السلام عليكم ورحمة الله وبركاته
اتمنى تكونوا بأفضل حال يا اخواني طلاب وخريجين البترول
اخوكم / عبدالجواد حبيب
طالب بكلية ينبع الصناعية - بكالوريوس هندسة ميكانيكية ( آخر ترمين بمشيئة الله )
اول موضوع لي في المنتدى الكريم وللامانة استفدت كثير منكم فوق ما تتخيلوا من زمان ادخل منتداكم الكريم واقرأ مختلف التجارب والمواضيع اللي لها اثر وفايدة عظيمين بداخلي و سجلت الان بداعي الاستفسار واتمنى مساعدتكم
انا فلسطيني بوثيقة مصرية و امي سعودية معي بطاقة ابن مواطنة
انا من عاشقين الoil field ودايما اقرأ عنه ومتيم به ومستعد اشتغل تحت كل سماء وفوق كل ارض ماعندي مشكلة لكني بحاجة لاجابات على بعض الاستفسارات
هل اذا توظّفت في كبرى شركات الخدمات البترولية ( شلمبرجير - هاليبيرتون - شيف****رون … الخ )
1- بتكون مميزاتي نفس مميزات المواطن السعودي؟ ( الراتب ونحوه ) واذا مو نفسه كم بكون الفرق عن السعودي؟ علما بأني اشتغلت سنة واحدة في توكيلات الجزيرة ( فورد ) وحطوني على سلم السعوديين نفس الرواتب والمميزات وكل شي بس قلت اكيد يفرق اذا شركة كبيرة ومعروفة عالميا
2- بحكم اني ان شاء الله راح اتخرج من كلية ينبع الصناعية , هل شهادتي معترف بها في الشركات المذكورة اعلاه ؟ ويحطوني على مرتبة مهندس ام على مرتبة فني ام مساعد مهندس؟
3- ايش رايكم بين ال4 شركات ايت افضل ( شلمبرجير - شيفرون - هاليبيرتون - ويذرفورد ) كإدارة و راتب ومستقبل واعد وتطوير على الصعيد الشخصي والمهني بشكل عام ؟
ارجو ممن لديه العلم الاكيد او من يعرف احد مثل وضعي يتكرّم ويدلّني و يفيدني عشان اكون على علم تام بالشي اللي راح اقدم عليه واتفادى اي مفاجآت مستقبلية
شكرا لكم ويعطيكم العافية
لكم خالص حبي وشكري وتقديري يا اخوان
في إحدى الشركات اللي توظفت فيها سابقاً …
كان معنا مهندس خريج من كلية ينبع الصناعية …
و لا أبالغ إن قلت أنه في مستوى مهندسي البترول و أحياناً يتفوق عليهم …
حسب ما سمعت منه إن الكورسات اللي ياخذونها هناك مأخوذة من البترول و فيها زيادة شوي تكنيكال …
بخصوص شلمبرجير : اي معترف فيها و في فترة التدريب كنت مع مهندس من الجبيل الصناعية
سبق واشتغل في شلمبرجير لكن مثل الأغلب حتى من خريجي البترول
اشتغل فيها field engineer trainee في بدايته .
الي اعرفه خريجي الدبلوم يبتدوا في الشركة كـ Field Specialist Trainee
ومثل ماقال خالد , صحيح فيه إنطباع إن خريجي البترول هم الأفضل في السعودية لكن في نفس الوقت فيه شباب من جامعات ثانية وكليات خاصة الجبيل وينبع الصناعية + الجامعية ماشاء الله مستواهم ممتاز فخلك واثق من نفسك من هذي الناحية .
يعطيك العافية اخوي المتنبي افدتني كثير شكرا لك
وبالنسبة لجماعتي ههههههههه الصراحة ضجكتني
بس بقلك شي : والله يابن الحلال اني اناواخواني وامي وابوي من مواليد السعودية وعشنا وتربينا فيها فبالتالي استنسخنا عادات السعوديين وتقاليدهم وكل مايخصهم وكذلك ولاءهم لوطنهم !
وتعتبر بلدنا ولكن ماصرلنا نصيب بالجنسية للاسف ( انقهر اذا احد نعتني بالاجنبي او وافد وانا مولود في بلاد الحرمين!)
افتخر كون اصولي فلسطينية محد ينكر اصله ولكن هذا ايضا لايمنع ولائي للبلد اللي ولدت واكلت وعشت فيها
بس فلسطينيين بالاسم حتى فلسطين للاسف ماعمري شفتها ولا زرتها وحتى لا اعرف اتكلم لهجتهم
عموما كلنا اخوان ونرجع لآدم و آدم من تراب
ما بخرج عن اطار الموضوع وماعليك لامسكت منصب بالمستفبل ان شاءالله اول ناس بظبطهم اخوانا السعوديين هههههه
يعطيك العافية ماقصرت معلوماتك قيمة