اخواني ولله الحمد والمنه جاني قبول مبدئي في جامعة حفر الباطن معيد ولم يتاكد بعد فقط طلبو مني بعض المستندات
ولم يبلغوني بالقبول بعد وانا موظف حاليا بشركه سابك
وانا محتار جدا علما بأني مغترب حاليا في سابك في الجبيل وحفر الباطن مدينه صغير وقديمه جدا ولا يوجد فيها خدمات كثيرة مثل المكان الي انا فيه حاليا وخصوصا اني ما اعرف فيها احد ابدا واعتبر هذا الشي مجازفه كبيرة
للعلم انا طموحي اكمال دراساتي واصبح دكتور بالجامعه … ليس عندي هدف اني اكمل بسابك ابدا لان هذا مؤقت فقط وكنت انتظر وظيفة في احد الجامعات او ارجع لاهلي واتوظف في الشركات الي فيها لان هذا هدفي الاخير
سؤالي الاهم مارايكم هل اروح الجامعه او ابقى في سابك حتى احصل جامعه اخرى بمكان افضل مثل الملك سعود او القصيم او ارجع للشركات عند اهلي او ما اترك الفرصه هذي لانها رزق من الله عز وجل
وهل النقل بين الجامعات في فتره الاعاده سهل من جامعة الى اخرى ؟ … او بعد الماجستير او اثناء الدراسه ؟
طبعا اخر سؤال هو الاهم ارجو الرد على قدر الاستطاعه ياشباب
وعليكم السلام ورحمة الله
اللي اعرفه انك بعد قبولك معيد لازم تلقى لك قبول للماجستير بفترة معينة ولازم تخدم الجامعة بعدد السنوات اللي درستها والله اعلم.
وعلى فكرة انا من حفرالباطن والمدينة ماهي بصغيرة ولا هي بقديمة جداً لاتشوه السمعة الله يهديك
الشركات افضل كخبرة وراتب خل الراحة بعدين
فيه معلومة جدا هامة اليوم التعليم صاير فيه ضغط شديد جدا ومشاكل كثيره خاصة بعد دمج الوزارتين
سمعت ان يكون فيه هيكلة للجامعات تحت الاعتماد حاليا لكن الله اعلم متى بتعلن.
يااخي انت جاوبت نفسك بنفسك ان طموحك الجامعه وان سابك مجرد وظيفه مؤقته
بالعكس اشوف فرصتك جدا حلوه وخصوصا ان جامعة حفر الباطن تعتبر نسخه من جامعة البترول اكاديميا وتنظيميا فا على طول بتكون متأقلم مع النظام والقريدز وهالاشياء ،،
وبرأيي بما انك من منطقة القصيم وودك انك تنقل لها وماودك بسابك فا اشوف فرصتك حلوه ، وانتبه عصفور باليد … كملها وتروح عليك هذي وهذيك
الان النظام نفس الكوريكيولوم ونفسم السيلابس ونفس نظام القريدات والاختبارات والافرج واللابات ، برأيي ان نسخهم لهذي الامور راح تساعد صاحب الموضوع بحيث انه يكون عارف هالامور ، "يعني نفس كل شي درسه معروض مره ثانيه " بغض النظر عن النتيجه وهذا اللي كنت اقصده
ولا راح تضبط معهم ، جامعة البترول تصفي صفوة خريجين الثانويه ويالله يمشون ، جامعة حفر الباطن تبي نفس المخرجات صعبه وخصوصا ان اغلب طلاب الحفر مادخلوا الجامعه الا للقرب، برأيي كذا الجامعه تظلم نفسها وتظلم طلابها
يا أخي ناس تحلم بوظيفة في سابك وناس تتمنى العمل في سابك ارقى شركة عندنا وانت تقول ابغا اكون معيد !! يارجال حرام عليك . لاتلعب بالنعمة ترى سابك افضل من ارامكو في المميزات والترقية ،
يا أستاذي الفاضل الموضوع ذا قديم من 2016 الان الموضوع معروف سابك مقفلة التوظيف من اكثر من 3 سنوات !! سابك مافيها توظيف حاليا وموقعها مافي اي بوزشن مفتوح وانا اعرف سوق العمل . فبلا شك الوظيفة في سابك شيء مميز وحلم لكل مهندس ان يعمل بهذه الشركة العملاقة ورواتبها الضخمة والمميزات والخبرة القوية … ماتحصلها في المعيد .
