انا ان شاء الله عندي مقابله في مستشفى ارامكو جونز هوبكنز
اللي ابي اساله من اللي عنده معلومات كافيه عن المستشفى وهل تنصحوني اروح لهم
انا حاليا موظف حمدلله ومرتاح في عملي
ا
السؤال كيف بيئة العمل والتطوير الوظيفي واهم المميزات عندهم
تامين طبي ووش نوعه
بونص
راتب عيد
بدل جوالا وانترنت
تعليم ابناء على حساب الشركة
خصومات فنادق ونوادي الخ…
وغيرها من المميزات
وهل اعامل مثل موظفين ارامكو والا غير
وهل اقدر ادخل مرافق ارامكو
الوظيفه بتكون في الظهران
عيادة الاسنان
وكيف دوامهم وساعات العمل
انا خبره عمليه اكثر من 10 سنوات ولله الحمد الراتب تتوقعون هل بيعطوني اعلى من راتبي فوق ال 10000 ريال
بالاضافه عندنا كل المميزات اللي ذكرتها فوق ولله الحمد في شركتنا
خريج جامعة تخصص لغة انجليزية
مسمى الوظيفه منسق جداول
Scheduler coordinator
التقديم طبعا مقدم عن طريق موقعهم
والمقابلة واضح انها مع وحده امريكيه بتكون
اللي عنده معلومات يفيدني تكفون عنهم لاني ما حصلت معلومات تفيد استفساراتي
للأسف ما عندي خلفية
بس حاليًأ لا تفكر بهالأشياء تجهز وحضر نفسك
وإذا انقبلت وجاك العرض بذاك الوقت قارن واستفسر من اللي أرسل لك اياه
عن الأشياء اللي تبيها واستخر والله يكتب لك م فيه الخير.
تامين طبي ووش نوعه: طبيعي يعني أنك تتعالج بالمستشفى نفسها
بونص: ما اعرف
راتب عيد: ما اعرف
بدل جوالا وانترنت: غالبا مافي
تعليم ابناء على حساب الشركة: اذا سعودي فأنا أؤكد لك أن هذا شي مستحيل
خصومات فنادق ونوادي الخ…: ما أعرف
وهل اعامل مثل موظفين ارامكو والا غير: المميزات مختلفة عن موظفي أرامكو، جونز هوبكينز تعتبر مؤسسة مستقلة عن أرامكو السعودية
وهل اقدر ادخل مرافق ارامكو: ٩٩٪ ما تقدر
الوظيفه بتكون في الظهران: عندهم المستشفى الرئيسي في الظهران وغالبا التوظيف فيه
عيادة الاسنان: موظفي أرامكو يتعالجوا في مستشفى الأسنان بفلوس وما أدري بخصوص موظفي جونز هوبكينز اذا نفس الشي أو لا
وكيف دوامهم وساعات العمل: ٧-٤ مثل موظفي ارامكو
وعليكم السلام ابشر يالغالي
رحت لهم اليوم المقابله كانت كلها مع سعودين عددهم 4
المقابله بالانجلش كامله
سالوني عن مؤهلاتي وخبراتي وطبيعة الوظيفه اللي مقدم عليها ووش تعرف عن جونز هوبكنز وعلمتهم كل اللي عندي
قالوا لي ما عندك مشكله تنقل للشرقيه وتداوم شفتات وممكن يكون عندنا احتياج في مراكزنا الثانيه غير الظهران تداوم هناك
وبس هذا اللي صار
مدة المقابله تقريبا 25 دقيقه
السلام عليكم احبتي
وصلني اليوم رد بأنهم راح يختارون واحد ثاني للوظيفه ولكن انهم راح يشوفون لي وظيفه ثانيه تناسب مؤهلاتي وخبرتي بحكم ان وظيفتي موارد بشريه وشؤون موظفين
والوظيفه اللي قابلت عليها كانت تخص تنظيم الجداول والمواعيد وتنسيق عمليات المرضى
واتوقع ايضاً سبب ثاني الراتب لان راتبي حالياً 15000 تقريباً والوظيفه راتبها اقل حسب ما عرفت وعرفت معدل رواتبهم قالوا خلونا نصرفه هههههههههه
عسى ربي يوفقك ياللي بتكون من نصيبه
ولله الحمد مرتاح بوظيفتي والله وعسى ربي يوفق الجميع
حبيت انقل لكم تجربتي معاهم لمن يهمه الأمر وللفائده