السلام عليكم
ما عليكم أمر اذا ممكن أحد يفيدني عن أفضل الشركات والمصانع في الصناعية الأولى والثانية في الدمام … ناوية ان شاء الله الف على المصانع واقدم يدوي لعل وعسى نلقى شي 
مادري اذا يفيد او لا!
ياليت لو تفيدوني من تجربتكم او من معارفكم باسماء افضل الشركات والمصانع هناك من ناحية الشغل والرواتب … بحثت في النت في اعلانات لشركات على رواتب 2000 و 2500 هذا راح اخليهم آخر شي 
شكراً مقدماً …
ما ادري عن وضعكم بالدمام
بس انا لفيت الشركات بالصناعة الثانية بالرياض
وسلمت ملفي ل٤٠ شركة ولا جاني ولا رد
وبعد شهر رحت اسال ثاني لقيت اوراقي في بعض الشركات عن الامن برة حتي ما دخلوها لهم والتوضيف واقف من ٥ او ٦ شهور عندهم وجلست مع كم اتش ار لبعض الشركات قالوا مافي توضيف الا نبيع الي بالمستودعات يعني تقريبا الا نص ٢٠١٧
هذا اذا كان في تحسن ولا كان في عجزة باللميزانية الجديدة
طبعا هذا الوضع الي بالرياض مدري كيف عندكم يمكن يختلف
بس جربي تقدمين علي تحالفات ميتروا الرياض
في ثلاث تحالفات الرياض نيومبلتي و فاست وبكتل
بس الميتروا يطلبون خبرة
يمكن تخصصك مطلوب
او شوفي الكونتراكتر الي مع ارامكوا ترا في حملة قريبة للتوظيف
روحي لهم حتي لو ما ارسلوا شي يمكن تتدخلين عندهم وتقابلين
بالتوفيق
ماعندي فكرة عن الشركات لكن هذا رابط فيه الشركات والمصانع في كل المدن الصناعية مع ارقام + ايميلات
دليل المصانع والمنشآت
إن شاء الله يفيدك
مشكور على الرد … كونتراكت ارامكو قدمت عليهم
الله يكتب اللي فيه الخير
طيب سؤال ثاني … كيف اقدم على الشركات اللي في الصناعية اذا موقعهم مو مكتوب فيه ايميل مسؤول الـ HR او اي شي من هالقبيل؟
بشكل عام اذا المنشأة مو مكتوب في موقعهم ايميل او تحويلة قسم الموارد البشرية, كيف نتواصل معهم؟