السلام عليكم
انا مهندس كيميائي تخرج في شهر مايو ٢٠١٦ من امريكا… قدمت ع ارمكو 2016-Feb 29
سويت Assessment test في شهر June 6-2016
فيOct,23th سويت Verification test والي الان ماجاني رد بخصوص مقابلة. نهاية الشهر الجاي واتم سنة من قدمت.
قبل اسبوعين رحت قسم التوظيف ف الرياض وقال لي الموظف انت سويت كل شي ولازم تنتظر.
وش الحل ؟ والله طفشت من الانتظار و لا حصلت وظيفة
ماشاء الله خطوة موفقة انك مقدم بدري وقبل التخرج … لكن سؤال أخوي متى سويت المقابلة ؟ وهل نجحت في اختبار الاسسمنت !؟
وعليكم السلام ,
أرامكو إجرائات التوظيف فيها تطول كثير ممكن توصل لأكثر من 6 أشهر ( واحد من موظفي ارامكو قالي لاتفرح بإتصال أرامكو عليك أو الاوفر إلا لمن توقع العقد و تباشر )
فمالك إلا تحاول تتناسى الموضوع وبين فترة وفترة تكلم مركز التوظيف وتحدث بياناتك على الموقع .
حاول تقدم على بقية الشركات و لاتتحطم إذا ماحصلت رد لأن الفرص قليلة هذي الفترة لكن إنت سو الي عليك و حاول تحدث بياناتك بشكل مستمر + تتأكد من الـ cv و تعدل عليه وإن شاء الله راح تحصل الوظيفة الي تتمناها
+
هالموضوع ممكن يفيدك
نصائح لكل باحث عن عمل … خصوصا حديثي التخرج.
بالتوفيق
شباب هل اختبار الاسسمنت فيه نجاح ورسوب ؟ او هو اختبار شكلي فقط؟
نتيجة الاختبار Verified يعني درجتي طابقت الاختبار الي سويته ف البيت
1 Like
التوظيف في ارامكو يعتمد على عوامل كثيرة جداً بعضها معروف وكثير منها غير معروف
وصدق الاخ اللي قال لاتفرح الا لما توقع العقد وتباشر
Verified لايعني انك عديت الاختبار
انا قالولي Verified ولكن لم يتم قبولي لاني ماعديت الاختبار من الرغم انهم عادو لي قسم النيوميريكال لكن برضه شكلي ماعديته وبمعرفه شخصيه من شخص اوضح لي ذلك " انت ياصالح ماعديت الاختبار" وشالو اسمي اظن لمده سنه او سنتين
فالاختبار فيه رسوب ونجاح واللي يقولكم بس روتيني غلطان
استعدو لهالاختبار كثير مو مثلي سمعت كلام الغير انه شي روتيني واكلت هوا لكن الحمدلله ع كل حال
4 Likes
ياخي كلامك مو منطقي… اذا الواحد مانجح في الاختبار ليش يتوصلون معه عشان يسوي اختبار verification test.
للتوضيح:
المقابلة والاختبار الونلاين والاختبار حق ال verification وال kyc هذه كلها اجراءات روتينية، نجاحك فيها لا يعني أنك مقبول ولا يعني أنك ممكن تنقبل. النظام أنه الادارات تطلب من مكتب التوظيف شخص بمؤهلات معينة ومكتب التوظيف يرسل اوراق المطابقين للادارة هذه، فاذا الادارة ما اقتنعت في اوراقك ما بتجيك الوظيفة.
1 Like
للنصحيح ال KYC ما يرسلونه لك الا اذا ملفك راح ادارة و underprocess لانو ارامكو يدفعون عليه فلوس …طبعا حتى الاسسمنت اكزام يدفعون عليه بس ماهو مبلغ كبير عادة ٣٠ دولار ع الاختبار بس مهم للشركة انو تفلتر المتقدمين وتعطي احسن ناس فرصة تكملة الاجرائات … مثل ما قال الاخ
Eng.Salih224 فيه رسوب بالاختبار وهو اذا جبت اقل من ٣٠٪ وهذا الشركة ما تقبلك الا ب waiver ويعملها عادة الفي بي ،،، طبعا درجة القبول تعتمد على الادارات …فيه اداراة ما تقبل الا ٥٠٪ وفوق وفي اداراة فوق ٣٠ فيعتمد ع الاداراة … بس عادة اذا طلبتك ادارة معينة لمقابلة فهم يكونون ع علم بدرجتك ويكونوا قابلينها. بس بالنسبة لمقابلات يوم المهنة او الماس انترفيو فما تعتمد ع هالشي… يقوموا بترشيحك بعد المقابلة وبعدين يشيكون ع درجتك او اذا انت ما اختبرت يرسلون لك الاختبار واذا جبت فوق المطلوب منهم رح يكملوا اجرائاتك بس اذا ما جبت المطلوب يرسلون لك عدم قبول او ما يرسلون لك وما تدري وتنتظر وما يجيك اي شي منهم… بس اعيد واكرر اذا ادارة تبغاك رح تجيبك بال Waiver وهذا نادرا ما يحصل
2 Likes