السلام عليكم ورحمة الله وبركاته …
شباب اسئلة على الطاير : هل هناك فرق في المميزات بين الهيئة الملكية ( ينبع - الجبيل - الرياض )
وكم راتب المهندس في الهيئة ؟ وهل يفرق بين المدن المذكورة بالأعلى؟
وكم المبلغ اللي راح تدفعوا عشان تحصل على بيت مؤقت في الهيئة الملكية ؟
هل المنزل المؤقت بالنسبة للمتزوج والأعزب نفس الشيئ ولا يختلف ؟
وهل راتب الماجستير يفرق عن راتب البكلاريوس ؟
كم مرتبة و درجة المهندس البكلاريوس ؟ ونفس السؤال للماجستير ؟
تحياتي لكم …
راتب المهندس حديث التخرج 9840 + 700 بدل نقل
على المرتبة 8 الدرجة 5
أكيد الراتب يفرق بين البكالوريوس و الماستر لكن ما عندي علم كم راتب الماستر
البيت تاخذه بمبلغ رمزي للمتزوج من 500 الى 800 تقريبا
وللعزاب من 150 الى 300 تقريبا
الراتب ما يفرق بين المدن الثلاثه لان سلم الرواتب واحد للهيئة الملكية
سألت موظف من الهيئة الملكية بينبع بعد الاختبار
عن الراتب والسكن
قال
راتب المهندس المتدرب يبدا ب 9500
مع بدل النقل 700
التدريب لمده سنتين (لكنك موظف رسمي ومكانك مضمون)
السكن حسب حالتك الاجتماعية
وقيمة 200 بالشهر
(بس للامانه ما حدد وش الفئة)
السلام عليكم
طيب الدبلوم كم يكون الراتب و خلال سنتين التدريب راتبك تستلمه كامل مع البدلات ؟
حياكم الله شباب … اشكر لكم مروركم
حابب اعرف اكثر عن - هل هناك فرق بالمميزات بين الرياض ( الفرع الرئيسي ) و الجبيل وينبع؟
يعطيكم العافية
لا أبداً لايوجد فرق وراتب المهندس الفرش يتوظف على المرتبة الثامنة الدرجة الخامسة التوتل كله قبل خصم التأمينات 10540 ريال ، بالنسبة للسكن الرياض ماعندهم شقق لموظفي الهيئة هذا الفرق اما الجبيل وينبع عندهم وفي حالة جاك البيت وانت موظف بالرياض يجيك البيت بالجبيل والمبلغ يختلف العزاب ١٧٠ او ٢٢٠ او ٤٠٠ على حسب اللي انت تختاره و العوائل اما بيت أجاره ٦٠٠ ريال او شقة ١٠٠٠ ريال الشقة مؤثثه طبعاً عكس البيت غير مؤثث ، طبعاً راتب المهندس اذا كان معاها ماستر بال ١١٨٠٠ اذا ماني غلطان وأي سؤال انا حاضر انا مهندس بالهيئة الملكية بالجبيل.
^^^^
أخوي لاهنت حبيت أسألك عن إجرائات التوظيف لاصحاب الخبرات كيف تكون ؟ فيها إختبار أو لا ؟ وكم هو الراتب المتوقع لاصحاب الخبرة من خمس سنوات وفوق ؟
اخوي انت عملة نادره 
لازم امسك واسألك كل الي ببالي
الان كيف كانت اجراءات توظيفك قبل
وكم اخذ معك من يوم قدمت لين وقعت العقد
وهل بديت متدرب؟
كيف بيئة العمل وهل السعوديين هم العدد الغالب
ولا في اجانب كثار مثل كثير من الشركات؟
انا عزابي
هل سكن العزاب محترم
مفصول ولا مشترك مع غيري من العزاب؟
انا عندي مقابله شخصيه بعد بكره بينبع
ابي نصايحك ووش المفروض اعرفه عن الهيىة الملكيه
ادري اسئله كثير مره
بس تحملني
والله اني حريص جدا ع هالفرصه الوظيفيه
لانها بالنسبه لي فرصة العمر
شباب انا بكرة اختباري هل من نصائح تخصيصي أدارة اعمال مسار نظم معلومات أدارية
هل رواتب الأدارية باكلوريس خبره سنتين
مشكور يابشمهندس
ايه نعم اخوي يكون فيه اختبار واذا عديت الاختبار يكون فيه مقابلة ، كل سنة خبرة تعادل درجة إضافية وكل ٤ سنوات خبرة تعادل مرتبة يعني المهندس اذا عنده خبره ٥ سنوات يتوظف براتب فل بكج تقريباً بال 13 الف وكسور راح توظف على المرتبة ال٩ وفيه أيضاً الخبرة ال ٦ شهور تعتبر سنه يحسبونه بدرجة ان شاء الله اكون افدتك وأي استفسار انا حاضر
ابد اسأل وخذ راحتك ، بالنسبة لأجراءات التوظيف اخذت شهرين من وقت المقابلة الى وقت المباشرة ، لا بديت بمسمى مهندس طبعاً ينبع توظف بمسمى متدرب لكن موظف رسمي وكل شيء هذا الفرق بين الجبيل وينبع ، بيئة العمل ممتازة الوضع فرندلي بين الموظفين وفيه نسبة سعوديين لكن بكتل اغلبهم اجانب بس الصراحة تستفيد من خبرتهم لان كلهم سينيور الأجانب ، سكن العزاب كل شخص له شقة و مرتبه الشقق ، الله يوفقك بمقابلتك وويسر لك امورك مقابلتهم سهله ومافيه تعقيد سوالف بس يبون يشوفون شخصيتك خلك واثق من نفسك وأمورك بالسليم اعرف عن الهيئة مين الرئيس التنفيذي ومتى إنشأت و الهيئة مسؤولة عن المدينة كاملة من مدارس وصحة و طرق و مراكز بالمدينة مجمعات ووو ، ومساجد يعني بتاع كلوا والله يكتب لك الخير وويسر لك امورك يارب وبالتوفيق للجميع ان شاء الله
كفيت ووفيت جزاك الله خيرأخوي
أنا تخصصي كيميكال هل طبيعة أغلب الأسئلة عن التخصص اللي درسته أو بيرسونال ؟ هل حتكون بالانجلش او بالعربي
جزاك الله خيروأكرر شكري لك أخي
بالله اللي يسوي المقابلة علمنا كيف كانت
إذا ما عليك أمر حبيت أسألك عن طبيعة عمل الإدارات المختلفة ، الإنشاءات - المشاريع - الهندسية ، وش العمل المسؤولة عنه كل إدارة و مهام المهندس فيها .
السلام عليكم ورحمة الله وبركاته …
كيف الحال يا بش مهندس منور والله يحفظك واشكرك على مرورك .
اخي الكريم انت ذكرت بأن موظفي الهيئة الملكية بالرياض ما يعطونهم سكن , طيب هل هناك بدل سكن عشان الواحد يسكن في الرياض.
وهل التمليك يكون بعدد سنوات معينه ولا حسب ؟
وذا جاك التمليك يكون وين مكانه في الجبيل ولا الرياض … لأن ما فهمت عليك بالأعلى هل تقصد البيت المؤقت ولا بيت تمليك ؟
ابيض وجه
وما قصرت
والله يوفقك وين ما اجهت
امين ووياك وكل من يقرأ ، لا الأغلب بيرسونال مشروع التخرج ووش تعرف عن الهيئة اسألة عاديه ويكون فيه عن التخصص بس اشياء سطحية ممكن ٤ اسأله تكون ، المقابلة عربي ممكن يقول لك تكلم عن مشروع تخرجك بالانجليزي و الاسأله التكنكال بالانجليزي اما باقي الانترفيو عربي وبالتوفيق لك يارب
الهندسية : عملهم مكتبي 100% يعني قليل تشتغل بالموقع ممكن فقط شغلهم بالموقع تشييك على بيوت الهيئة قبل التسليم ، ومهامك تكون بالدرونق او التغيير اللي يصير بالديزين من المقاول او مراجعة اوراق من المقاول.
الانشاءات : عملك راح يكون 90% بالسايت تشرف على عمل المقاول تسوي انسبكشن ، اجتماعات مع المقاول ، مراجعة اوراق من المقاول .
المشاريع: عملهم مكتبي 100% لكن ماعندي خلفيه كامله عن مجال عملهم حقيقه .
ان شاء الله اني قدرت اوضح لك ولو بشكل بسيط عن الإدارات الثلاث
اخوي الفيصل سلمك الله بالرياض مافيه بدل سكن للاسف و موظفين الرياض يتملكون بيوت بالجبيل وماعندهم بيوت او شقق بالرياض ، بالنسبة متى تستلم يكون لك رقم يدرج اسمك تلقائي بتمليك المنازل وتنتظر على حسب فيه ناس تجلس ٣ الى ٤ سنوات غالباً ماتعدى اكثر من كذا والله يوفقك يارب ويسعدك