السلام عليكم و رحمة الله و بركاته
أسعد الله ظهيرتكم بكل خير
دورت في المنتديات و في هالموقع لكن مالقيت أي شيء جديد احدث موضوع لقيته كان عام 2014 عن سلم رواتب المهندسين و خصوصا الفريش كبداية و هل يختلف اذا كان مع مرتبة الشرف او بدون ؟ و هل تاثرت الرواتب مع الأوضاع الاقتصادية الحالية؟
و الله يعطيكم العافية
الرواتب لم تتأثر بسبب الظروف الاقتصادية الحالية لحسن الحظ…
لكن ممكن تتأثر أرباح الشركة … وهذا بيأثر على العلاوات
الرواتب الأساسية ما تأثرت من 2014
ممكن الشباب يفيدونك أكثر
بالتوفيق.
هالموضوع فيه بعض التفاصيل ممكن تفيدك
لكل ما يخص برنامج التطوير ( SEeD ) لموظفين SABIC الجدد
اقتباس من الموضوع الذي أشار إليه شدعوه:
اخوي بالنسبة للرواتب فيها غلط لان انا معدلي 3.6 /4 و البيسك حقي 11000
عشان كذا انا طرحت هالموضوع لان اغلب المواضيع الي بحثت فيها و المنتديات يقولون نفس الكلام المذكور في الموضوع وهو مخالف للواقع .
هل تفرق الزيادة السنوية عن بونص الشركة ؟
عجيب 
عاد انت أخبر، كموظف في الشركة… اسأل من عندكم وعطنا خبر
بالنسبة لسابك وضعهم عجيب يعطون بكلوريوس التقنية في الهندسة راتب أساسي أعلى من بكلوريوس العلوم في الهندسة , الشيء الغريب انهم معطينك أساسي بكالوريوس تخصصات الادارة ( أقل ب 1000 ريال من الهندسة ) أهم شيء تأكد على أي مرتبة بيحطونك 9 ولا 10 … لا ترضى بأقل من 10 دامك مهندس وابغى أسئلك عن تخصصك هل يعتبر تابع لتخصصات كلية الحاسب ( هندسة حاسب , هندسة برمجيات , علوم حاسب ) لأن اعتقد الاساسي حقهم أقل في سابك من تخصصات الهندسة الأخرى والله أعلم
لا ابشرك على المرتبة العاشرة و بعد ما اخلص برنامج SEED بكون قريد 11 بإذن الله … بالنسبة للسؤال حق التخصص لا انا مالي علاقة بالحاسب .
الله يوفقك أخوي بالنسبة للراتب صراحه هضموا حقك , شوف هذا اقتباس لعضو بالمنتدى توظف معاهم بتخصص اداري بنفس راتبك … مادري صراحة اذا تواصلت مع ال HR بخصوص الراتب يعتبر شيء ايجابي أو سلبي خصوصا انك حديث تخرج, ان شاء الله الشباب يفيدونك بالموضوع ذا
والله اخوي الإشكالية زي ما انت عارف الوضع الحالي للوظائف لا يسمح لحديث التخرج بالمناقشة في العرض كثير لان غيرك مئات ينتظرون مثل هالفرصة … لكن حسب ما قريت من اغلب المواقع ان هالاساسي هو للمهندس حديث التخرج و طبعا تختلف البدلات حسب القسم .
اخوي كم الفترة بين المقابلة والرد؟ وهل هي سابك الأم او أحد شركات سابك؟
وشكراً.
أيش الفرق بين سابك وبين إحدى شركات سابك ؟؟
حدود الأسبوعين … أحد شركات سابك
ما عندي فكرة والله … لكن على حد علمي ان مافي شيء اسمه سابك بس لان اغلب الشركات الي تقول عنها احدى شركات سابك … سابك لها نسبة كبيرة فيها و تقدر تعرف نسبة سابك من كل شركة في موقع سابك الرسمي .