون واسطة في ارامكو بسس تقفل وخلاص الباقي القريدات وساطة وحب خشوم وانا قصدي الراتب الاساسي مش التوتال
شلمبر جير شركة تنقيب وتهتم بتكنلوجيا البترول عكس GEاللي فيها مجالات واسعه من طيران و نفط راجهزة طبية ومبيعات واسهم ومالية فرق شاسع بينهم GE شركة امريكية في كل بقاع الارض عادي تشوف سعودي عندة مشروع في الفلبين وقابلت ناس في مانيلا وساكنين خمس نجوم وعندهم اسايمنت حوالي 6 شهور في الفلبين
ارامكو بعد 14-15 سنه يالله يالله يوصل راتبك الاساسي 20 الف وبعد خدمة 25 سنه من 30 الف الى 35 الف هئا اذا وصلت قريد 16 ديفجن هيد وانت عمرك 55 سنه وعلي وجه تقاعد
وحط في بالك المانجر اللحين لازم خدمة 30 سنه في ارامكو لانه نسبة اللي يوصلون من 10 الالاف مهندس في ارامكو سعوديين 400 شخص يعني اللي يوصل ديفجن هيد 4% واللي يوصل مانجر 1% فاانت فكر بالنسبة يعني بالعربي لو تكرف يمكن تتقاعد علي 14 او 15 اذا بلغت الحمى واعرف ناس خدمتهم في ارامكو 36 سنه مهندسين خريجين البترول و 38 يعني بالعربي هم بي دي بي في ارامكو قبل ماانولد انا ولسة قريد 15 بس بسبب القدم يوصل راتبة الاساسي 35 الف
