تقدر ترد ولكن حاول انك تنتقي كلماتك والفاظك بحذر اخي الكريم في حدود احترام نفسك واحترام المتابعين, واللباقه في الكلام لها دور انها تجيب لك وظيفه, ولا تخليك عاطل لو انك متخرج من المريخ
شكرا لمرورك
3 Likes
تقدر ترد ولكن حاول انك تنتقي كلماتك والفاظك بحذر اخي الكريم في حدود احترام نفسك واحترام المتابعين, واللباقه في الكلام لها دور انها تجيب لك وظيفه, ولا تخليك عاطل لو انك متخرج من المريخ
شكرا لمرورك
ولو فرضنا ان الكلام صحيح, الا انه ماهو عذر انك تتراجع عن المنافسه وتحبط نفسك
والي معه شهاده من جامعه ومعه معدل وشد حيله, ما راح يضيع تعبه وبيحصل شي
حتى لو كان قليل بالبدايه, الا اني اضمن لك بعد الله سبحانه انه يلقا شي يعوضه بالاخير
والي يقول لك انا كرفت وشديت حيلي وما لقيت شي, هذا كـــذاب
ولكن مشكلتنا شعب شكاي, ما نرضا باي وظيفه, ولا نتوظف اي شي في البدايه نمشي حالنا فيه, نبغا كل شي جاهز مجهز
شكرا لمرورك
وش تخصصك ؟ وش اسم الجامعه ؟ وش شكل الريزومي حقك؟
ولا تهون, ابغا دليل ان معدلك فوق ٣.٨ وانك مقدم على ٢٠٠ شركه, و٣.٨ من ٤ او ٥
اذا اثبت لي الي فوق, انا اتعهد امام الله وامام الناس انك تلقا وظيفه وانا بساعدك وبكون معك شخصيا, واوعدك بهذا الشي
1 Like
الي تــــــعـــــب راح يلقا مهما كانت الظروف, هذي المعادله ببساطه وانا اخوك
تحياتي لك
افضل احتفظ بخصوصيتي وامتنع عن الاجابة، ما راح اجي المنتدى واكذب على خلق الله، يعطيك العافية عموما على عرضك.
1 Like
انت بتتخرج قريب وبتشوف الوضع بنفسك 
1 Like
طيب نبي اسم الجامعة عشان مانطيح بنفس الخطأ
2 Likes
كنت متفق معك بالبداية بس عندي كم ملاحظة على اللي قلته بعدين
أولًا… أطلعت على الغيب عشان تقول أنه كذاب؟
ثاني شي يا عزيزي التعميم غلط في قولك “مشكلتنا شعب”
ثالث شغلة الواحد إذا طالب بحقوقه صار اسمه “شكاي” ! يا إلاهي ! أتمنى تعيد التفكير فيها مرة آخرى !
و أخيرًا من قالك إننا نبي كل شي جاهز ؟! هل سألت جميع الخريجين ؟! <----- سبق و قلت هذا الكلام بالصفحة السابقة
تحياتي
6 Likes
انا والله ماحتقرت في حياتي احد اكثر من السعودي اللي يدافع عن الاجانب في بلادي
مو كافي إن عدد المهندسين السعوديين الموظفين مايتعدى 20% ؟ مو كافي كمية الشهادات المزوره من الاجانب؟
مو كافي ان عدد المهندسين المصاريه الموظفين في السعودية اكثر من السعوديين؟
مو كافي كل يوم اشوف مهندس سعودي عاطل؟
على فكره انا الحمدلله ابتعاث داخلي من ارامكو والوظفيه مضمونه لكن والله ما أنسى عيال بلدي
http://okaz.com.sa/new/issues/20151125/Images/a10.jpg
https://encrypted-tbn0.gstatic.com/images?q=tbn:ANd9GcSMNS7TPi40KJEsLC2uvfcs3rPlVVrOmiTPALrtuwmPCpPpT4bo_Q
6 Likes
وانا مثلك احتقر كل شخص يفضل الاجنبي على ابن بلده, كلامي وموضوعي كان في سكوب معين وكان تشجيع لا تحطيم ولا جبت سيره الاجانب ولا دافعت عنهم
ارجع اقرا مره ومرتين وثلاث عشان تاكد بنفسك
واحتقر كل من يجي مدرعم يسوي محامي ويحامي على قضيه ما قراها وما فتح ملفها, لا تتسرع في حكمك اخي الكريم لين تفهم السالفه وتفهم موضوعي زين جزاك الله خير وحتى ردودي
شكرا لمرورك
3 Likes
مين قال أني تراجعت عن المنافسة و حبطت نفسي
لا أنا أشتغل و أداوم حالي حال أي واحد من المهندسيين اللي في الشركة و أبشرك متميز بين الهنود و المصاروه
أتفق وياك هنا بس مو لما يكون
اللي جنبي هندي و متخرج من نفس جامعتنا “العريقه” بنفس التخصص و اشتغل معاي في نفس الفترة براتب أعلى مني (مع كامل أحترامي له)
و أنت وغيرك قاعد في البيت عاطل و تقول لي “تفائل و أجتهد”
سلامات؟؟!
أنا الحمد لله دبرت حالي بس باقي خلق الله يظلو عاطليين في بلدهم ويسكتو!!
أمرك غريب
عموماً الله يوفقك و تواجه الحقيقة و تجي لهنا تعيد صياغة كلامك
2 Likes
ارجع وأعيد وأكرر، ارجع واقرا موضوعي زين وافهم كلامي زين، اذا انت متفوق في عملك فحاول انك تفوق في انك تفهم محتوى المكتوب، ماني قاعد أدافع عن الاجانب، والله اذا فيه واحد أمره غريب فهو انت والمدرعمين الي معك.
والله مهما كنت مسوي ملكع في ردّك الا انك منت فاهم الطبخة ولا الموضوع الي انا كاتبه، جاي من الدوام مهموم من الأجانب و قاعد ترد هنا وهناك اجانب واجانب، ياخي موضوعي ماهو اجانب. واذا هم مزعلينك رح قابلهم وقلهم الكلام بوجههم ولا رح لمديرك ولا وزارة العمل وتفاهم معهم.
والله يرزقكم ويرزقنا وياكم ويسهل أمور الجميع
3 Likes
عموماً الله يوفقك و تواجه الحقيقة و تجي لهنا تعيد صياغة كلامك
[/quote]
فال الله أطيب من فالك، والله أكرم من كلامك ذا
راي يامهندس ميكيانيكي طموح
سابك ارامكو و كثير من الجهات الحكومية و المقاولين عندها ، عندهم اجانب مستوطنين المواطن أولى بها خصوصا اذا ما علمنا أنه شغلته لا تستحق و يمكن استبداله بمواطن منا وفينا
اجل بالجهه اللي تدربت فيها يعمل باكستاني اكثر من 18 سنه شغلته يقيس الPH ,TDS, BOD stc اللهم لا حسد بمرتب عالي
مافيه واحد منا وفينا يقدر على الشغله ذي ؟؟
العقود التشغيلة لكثير من المحطات و المقرات تبع الدولة ما فيها نسب من التوطين ؟؟ مع العلم انها بأرقام فلكية
اذا بتحط نسب للتوطين يكون المرتب و المتابعة عن طريق الشركة الام او الجهه الام مو للمقاول وقلل من قيمة العقد ، للاسف رواتب تتأخر و يحسبون غيابات من كيفهم خصوصات مدري من وين طلعت ؟؟
ياشيخ رووووووووووح الله يتسر عليك .
أكون مع شركة ماسكة مشروع للدولة بأكثر من مليار ريال و يقولي “الهندي المديرللشركة” راتبك 3500 ريال !! دارس 5 سنين ياهوه !! وتعطيني راتب اوبريتر
بالله ايش تسوي ذي اذا انا بغترب عن اهلي ؟؟ قال قال اقبل براتب قليل !!
الله يصلح الأحوال !!
4 Likes
يبدو لي ان صاحب الموضوع ما يعرف السوق السعودي
او انه متأثر من جماعه التخدير الموقره
2 Likes
ههههههههههههههههههههههههههههههههههههههههههههه أغرب موضوع يمر علي من فترة، يوم شفت بداية الموضوع توقعت صاحبه رزين و جلست أقول الله يعينه على الناس الي تبي تجي و تتهمه بخيانة الوطن عشانه ما جلس يلوم كل مصايبنا على العمالة. لكن فجأة طلع من نوعية “حنا شعب شكاي” و “السعودي يحب يتشرط” و كأنك المفروض تحمد ربك أنك لقيت أحد يوظفك و عيب عليك تكون عندك مقاييس و لازم تقبل بأي شيء. غير الناس الي جلسوا يتمنون له يعيش عاطل لأنه اختلف معهم، و غير أنه جلس يعاير بعض الأخوة بأن سبب عطالتهم هو أنهم ما احترموه.
ما علينا.
فعلا من اللي شفته المعدل اهميته قليلة جدا. انا مقدم على حول 200 شركة ومعدلي فوق 3.8 من 4 من جامعة منافسة في تخصصي وللأسف الى الان بدون وظيفة بعد مرور قريب السنة من تخرجي. بالتوفيق جميعا.
أخ تانتون، أنا مش مكذبك مثل صاحب الموضوع، بس شح التفاصيل في كلامك يضايق شوي. خصوصاً بالنسبة لنا كطلاب على وشك تخرج كلامك يهدد المستقبل الي نبيه. أنا كطالب جامعي لو قلت لي ان معدلك 3.8 من 4 بغض النظر عن تخصصك و جامعتك راح أقول لك وظيفتك مضمونة أول ما تستلم وثيقتك -مبروك المعدل و ما شاء لله على فكرة-، فما بالك لما تقولي ان الجامعة قوية و أنك قدمت على 200 شركة و مع ذلك لك سنة عاطل. كل الي سويته بردك هذا أنك خوفتنا من الجاي ولا أعطيتنا أي طريقة نحمي نفسنا. أقدر خصوصيتك بس يا ليت تعطينا تفاصيل أكثر، التخصص على الأقل، مش كلنا مهندسين و مش كلنا عندنا معدلات مرتفعة بهالطريقة.
3 Likes
من اللي ألاحظه من اللي تخرجوا من حولي ومن اللي يعرفونهم من اللي تخرجوا معهم بنفس الدفعة … كلهم تلقوا عروض وظيفية
نعم قد تكون وظيفية براتب ما هو قد الطموح أو يكون في شغلة غير شغلتهم، لكن بالأخير هي عروض وظيفية…
صدق الأخ اللي قال إن اللي يقول له سنة متخرج وما جاه ولا عرض وظيفي … فهو غير صادق!
إذا القصد إنه ما جاه العرض اللي يبيه ممكن صح … أما إنه يقصد ما جاه عرض (مرة وحدة) فهذي مبالغة
“ارضَ بالقليل يأتيك الكثير بإذن الله”
الله يرزقنا وإياكم بالوظيفة اللي ترضي الطموح…
2 Likes
وين تدربت اخوي؟
عجيب أمرك، هل الكم شخص اللي حولك مقياس على وضع جميع المتخرجين؟ انا صراحة مستغرب من كمية التهجم اللي تلقيتها في المنتدى لأني ذكرت حالتي. عشان أوضح الصورة وأدافع عن نفسي انا عملت 3 مقابلات فقط من تخرجت. الأولى لم أتلفى أي رد بعد المقابلة. الثانية كانت من شركة SMP مع أرامكو وقبلت العرض ولكن للأسف انرفضت بعد الـ Background investigation للعلم اني لم يكن علي مبالغ يجب تسديدها أو مشاكل مع الاجار وما شابه (الشركة رفضت تعطي تفاصيل أكثر من اني مرفوض). المقابلة الثالثة عملتها قبل فترة بسيطة والى الان أستنى رد منهم. لم أرفض أي عرض وظيفي جاني وراح أقبل بأي عرض خصوصا وانها أول وظيفة ما راح أتشرط. أنا ذكرت اني عاطل ما قلت ان ما جاني أي عرض وظيفي. أتمنى من الأخوان إحسان الظن بالاخرين وربي يوفقنا جميعا بأحسن الوظايف ان شاء الله.
1 Like