هل في احد يعرف وين مواقف الزائرين المسموحة ؟ يعني الي ماخذ له ورقه من عند البوابة قبل لايدخل الجامعه خصوصا المواقف القريبة من المباني 59 الساحة الكبيره ومواقف مبنى 5
ولو فيه خريطة توضح المواقف بالتفصيل اكون شاكر له
لان اضريت اجي بسيارة الوالد واخذت ورقة الزائر ووقفت وفجآه بعد ماخلصت الدوام مالقيت سيارتي طلعت مسحوبه
كذلك لو احد يعرف وين الشخص يشتكي اذا شاف انه مظلوم ومالهم حق يسحبون سيارته لاني رحت للمكان حق الحجز الي موجود خلف المبنى الي يعطيك ورقة زائر
وكلمت الموظفين الي تبع شركة مواقف او شي زي كذا الي يسحبون السيارات
… قالي احنا مابيدنا شي بس تدفع نطلع لك السيارة غير كذا مانقدر وقالي لازم اشتكي عند ادارة الجامعة اذا عندي اعتراض وان ادارة الامن مالها علاقة بالسيارات المسحوبه
مالي الا ادارة الجامعة،، لكني ماعرفت مين بالضبط اشكيله.
لذلك اتمنى لو احد عنده معلومه يقدر يفيدني يقولي اروح لمين اكون شاكر له
بعد ماتفضيت لهم اليوم اكتشفت ان شركة مواقف المتعاقدين معها جدا سيئة ومعقدة
وانه لو سحبوا سيارتك او توهم بيسحبونهم وصوروها بجهازهم خلاص كذا انتهى موضوعك سواء كنت غلطان فالموقف او معك حق وراح يجبرونك تدفعها ولا ماراح يطلعونها لك
هذا الشي حصل لي وحصل للمشرف الي كنت اتكلم معه حق الامن وحصل لمشرف ثاني للامن كذلك انسحبت سيارته واضطر يدفع
وتكررت الحالة كثير ،، باختصار اذا انسحبت سيارتك لاتدفع على طول روح مر على مكتب سامي الخياط غرفة 704 الدور السابع مبنى الادارة 21 الي جنب الدوار هو مشرف عام الخدمات الي بالجامعه
واحتمال يقدر يتفاهم مع الشركة لكن في حالتي انا رحت له بعد مادفعت للشركة وطلعتها من الحجز حقهم لذلك يمكن ماكان بيده شي.
طريقة الاجرائات كالتالي:
انسحبت سيارتك لازم تروح لمكتب سامي الخياط بعدها حاول تقنعه واذا اقتنع شوي بيقولك روح لمكتب نائب مشرف عام ادارة الامن عبدالفتاح الجنبي تلقاه في مبنى الامن
ولما تكلمه بيقولك روح مع الامن لمكان الموقف وخليه يشوفه
بعد مايشوفه راح يكلم نائب المشرف ويقوله الي صار
انا في حالتي قالي ان الحق معاك وان الموقف المفروض مسموح
طبعا بعدها راح يقولك ان مابيدنا شي مثل ماقالي
لكن في حال انك مادفعت احتمال يقدر يرجع يكلم سامي الخياط وهو بدوره يكلم الشركه يطلعون سيارتك مع اني ماعتقد هذا ممكن لكن فقط حبيت اوضح لكم الطريقة ولعل وعسى واحد يستفيد
طلع معك الحق ورغم ذالك فلوسك طارت ما ترجع لك ؟!؟!؟!!؟ المفروض اللي سحبوا السيارة يحبون راسك ويعتذرون لك على خطأهم وعلى المرمطة اللي صارت لك ويعوضونك، وين عايشين فيه حنا !!!!!!
الغلط من الامن نفسه ، لان شركة موقف ماتسحب السيارة الا ببلاغ من الامن ، سالفة مانقدر نرجع فلوسك ذي نصبة تنصبها الجامعة علينا
اكيد في العقد بينهم عند بند على ذا الشي ، خصوصا ان الارض ارض الجامعة مب تبع شركة موقف !!!!
حلوة ذي يسحبون سيارتي بغلط منهم واتمرمط يوم كامل عشان احل الموضوع وفي الاخير ما ترجع الفلوس !
إذا الجامعة ما تقدر تضبط الشركة اللي جابتها هنا فالدولة والقانون يقدرون.
اكتب ورقة لمدير الجامعه اذكر فيها بالضبط وراح ترجع لك فلوسك الدكتور خالد السلطان رااح يرجع لك حقك + اكرر لا تتخاطب معاهم باللسان في الغالب هم افضل منك في الرد خل تواصلك معهم ورقي
انا الي صار معي ان وقفت في مواقف غير مسموح بها للزوار وانسحبت السيارة هذي ممكن امشيها لاني ماكنت ادري ومن حقهم ،، لكن الثلاثين هذي بطلعها منهم ان شاء الله
الي مخليني الاحق ورا الموضوع وغابني اني لما جيت بسيارتي الي عليها ستكر في اليوم الي بعده !! ووقفت في مواقف الي مقابل مطعم الجامعة ومبنى 39
راحو سحبوها ويقولون لي ان موقفي غلط ؟؟؟ مع اني صاف صح و مصفط جنبي حول الثلاثين سياره بس عشاني جيت في طرف الصف حق السيارات سحبوها بحجة انه غير مسموح للوقوف لانه مافي خطوط على الازفلت ؟؟ وفوق هذا كله السياره الي جنبي مانسحبت الي تحتها مافي خطوط بعد …مع انه الموقف مافيه اي شيء مهم اسكر عليه ولا مدخل سيارات ولا مدخل معدات ولا اي شي مهم.
عالعموم اتمنى لو في احد من المجلس الي يتقابلون مع مدير الجامعة ياليت يتساعدون معي لاني قريت قبل فترة انهم متابعين للمنتدى بصمت وينقلون المشاكل للادارة والمدير هذا على اعتبار انهم فعلا موجودين ويراقبون الوضع.
ابحث في النت عن طريقة كتابه شكوى وراح تحصل الي يفيدك ولا تسلمها للامن لانهم راح يصرفوك روح ارفع الخطاب للدكتور خالد السلطان او النائب حقه وراح يفتح تحقيق فيها و خلال اسبوع او اسبوعين يجيك الرد باذن الله + اكتب كل شي بالتفصيل من فين انسحبت وليش ووش رد الامن واذا كنت تدري او لا عن النظام … الخ
+ اداره السحب و الامن مصخوها اوقات تكون طالب ساكن داخل الجامعه و موقف في مواقف الطلاب الغير ساكنين وتنسحب سيارتك و المواقف فااااااضيه ماضريت احد لو المواقف فل وسحبتها مافي مشكله لكن اذا تكون فاضيه وش يضركم اذا وقفت فيها
بالنسبة للجزئية الثانية، ترى فيه قرار -أحمق- من إدارة الأمن يمنع وقوف الطلاب الساكنين في مواقف غير الساكنين في جميع الأوقات. لذلك تشوفهم يسحبونها وعادي جدا.
يبي لنا نشوف لهم حل ماينفع كذا افؤض مثلا عندي شغله خارج الجامعه وداخلها لازم اروح مشي اخلص داخل الجامعه وارجع المواقف اخذ السياره قااانووووون غبيي + طيب اذا الي ساكن داخل الجامعه ما يوقف في مواقف الي ساكنين خارج الجامعه المفروض هم مايوقفوا في مواقفنا بعد
وقال لي ممنوع.