السلام عليكم ورحمة الله …
جاني عرض من أرامكو (( Toolpusher Rotary Drilling )) طبعا العمل راح يكون
(( Remote Area )) مناطق نائية وراح يكون( 14 يوم في الفيلد مقابل 7 أيام أوف )
ولكن دائرتي الرئيسية راح تكون في( العضيلية )
حاليا أنا موظف بشركة بالظهران وقريب من أهلي…
لمن لديه خبرة… هل أقدم إستقالتي من شركتي و أقبل بعرض أرامكو فأنا في حيرة من أمري؟
انا مو موظف في ارامكو بس تعتمد عليك انت هل تقدر تتحمل العمل في منطقة نائية لمدة اسبوعين او لا والبعد عن اهلك لانه في ناس ماتقدر تكمل
وغير كذا تعتمد على فرق الراتب بين الشركتين
وبالتوفيق
الله يوفقك ويكتب لك الخير إن شاء الله . عموما اتوقع راح تكون المقارنه من ناحية الراتب لصالح ارامكو ، تقريبا في الدرلينق الراتب مع البدلات +٢٠ الف شهريا( اذا شغلك في الرق). لكن الموضوع يعتمد عليك بعضهم يشوف قربه من اهله وجلسته كل يوم معهم تسوى الراتب والبعض يشوف انه ممتاز له ان يكون نفسه من البدايه بشكل اسرع ( مش معناها انك عاق ههههههه ) خصوصا انك في فترة ال ١٤ يوم ماراح تدفع شي تقريبا الاكل و المواصلات والسكن والانترنت والتسليه كله ع ارامكو . وتراها في وجهة نظري ممتازه لان التطوير في هالمجال في ارامكو قوي جداً ومهتمين فيهم. وحاول تفكر على المدى البعيد لا تففكر في المدى القريب في مقارنتك بين الشركتين واذا بغيت اي شي انا حاضر وبالتوفيق إن شاء الله
وعليكم السلام ورحمة الله
حياك الله ياذيبان ماقلت لنا ايش هي المنطقة النائية اللي جاك العرض فيها + تقدر تتحمل شغل ١٢ ساعة باليوم؟
الله يعطيك العافية أخ ( IBRA )
والله معك حق …بس المشكلة هي في التحويل بعد فترة من الزمن …هل بإستطاعتي أنقل ليصبح عملي مكتبي وبعد كم سنة أنقل ؟؟
لأن مو معقولة طول عمري دوامي بالطريقة هذه …اسبوعين مقابل اسبوع !!
الله يبقيك ويسلمك أخ AHMED_SH
المنطقة النائية مابلغوني وش هي ؟
راح أكون تبع دائرة العضيلية ( Gas Drilling & Workover ) وهم من خلالهم يرسلوني للمناطق النائية اللي تبع هذه الدائرة .
أما من ناحية العمل 12 ساعة …بما أني بأكون بالمنطقة النائية ولا عندي رجعة للبيت …فأكيد العمل 12 ساعة ما بيفرق معي إن شاءالله
الله يعطيك العافية أخ خريج بترولي 2
معاك حق …فرق الراتب عن أرامكو حوالي 100% إذا ماعلمنا أن المنطقة النائية رواتبهم مقاربه للدبل !
فمن ناحية مالية مافي أي مقارنة …مشكلتي هي كيفية التحويل من تول بوشر ل Drilling Engineer ليصبح عملي مكتبي …وبعد كم سنة راح يصير هالشيء ؟
هالموضوع ممكن يفيدك + تواصل مع صاحب الموضوع
تجربتي بالعمل في الرقوق My Rig Work Experience
بالتوفيق
الله يعطيك العافية أخ شدعوه
شاكر ومقدر …
دوام ارامكو في الرقوق كم يكون في العاده … اسبوعين شغل واسبوع اجازه ؟؟
ما مدى صعوبة التحويل او السواب من منطقه نائية الى الاماكن الغير نائية ؟هل هناك صعوبه كم يحتاج انتظر
والله ما عندي علم … لكن نصيحتي لك لا تسال الا ناس مجربين التحويل ويعلمونك البروسيجر بالتفصيل وهل بواسطه ولا لا هههههههههههه . الله يوفقك إن شاء الله
كنت تدريب في منطقة نائية مع ارامكو
وكان فيه مهندس له هناك 12 سنه كنت اسولف وقلت المنطقة النائية حلوه اذا تقعد 3 او اربع سنين ثم تروح للبلد
ضحك وقال المنطقة النائية One ticket only
بمعنى انه صعب جدا
صحيح كلامه ومو بس الرقوق
خبرة اول ثلاث او اربع سنين اذا كانت في مجال واحد خلاص اعتبر نفسك دخلت سجن التخصص الوظيفي وانسى تطلع منه واذا طلعت راح تكون الخسائر كبيرة
غير صحيح هذا الكلام … اذا جلست المنطقة النائية غالبا بعد 3 او 4 سنوات بتحول للبلد ان شاء الله … واغلبهم اصلا هناك اسايمنت بمعنى يعمل لوقت محدود فقط … او تقدر تنقل لشركات اخرى اذا حصلت على خبرة .
اما هذا اللي جلس 12 سنة بريموت اريا الافضل يرتاح اكيد معه الان كاش ماشاء الله … او هو يحب الريموت اريا .
بالتوفيق .
ي اخي ترا كرهنا المنتدى بسببك. لاتتفلسف ولاتتكلم عن شي مالك خبره فيه. كلنا مهندسين بارامكو ولا تكلمنا وانت خارجها وتتلفسف. المفترض ادارة المنتدى تحظر حسابك لان ردودك تقلل من قيمة المنتدى وتبادل الخبرات المبنيه على المعرفه والخبره في المجال الوظيفي
مع احترامي لشخصه الا ان فعلا يعطي معلومات غير دقيقه،بأحد المواضيع ذكر ان التوظيف بارامكو مفتوح ولم يغلق وبالمقابل سمعت معلومة من احد موظفي الشركة ان التوظيف متوقف من بداية الجائحة.
ولا يهمك بترك المنتدى قريب ان شاء الله عشان ترتاح … خير تفعل …
وكأني كتبت شي حرام … 
شكرا على التحطيم
بالتوفيق بس …
عندي شخص اعرفه وحسابه موجود بلكندن توظف قبل اسبوعين في ارامكو مهندس ميكانيكي وغيره اعرفهم توظفوا في وقت الجائحة …
من فين سمعت مقفل من اي موظف هل من مهندس او موادر بشرية … هل تعرف كم موظف HR في ارامكو كثير جدا .
هذا كلام مدير قسم و ذكر ان التوظيف كان متوقف نهائيا وحاليا رجع بالتدريج ولبعض الاقسام.
واللي توظفوا ذولي وقت الجائحة كيف توظفوا بنظرك …
ممكن هو يقصد الفريش …
اعرف كثير انقبلوا وقت الجائحة بس عندهم خبرة …