السلام عليكم،
من عنوان الموضوع أنا جاني اتصال من مدينة الملك عبدالله للطاقة الذرية و المتجددة الاسبوع الماضي لتحديد موعد مقابلة شخصية يوم الأحد و صراحة بحثت عن مواضيع متعلقة بالمدينة و ما لقيت معلومات كافية أبداً من ناحية المقابلات و هل أول مقابلة هي HR interview أو HR + Technical interview بنفس الوقت ؟ و صراحة من اتصال الموظف كأنه مستعجل و ما يعطي مجال للأسئلة ، مع العلم إني خريج هندسة كيميائية من جامعة سعودية مو من جامعة البترول 
و الله يعطيكم العافية جميعاً.
ما ألومك انك مالقيت معلومات عنهم لأن ماحد يدري وش شغلهم وأيش انتجوا من تأسيس المدينة
قبل فترة مجلس الشورى قدم تساؤول للمدينة بأن ماحد يدري وش جالسين يسوون ومن تأسيس المدينة من 7 سنوات انتاجهم صفر
الصراحة أمرهم غريب ، شغل المدينة حسب ما قريت في موقعهم إنها تنوي بناء مدينة للطاقة في منطقة قصور ال مقبل في الرياض، بس تاريخ متى المفروض ؟ هل في شيء على ارض الواقع إلى الحين ؟ أو بس شغل أبحاث إلى تاريخ اليوم ؟! لكن الله يكتب اللي فيه الخير.
شكرًا لك
انا موظف في الجبيل واتصلوا علي يبون يحددون موعد للمقابلة في الرياض. سالتهم عن القسم او البرنامج وهل فيه التعاث عندهم لكن ما جاوبوني على اسئلتي.
انا صعب اروح المقابلة ومالي الا اسابيع في وظيفتي الحالية. قلتلهم بتواصل معكم الاسبوع القادم ومدري ايش اسوي.
شكله نفس الموظف اللي كلمني اسمه عبدالله هههههههههه ، ما جاوبني حتى نوع المقابلة.
مستقبل المدينة غامض بعد سحب صلاحيات بناء المفاعلات و الطاقه المتجددة منهم و تسليمها لوزارة الطاقة
كلام مهندس كهربائي معهم من يوم افتتحوا المدينة
إذا كذا أجل وش شغلهم 
، ممكن يضمون الموظفين لوزارة الطاقة !
مسارك متيريال ؟
اذا لا ,لا تعب عمرك هم يبغوا متريال
ممكن تقولي كيف قدمت
و لاهنت ارسلي رقم عبدالله او رقم مبارك السعيد
مسارك متيريال ؟
اذا لا ,لا تعب عمرك هم يبغوا متريال
ممكن تقولي كيف قدمت
و لاهنت ارسلي رقم عبدالله او رقم مبارك السعيد
ايه ماتيريالز، التقديم سويت في موقعهم build in للسي ڤي، الرقم هذا 011 808 5312
متى موعد المقابله الاحد اليوم ولا الاسبوع الجاي.دق علي الخميس لكن ماكان واضح وقالي الاحد الجاي اللي هو بعد اسبوع من اليوم.
قالا
مرحبا…
أنا جاني اتصال الخميس الماضي وقال لي عندك المقابلة الخميس الجاي مع مدينة الملك عبدالله للطاقة…
حاولت أسأله عن أي معلومات ما فادني بشيء. فقط قال لي أحضر معك السيرة + السجل الأكاديمي.
قلت له أرسل إيميل تأكيد للموعد قال صعبة ما أقدر.
أتمنى من الي بيسوون المقابلات أو سووا اليوم يفيدوننا ونكون لهم شاكرين ومقدرين
والله يوفق الجميع ويغنيهم من فضله
اللهم آمين الله يرزق الجميع من واسع فضله.
السلام عليكم اخوي، انا مقابلتي بكره 20 مارس مع KACARE
حبيت اسالك عن المقابلة وش طبيعتها وش الاسئلة هل هم جادين في التوظيف وكيف تنصحني احضر لها علما ان تخصصي كميكال من البترول، طبعا تخصصي مسار عام و ليس دة سارات مثل بعض الجامعات السعودية الاخرى
اسف ع الاطالة وياليت تستعجل في الرد
يعطيك العافية مقدما
و
عليكم السلام و رحمه الله، بالنسبة للمقابلة كانت عادية جداً و سلسة، بداية عرف عن نفسك بالانقلش و في نص الكلام حول بالعربي، أسئلة سطحية عن التدريب و بما إني تدربت في ارامكو سأل كم سؤال عن القسم، المقابلة مهندس من سابك طبعاً و مدة المقابلة تقريباً 25 دقيقة بالنسبة لي، قال لي البروسس عندنا طويل عشان background investigation ، لما سألته هل فيه انترڤيو ثانية ؟ قال الإخوان في الاتش ار راح يتواصلون معك و ممكن يكون مع رئيس القسم.
بالنسبة لي سويت المقابلة مع شخصين لمدة ٢٥ دقيقة
سألني فيها:
تحدث عن نفسك
التدريب الصيفي
مشروع التخرج
قالوا لي بالاخير البروسس طويل ثم خلوني انتظر وقابلت رئيس القسم سألني:
التدريب الصيفي
دكاتره درسوك ويعرفونك؟