السلام عليكم و رحمة الله و بركاتة
انا طالب من خريجي السنة اللي فاتت و كان باقي لي درجتين عالقبول و لكن مانقبلت، فقررت ادخل المجتمع و الحمدلله طيحت الانجلش و جبت a بالPE بس بالماث جبت d+ كان باقي لي كمن درجة عالc، فااظريت اسحب من الكلية بعدين اكتشفت انه من شروط القبول اني ماكون قد درست في احد الكليات التابعة للجامعة
طبعا انا سحبت من الكلية يعني ماقدر اكمل ترمين و احول و الاهل مارضوا فاكان لازم اسحب، فهل في باقي اي طريقة اقدر انقبل بالجامعة…
حياك الله أخوي
بالنسبة لجامعة البترول فشرطها للطلاب المحولين من كلية المجتمع أقل شي C في الماث وهي تعتبر درجة النجاح في السنة التحضيرية في نفس الجامعة
أي بمعنى انك لو كنت تحضيري فالجامعة وجبت D+ فلازم تعيد الكورس مرة ثانية فالمتوقع عدم وجود فرصة أخرى للقبول فالجامعة
وهذه خيرة من الله وشد حيـــلك والله يوفقك ويكتبلك كل خير سواء هنا أو أي جامعة أخرى تبدع فيها
1 Like
اذا انت فعلا تبي تدخل الجامعة رح استفسر وحاول مره واثنين وثلاثه لا تاخذ لا اجابة حاول انك تسوي كل شي قبل تتخذ اي اجراء اخر
والله يوفقك وييسر امرك ويختار لك مافيه خير.
1 Like
.
كلمتهم بحسابهم لك ماردوا تنصح اروح العمادة و اسئلهم؟
ايه روووح ولا تنتظر ولا تروح لموظف واحد رح لاثنين وثلاثه واربعه ادخل عالعميد لو توصل لمدير الجامعة حاول ورهم انك مصصرر من حق وحقيق وان شاء الله تتوفق
نصيحتي لك ،، اعد اختباري التحصيلي والقدرات وحاول تحسين درجاتك فيها وقدم للجامعة من جديد بعدها خلال فترة التقديم روح لعميد القبول والتسجيل الدكتور سعد الشهراني واشرحله موقفك وان شاء الله ما راح يقصر معاك . استعد من الان واحجز موعد لشهر قدام في الاختبارات المحوسبة لمركز قياس لا تفقد الامل !! بالتوفيق وعقبال ما نشوفك خريج
أضمن طريقة إنك تعيد إختبار القياس والتحصيلي علشان تلتحق بركب جامعة الفهد مثل ماقال الأخعبادي. إذا لم توفق في الإختبارات، هنا روح للعمادة و إدخل على عميد القبول والتسجيل وإشرح وضعك له وإن شاء الله تتيسر أمورك.
هو اللي بسويه الحين بختبر التحصيلي و اذا جبت نسبة كانت تسمح لي اني انقبل مع الدفعة حقتي و تعادل المطلوبة ذي السنة بقدم عالموقع اذا رفض الموقع عشاني درست ترم بالمجتمع بروح اكلم عميد القبول و اشرح له الوضع و ان شاءالله اذا الجامعة فيها خير لي بتتيسر
كفو عليك ،يعجبني الاستنشاب والاصرار ، وبأذن الله تعالى اشووفك ببشت التخرج باش مهندس …
يا هيك الرجال يا بلا:heart: