قدمت على برنامج وظيفتك-بعثتك في فتره التسجيل الماضيه لدراسة الماجستير وكنت موافي جميع الشروط وطلعت لي ثلاث وزارات
المهم انه تم تدقيق طلبي
السؤال الان وش يعني تم تدقيق الطلب ؟ هل هو قبول مبدئي؟
وبعدين انا موظف الان وسمعت انهم يبون ناس اساميهم ماتكون بالتقاعد او التأمينات
والشيء الاخر انا خريج امريكا ولا عمري اختبرت اختبار القدرات للجامعيين واكتشفت انه مطلوب للابتعاث للدراسات العليا
وشلون اختبره اتوقع الورقي راح علي وفيه شي اسمه محوسب ولا ادري وش وضعه
كلامهم فاضي بخصوص ان المتقدم لازم مايشغل وظيفة ماعليك منه انسى موضوعهم وخلك في وظيفتك الى ما يكون موعد اقلاع رحلتك بكرة
,قدم استقاله وافضل خل الشركة تقيلك اذا تمون عليها
كانت المرحلة الي قبل في تاريخ 10 رمضان 1436 والى الحين فيه ناس ماخلصت
الوزارة ضيعتنا حسبي الله عليهم
بالنسبة لموضوعك تم تدقيق الطلب اجراءاتهم غريبة ومعقدة الله يكون بعونك لان اكثر من جهة تدقق وانت اذا قريب من
الوزارة التعليم او جهة الابتعاث تواصل معهم مباشرة اقتحم مكاتبهم وشوف من المسوول وتواصل معه لان تليفونات وايميلات
مايردون كثير خاصة التعليم الدولة دافعة لهم تلفونات على الفاضي انشب لهم حتى لو رفضوك لانهم يرفضون لاسباب غبية وحدة
رفضوها لانها قدمت على تخصص ماشترطوا عند التسجيل انه مقتصر للرجال وتحطمت المسكينة وبس تواصلت مع جهة الابتعاث
وغيروا لها التخصص وتيسرت امورها
والوزير الله لايوفقه يتعمد يستفز المتقدمين بعد ما علقهم سنة بدون يعرفون هم مقبولين او لا طلع وقال حنا خططنا نعلقهم سنة
والله العظيم كانت حالتنا احباط انا طقشت من كثر مايسالوني الناس عن البعث كل ما اقابلهم “وش صار معك بالبعثه ؟” الي مابتد
تصير معاير “واحد يقول سحبو عليك” والنفسية ماش وسحبت وطلع اعلان قبولي 14 10 1437 وحلفت اني ما اقول لاحد
ما علمت اهلي الا قبل يومين من الرحلة والحمدلله انا في بلد الابتعاث من اكثر من شهر
معليش طلعت عن الموضوع بس اعلمك الحاله كيف كانت
المهم انت تابع معهم واهم شي لا تستقيل الا اذا ضمنت البعثة واذا قدرت تخليهم يقيلونك لاسباب عادية انتهاء عقد او انتهاء نشاط يطلع لك ساند يمكن يجي
60% من الراتب ل3شهور بعدين 50% ل9شهور وفيه شرط ينقطع عنك ساند اذا مضي 60 بخروجك عن المملكة
(انا الى الان ما مضى عن خروجي عن المملكة 60 يوم بس انشاءالله ماتنقطع)
غير ان الشركة ملتزمة ان تدفع لك نهايه خدمة 50% راتب شهر الا اذا اقالوك بناء على طلبك ممكن يقولون ماراح ندفع لك
تم تدقيق طلبك , يعني ان اوراقك اللي قدمتها تمام وما عليها ملاحظات , لكن هذا ما يعتبر قبول
القبول المبدئي لما تتغير حالتك الى الذهاب للمقابلة مع الجهة الوظيفية
بالنسبة للاختبار ما عندي خلفيه عنه لكن حاول تشوف في موقع مبتعث , وممكن تتواصل مع حساب وكالة البعثات في تويتر , او موقع تواصل للدعم الفني وغيره
مافي فرق بين الورقي والمحوسب الفرق فقط انه هاذا على ورق (مره او مرتين بالنسة) والثاني على الحاسب (طول السنة) .
الاختبار مطلوب على الجميع بكالوريوس ودراسات عليا المصدر حساب وكالة الابتعاث انا سائلهم .
إذا تبغى تكون في السليم ومحقق الشروط روح اختبر قدرات جامعيين في أقرب فرصة محوسب… سهل ادخل موقع قياس حدد وقت ومكان الاختبار ادفع الرسوم وروح اختبر… حتحصل موعد قريب في حدود 3 إلى 8 أيام إن شاء الله…
بالنسبة للاستقالة… حساب وكالة البعثات الرسمي في تويتر قال عادي تكون موظف قطاع خاص ومو مطلوب منك تستقيل ألين يتم ترشيحك بشكل نهائي من شركة/جهة الابتعاث وما يبقى لك غير اصدار قرار ابتعاث من الحكومة… حسب اطلاعي على الناس اللي قدمت مع التحلية العام الماضي وتم ابتعاثهم انهم وقعوا “اتفاقية” وليست عقد … بمعنى ما حيسجلوك في تأمينات ولا شي وبكذا ما يحتاج تفصل حتى بعد توقيع الاتفاقية إلا إذا شرطت عليك جهة الابتعاث بشكل شخصي وغالبا حتكون معتمد نهائيا للبعثة وقتها…
أنا نفس الشي صار معي في جدة… فحجزت في مكة واختبرت… إذا إنك في الغربية شوف مكة,جدة, الطايف,المدينة …المكان الأقرب لك … إذا في الشرقية … شوف الأحساء …
إذا البعثة خيار مهم بالنسبة لك فترى اختبار الجامعيين مطلوب للمفاضلة في أغلب برامج الماجستير في الجامعات السعودية وأعتقد “رأي شخصي” الشركات راح تستخدمه في المفاضلة للابتعاث ولعل الشباب اللي قدموا العام الماضي يفيدوك أكثر
