السلام عليكم ورحمة الله وبركاته
كيف حالكم جميعا
ابطرح موضوعي هذا رغبة في الحصول على ارائكم المفيده واللي قد ترشدني وتدلني على الخيار الصحيح وانتم اكثر مني علم ومعرفه
الان انا مهندس كيميائي موظف في هيئة المواصفات والمقاييس براتب مقطوع وعقد يجدد سنويا وصار لي معهم 3 شهور في الرياض
طبعا الاهل في الرياض
جاني عرض وظيفة معيد من احدى الجامعات خارج منطقة الرياض
وانا من الاساس لا يوجد لدي نيه لاكمال الدراسه طموحي مثل طموح اي مهندس خريج بعد دراسه الهندسه في الوظيفة اللتي تشبع طموحه وقد تعبه في كلية الهندسه
لكن ما جعلني افكر في وظيفة معيد واكمل اجراءاتي فيها احتياط نظرا لظروف التوظيف الحاليه مقارنه بالماضي
فأنا في حيره من امري اكمل في وظيفتي الحاليه الى ان يأتي ماهو افضل منها مرتب
او اتجه لوظيفة معيد وهي ليست ما اريد بسبب الشروط الالزاميه لاكمال الدراسه ولكنها في ظل شح الوظايف حاليا فرصه جيده
افيدوني جزاكم الله خير
ليتني مكانك 
لو حطيت موضوع “الرجوع للدراسة وكذا” على جمب شوية (خصوصا إن واضح مستواك الدراسي كويس ما شاء الله) … فكر في أربع شغلات … أول شي طبيعة العمل الأكاديمي هل راح يعجبك ؟ طبعا انت تعرف دوام الدكاترة والفلكسبيلتي اللي فيه وكذا … الشي الثاني … المكانة الاجتماعية إذا كنت تنظر لذا الشي وكذا …
شيء ثالث ما أعرفه كويس … هو الراتب … كم ياخذ المعيد ؟؟ ولو افترضنا تحتاج 6 ل 8 سنوات وتصير دكتور … كم يستلم الدكتور ؟؟ وكم ممكن يوصل راتبك في وظيفة هندسية خلال نفس الفترة لو انك حصلت وظيفة في شركة كويسة؟؟ الشي الرابع … غالبا إنهم راح يبتعثونك لاكمال الماجستير … فهل انت اوكي مع الشي ذا ولا عندك التزامات أو شي يجبرك تكون عند أهلك مثلا …
الله يكتب لك اللي فيه الخير …
بالمناسبة … لو كنت مكانك كنت حروح للمعيدية لأني أحب العمل الأكاديمي … + ما عندي وظيفة حقيقية 
الله يكتب لك الخير ياخوي وييسر لك الخيره , المعيدية ميزتها تكمل تعليمك اكاديميا ووجاهة اجتماعية ودوام مريح , التعب فيها مدة دراستك فقط وترتاح طول عمرك , ولكن هي تختلف من شخص لاخر له رغبة بالمجال الاكاديمي أو لا , وتعتمد على الجامعة الي بتتوظف فيها , وش جامعة الي قبلتك ؟ وش التخصص والكلية الي قبلتك ؟
والله يكتب لك الخير وييسره لك
انا لست خريج بعد, ولكن سأصبح يوما ما,
هي نصيحة واحدة إن كنت لا ترى نفسك في المجال التعليمي, فلا تكمل
لن يكون المتضرر أنت, ولكن الأجيال القادمة قد تعاني لأنه وفقط اخترت هذا المسار وانت لا ترغب به حقًا
أما الرواتب فراتب الدكتور بعد مايخاذ الدكتوره قد لا يصل لراتب المهندس أول ما يتوظف في شركة سابك
أتحدث عن قرابة 14 ألف ريال
الجامعة جامعة الملك خالد في أبها
كلية الهندسة قسم الهندسه الكيميائية
اللي خلاني افكر فيها شُح العروض من الشركات في الفتره الحاليه الفرص أصبحت قليله جدا
اشكر لك ردّك اخي الكريم
المشكلة مثل ما ذكرت الشركات الكويسه والمحترمة موقف التوظيف فيه وقليل هالايام ولا ما فكرت بالاعاده
اتفق مع هذا الرد 100% انك تكون دكتور في الجامعة مو مجرد وظيفة عادية وتفكر بس بالراتب والراحة. استغرب حتى من كثير زملاء اعرفهم متأكد شخصيا ما ينفعو يكونو دكاترة بس يتكلم عن الراتب والدوام المريح الخ بس هل عندك قابلية تعطي وتعلم الاجيال وتفيدهم ولا تكون مثل الكثير يجي ويقرا السلايدات عشان متأكد يوم كمل دراسته ما فكر الا بالدوام المريح والمكانة الاجتماعية الخ. ما حد يعرف نفسك الا انت عندك قابلية وترغب بهل شي سوه ولا تفكر بالامور المادية بس وبخصوص التوظيف اكيد الامور مارح تبقى على حالها ومالك الا 3 شهور بس
استخير قبل كل شيء … ورتب امورك
-الايجابيات : قربك من اهلك -امان وظيفي - مستقبل مضمون -راحه مستقبلاً
-السلبيات : البعد عن الاهل - مده الدراسه تصل لـ 7 سنوات -
نصيحه من اخوك اقبل بالاعاده ، انت الان متعاقد براتب ضعيف ، الوظائف شحيحه هذه الايام، الفرصه تاتي مره بالعمر (لا تفرط بها لا تفرط بها )
ما دام ما فيه في الأفق وظائف قريبة ، فرأيي اقبل بالإعادة و توكل على الله
ما أظنك إنسان غير قادر على الدراسة
و بعدين ترى الوظيفة في الجامعة ليست عبودية ، تقدر - إذا خلصت من المدة المطلوبة منك - تطلع منها ، بعد ما تدبر نفسك طبعا .
بس من المهم أنك طوال فترة المعيدية و فترة الدراسة في الخارج ، لا تبعد نفسك عن التطبيقات العملية لتخصصك ، خصوصا في الخارج ، حاول تبحث عن الجامعات اللي لها مشاريع بحثية مع شركات
و إذا عدت بالدكتوراة أيضا تقدر تشرك نفسك في مشاريع بحثية عملية و في استشارات هندسية
لكن تروح بس للدراسة ، و ترجع بس للتدريس ، بكذا ما فيه شركة تتحمس لتوظيفك
و الله يوفقك
بالنسبة لكلام الإخوة عن الأجيال القادمة ،
فالمسألة تعتمد على الأمانة و ليس على ايش هدف الرجل الآن أو ايش ميوله
يعني ممكن تلقى شخص يحب التدريس و عنده قدرات مميزة ، و لكنه مخل بالأمانة
و شخص ثاني لا يحب التدريس و ليست عنده قدرات مميزة ، و لكنه يؤدي عمله بأمانة و بالقدرات اللي يملكها
و من جهة أخرى ، حتى المهندس في أرامكو و سابك و في الحكومة و في هيئة المواصفات مطلوب منه الأمانة و الاتقان
نصيحتي لك اخي الكريم انك تبقى على وظيفتك بما أن المجال الأكاديمي ليس من اولوياتك
أولا راتب الهيئة حسب علمي افضل من الإعادة وجيد جداَ
ثانياَ العقد مو معناته سنوي إنه ماراح يجددون عقدك في المستقبل
ثالثاَ حتى مع شح الوظائف وفي أسوأ الحالات ما جددوا عقدك فـ عندك 9 شهور من الآن وراح تحصل فرصة أفضل بإذن الله .
الله يعطيك العافيه اشكر لك مشاركتك
اتمنى ان الامور ما تبقى على حالها
مع اني ما اشوف بوادر لهذا الشيء لكن الامل بالله قوي سبحانه
الله يعطيك العافيه على ردك والله يختار الافضل لي
بالنسبه لوظيفة معيد
-الايجابيات : امان وظيفي - مستقبل مضمون -راحه مستقبلاً
-السلبيات : البعد عن الاهل - مده الدراسه تصل لـ 7 سنوات
بالنسبة لوظيفتي الحاليه
-الايجابيات : القرب من الاهل - الراحة النفسية
-السلبيات : وظيفة بعقد
اشكر لك مشاركتك اخي العزيز
للاسف موضوع محير جدا
انا اميل لهذا الخيار لكن بوادر ازمة التوظيف تقول انها مستمره
و الفرص في انعدام للاسف وهذا اللي زاد من الامر حيره
عزيزي سؤال مهم جدا جدا
هل دراستك الجامعية كانت في الرياض؟؟
لا ليست بالرياض
ما ادري ليش هالسؤال مهم ؟
و الله و أنا أخوك لو مكانك أجلس في وظيفتي
دام م عندك ميول للوظائف التعليمية
ترى التعليم أمانة و راح تكون مرتبط بمستقبل غيرك و تعليمهم ووضع إختبارات لهم و تصحيحها
و برضه راح تكون ع طول على روتين واحد ما يتغير
ناهيك إنهم راح يلزمونك تكمل حتى الدكتوراه خارج المملكة
ف أنت أحسب كل هالأمور و مدى قدرتك عليها و هل تجد نفسك مُهيأ لها …
و بعدها اتوكل على الله و قرر …
و على فكرة ترى الهيئات رواتبها و مميزاتها جيده و إذا أثبت نفسك ممكن يرسموك معهم …
اسأل الله لك التوفيق و السداد
واياك الله يعطيك العافيه ما قصرت
سألتك هذا السؤال لاني حسيت من كلامك انك ماقد تغربت عن اهلك وعشت عزوبي بعيد عن الاهل ،
نصيحه في ابها بعيد جدا عن الرياض مناطقيا واجتماعيا
+
الجامعه راح تكمل فيها مايقل عن ٦ سنوات دراسه وراح تعمل مثلهن في الجامعه يعني ١٢ سنه بعيد كل البعد عن الرياض ، بعدها “يمكن” تحصل فرصه للنقل
(رأيي) القرب من الوالدين والاهل غالي جدا جدا جدا فكر ثم فكر قبل ماتوافق