قريت أكثر من موضوع في النت عن دعم الموارد البشرية للموظيف السعودين في القطاع الخاص، بحيث أن الموارد البشرية تدفع نصف الراتب، الى 4,000 ريال، من راتب الموظف والباقي تدفعه الشركة. والهدف من هذا الدعم هو تحفيز الشركات الخاصة بتوظيف السعوديين.
هذا الي فهمته من قرائتي أكثر من موضوع في النت عن دعم الموارد، لكن فيه أسئلة ماحصلت أجوبة لها، أو حصلت أجوبة متنقاضة، فياليت الي عنده خبرة سواء من مر بتجربة فيها أو موظف في مجال الموارد البشرية أن يفيدنا في هذا الموضوع. وأيضا لو فيه أحد يقدر يشرح ماهو الدعم وفوائدة وأضراره على الموظف لأنه موضوع الكثير من الموظفين الجدد أو المقبلين على التوظيف يجهله، وأنا منهم.
- هل من حقوقي أن أكون عارف أني سوف أدعم من الموارد البشرية أثناء توقيعي عقد التوظيف من الشركة؟ أو ممكن أني أوقع العقد ويتم دعمي من الموارد البشرية من غير علمي؟
- لو اشتغلت في شركة مثلا 3 او 5 أشهر وأنا مدعوم من الموارد البشرية بعدين استقلت ورحت لشركة ثانية، هل تقدر الشركة الثانية تكمل دعمي؟ أو بما أني كنت مدعوم من الشركة الأولى فالشركة الثانية ماتقدر تدعمني؟
- هل التوظف في شركة براتب قليل ومدعوم من الموارد البشرية راح يأثر على فرصتي للحصول على وظائف أفضل وبراتب أكثر في المستقبل بحجة أنه قد تم دعمي من الموارد في شركتي الأولى؟
هذي أبرز الأسئلة الي تدور في بالي. أتمنى من له الخبرة يفيدنا لأن الموضوع مهم للموظفين الجدد.
- هل من حقوقي أن أكون عارف أني سوف أدعم من الموارد البشرية أثناء توقيعي عقد التوظيف من الشركة؟ أو ممكن أني أوقع العقد ويتم دعمي من الموارد البشرية من غير علمي؟
للاسف تستطيع الشركة أن تُدعم من صندوق الموارد البشرية من دون علمك و هذا الشي حدث لي شخصياً
- لو اشتغلت في شركة مثلا 3 او 5 أشهر وأنا مدعوم من الموارد البشرية بعدين استقلت ورحت لشركة ثانية، هل تقدر الشركة الثانية تكمل دعمي؟ أو بما أني كنت مدعوم من الشركة الأولى فالشركة الثانية ماتقدر تدعمني؟
نعم يحق لك الدعم مرة ثانية فقط لكن بشروط معينة و من ضمنها إنك ما أندعمت أكثر من 11 شهر
- هل التوظف في شركة براتب قليل ومدعوم من الموارد البشرية راح يأثر على فرصتي للحصول على وظائف أفضل وبراتب أكثر في المستقبل بحجة أنه قد تم دعمي من الموارد في شركتي الأولى؟
شخصياً لا أعتقد فخلال هالسنتين من الدعم يكون كونت خبرة تستطيع الإلتحاق بشركة أفضل و مميزات أكثر
* معلومة مهمه أحب أضيفها
الدعم عبارة عن 24 شهر أي سنتين و في حال إنك إندعمت مثلا المرة الاولى 6 أشهر و التحقت بشركة ثانية يحق لك الدعم سنة و 6 أشهر بمعنى إن الدعم المرة الثانية مكمله لـ الـ 24 شهر
فيه شوية معلومات مهمة من تجاربي
بالبداية في عملية تجهيل كبيرة لنا من قبل الجميع المدارس الجامعات والشركات والجهات التوظيفية عشان بختصار مانعرف حقوقنا ومانطالب فيها
تجارب مريت فيها:
- المدرسة مايحتاج اتكلم عن ان المناهج ماترتبط باي شي عن حياتنا وعن موسسات البلد والاجراءات الحكومية
- الجامعات بعد ما يحتاج اتكلم غايبة ان تعلمنا اجراءات العمل وحقوقنا والجهات الرسمية الي توفر لنا وظيفة ودورها
وجامعة البترول غايبة اكثر عن هذا الشي بسبب ان طلابها اغلبهم يطمحون للشركات الكبيرة والوظايف الي مومرتبطة
بجدارة وهدف وطاقات وتلقى واحد معه ثانوي او من جامعة ناشئة يعرف حقوقه لانه يستفيد من هذي الجهات اكثر مننا
- الجهات الي توفر لك وظيفة خاصة بالقطاع الخاص موظفيها بعضهم مو مصدق ان حصل وظيفة وممكن مايكون موهل لها
مايعرفون دورهم حتى لو كان مدير, مرة مدير فرع قابلته لما كنت طالب وابحث عن فرصة تدريب استغل فيها وقتي في
الاجازة الصيفية وماكان عندهم شركات مشتركة قال لي روح اقنع الشركات تجي تتعاون معنا وبعد مدة قابلت موظف وعلمته
ايش قال لي المدير واستغرب وقال هذا مايمثل الصندوق وهو غلطان حتى لو كان مدير!!!
-الشركات هذا الشي معروف انهم مايعلمونك حقوقك عشان ماتطالب فيها فضلا ان فيه بين الموظفين حسد لي تجربه اني ابغى امشي
من شركة ولو استقيل تروح مني جميع المستحقات وساند لكن بحسن حظي جت من الشركة وتم انهاء عقدي وعطوني شهرين مدفوعات
راتب كامل بدون اداوم (بشكل ودي من المدير) ومكافئة نهاية خدمة ومبلغ مالي (رضاوه يحسبوني زعلان ) غير اني اصير مستحق
ساند لكن جتني مضايقات من الموظف المسؤول عننا المدير يقول له كلام وهو ما يوصله لاننا بس حسد وغيرة لانه يدري اني بامشي وعامل فيها
مخلص للشركة وفلوسها.
كلامك سليم 100%
والله أني كنت أفكر جديا اتخصص قانون قبل ما أدخل البترول للسبب هذا. الكثير يجهل حقوقه، حتى لما تسوي معاملة في بنك والا مكان ويكون فيه اوراق توقعها يستغرب الموظف اذا طلبت منه وقت عشان اقرا الشروط والالتزامات كاملة قبل ما أوقع لأنه متعود الناس توقع وبس وتمشي.
الهدف من دعم صندوق الموارد البشرية للشركات هو تشجيعهم لتوظيف السعوديين. لكن فيه شركات كثير الله يهديها ترفضك على وظيفة وتقبل واحد ثاني وأنت مؤهل أكثر من الشخص الثاني. السبب في رفضك أنه الشخص الثاني ماقد اندعم قبل من صندوق الموارد فيقدروا يدعمونه ويوفرون نص الراتب بينما أنت يالي مؤهل للوظيفة أكثر تنرفض لأنه تم دعمك وراح يدفعون الراتب كامل من عندهم لو وظفوك بعكس الشخص الآخر.
بصراحة أتمنى على الأقل يكون فيه موضوع مثبت في ساحة الخريجين متخصص في حقوق الموظف والتزاماته للشركات عشان يزيد الوعي ونعرف حقوقنا.
بالمناسبة لما قريت الموضوع اتصلت على هدف وقلت انا راتبي 12000 بناءا على العقد الي يذكر الاساسي والبدلات
ومايذكر ال2000 الي هي دعم الصندوق وهل الشركة ما اعطتني اياها قالت حنا نعطيها الشركة والشركة تعطي اياها
مع الراتب, وللعلم الشركة متعاقدة مع جهة حكومية يعني فعليا الي تدفع لي الراتب الحكومة وبعقدها مع الشركة ان يتم
توظيف مهندسة براتب 30000 ريال والشركة تعطيني نسبة مع اني انا الي اشتغل موصاحب الشركة.
خلاصة الكلام ان فية نظام غبي هدفة كيف نعطي الشركات فلوس وخاصة لو انها غربية مثل الشركة الاسبانية
الي كنت فيها يجوننا اسبان معهم دبلوم واعمارهم فوق الثلاثين ويجونا بدون خبرة يتخرج عاطل 5 ولا 10 سنوات
ويجي عندنا ويعطونه اضعاف الي ياخذ المهندس السعودي طبعا من فلوس الحكومة.
اتمنى من المنتدى تثبيت الرابط الي تحت في موضوع مثبت او كرد بموضوع مثبت الصفحة الرئيسية | الثقافه العماليه
هذي موقع اسمه الثقافة العماليه في شي اسمه المستشار العمالي ترفع له مشكلتك
انا عرفت عن الموقع اليوم ما عندي تجربة معه لكنه موقع رسمي وهو يفيدك
انا اليوم رسلت لهم بستنا النتيجة خلال ثلاث ايام عمل عن طريق الايميل
حسب مافهمت ان الشركة (طبعا بمجالها مقاولات) متعاقدة من جامعة حكومية للاشراف على مشاريع المدينة الجامعية
وبالعقد لازم يتم ذكر طبيعة عمل الشركة وعدد الموظفين وعملهم وكم رواتبهم والجامعة هي من يحدد رواتب الموظفين
مثلا العقد ينص على ان يكون فيه مهندس ميكانيكا براتب ٣٠الف طبعا هذا بين الجامعة والشركة
طيب الشركة تبغى تكسب فلوس وبنفس الوقت تبغى تقدم الخدمة للعميل (الي هو الجامعة) وش تعمل؟
تتعاقد مع مهندس وماتعطيه راتب٣٠الف تعطيه مثلا١٢الف والباقي ربح للشركة
وبالنسبة للموظف (المهندس او ايا كان) اصلا هو يبحث عن عمل مايهمه عمل مع الشركة او بعقد مباشر مع الجامعة لانه بكلا الحالتين
يقدم خدمة للجامعة
طيب ليه ماتتعاقد الجامعة معه مباشر بدل ما الجامعة تتعاقد مع شركة والشركة تتعاقد معه وهو يشتغل للجامعة(وين اذنك ياجحا)؟
هذا بسبب النظام الغبي الموجود عندنا
وهذا من اسباب انهيار شركات المقاولات لان دخلها حكومي بحت لما الحكومة ما عطتهم مستخلصاتهم اكلو تراب
وانشاءالله الى مزيد من الانهيار لانهم انتهازيين استغلو هذا النظام وارباحهم تجي من ظهور موظفينهم المساكين
