السلام عليكم ورحمه الله وبركاته
اليوم جاني ايميل الصباح من شركة الحوطي
Please be informed that your shortlisted by our client Saudi Aramco for personal interview
مع العلم اني قد سويت مقابله مع ارامكو في جولاي وللحين مافيه رد !!
هل هذا معناه اني انرفضت من ارامكو وهل لو جاني عرض وتم قبوله بياثر على طلبي في ارامكو؟
وماهي طبيعه الاساله لهالشركه وكيف رواتبهم ؟
مع العلم اني مهندس مدني
شكرا 
اخوي انا مثلك جاني اتصال العصر من الحوطي وقالي انه عندي مقابلة شخصية مع ارامكو وارسلو لي ايميل بالموعد والمكان تخصصي هندسة معمارية
المهم اخوي هل ذكروا لك تفاصيل العرض؟ وايش المسمى الوظيفي بيكون؟؟ لان انا ماجاني شي بخصوص العرض
اوه شكل مقابلتك في ارامكو نفسها
انا لا مقابلتي في فندق بالخبر اتوقع اسمه القصيبي او شي زي كذا ماني متاكد وجاني ايميل فقط مااتصلو علي
واتوقع مقابلتي من الشركه نفسها مو ارامكو بس طبعا ارامكو هي اللي مختاره الاشخاص اللي طلبوهم للمقابله
وبالنسبه للمسمى وتفاصيل العرض لا بس قالو ان عندي مقابله في التاريخ واليوم الفلاني
والله يوفق الجمييييع يارب
واذا فيه احد عنده معلومات عن طبيعه الاساله وموضوع الملف في ارامكو هل يأثر عليه او لا ياليت مايبخل علينا
والله وانا مثلك بعد مقابلتي بالقصيبي بعد لكن اتوقع الي راح يسسوون المقابله معنا موظفين ارامكو
وش تخصصك يالغالي وكم معدلك اذا ممكن
انا سمعت ان العرض والموافقه راح تكون بنفس يوم المقابله ياليت احد يعلمنا هل الكلام هذا صحيح او لا
اذا موظفين ارامكو مدري ليه جاني احساس بيقابلني نفس الشخص اللي قابلني في ارامكو 
تخصصي هندسه مدنيه ومعدلي فوق ٣.٣
والله يوفقنا يارب
طيب المقابله الي سويتها انت كانت تيكنيكال وعن التخصص ولا مجرد مقابله شخصيه عاديه ؟
معدلك من4 ولا من 5 ؟
الله يكتب الي فيه الخير ترا طالبين نسبه كبيره هالسنه عشان كذا ان شاء الله فرص القبول كبيره
لاكانت مقابله شخصيه عاديه طبعا من مشروع التخرج سأل اذكر سؤآلين وش كان دورك ومن هالاشياء
بس اسآله تكنيكال بحته ماكان فيه ابد
ف هذا اللي مخوفني ان مثل هالشركات تأثر في قبولك في ارامكو لان للان ماجاني اي رد منهم وكانت المقابله سلسه وحبيه
مع العلم اني سويت جميع الاجرائات ماعدا الفحص الطبي ولا جاني الاوفر
الله يكتب اللي فيه الخير يارب لي ولك وجميع المتقدمين ان شاء الله …
معقول مافي احد يفيدنا 
شكلهم مش طالبين مهندسي بترول 
. . هل بكرة مثلا راح يبلغوا الي انقبلوا؟ ولا خلاص اليوم بس اعلنوا نتايج المقبلوين؟
والله ياغالي انا اشوف اكثر تخصصين طاح سوقهم هالسنه البترول والمدنية بسبب اسعار النفط وبسبب ايقاف اغلب المشاريع اللي يعتمد عليها المهندس المدني
لكن مااتوقع انهم ارسلو لكل الناس اللي يبونهم ان شاء الله بيجيك رد هاليومين والله يكتب اللي فيه الخير …