السلام عليكم.
يا شباب أنا كنت موظف في ارامكو بنظام ITC دخلت عام 2005 واستقلت من ارامكو عام 2011، خبرتي 5 سنوات و 3 شهور والفيلد تبعي كان ميكانيكي في الصيانه. استقلت وطلعت بعثه والحمدلله تخرجت بكالوريوس هندسه ميكانيكيه من امريكا بمعدل 3.2 ورجعت وقدمت على ارامكو والان انا في المراحل الاخيره سويت كل شي (مقابلة، اسسمنت وفيرفكيشن تست، فحص طبي و KYC) وباقي لي بس العرض وتوقيع العقد.
سؤالي هو كم تتوقعون يعطوني عرض؟ هل راح يعاملوني على اني فريش؟ والا راح يحسبون لي سنوات الخبره معهم؟ وهل ممكن يعطوني قريد 12 وإلا راح ادخل على 11؟ واذا عرضوا علي راتب 12020 ريال مثل ماقريت في رواتب الفريش هل ممكن اناقشهم في العرض والا راح يروح علي العرض؟ انا الان لي 6 شهور متخرج وللحين مالقيت وظيفه مع العلم ان معدلي بالجامعه 3.2 من 4 مادري هل هذا يعتبر عند ارامكو ثيرد اونر والا لا!
والله يا اخوان انا في حيره من امري وابي مشورتكم عسى الله يوفقك ويوفقني للخير يارب.
ملاحظه: واحد من الشباب قالي ان ارامكو اذا عرضت عليك العرض ورفضته خلاص مالك فرصه ثانيه، اما اذا ناقشتهم فيه فإحتمال ضعيف يعدلون عرضهم وغالباً راح يقولون لك توكل على الله ويشوفون غيرك. وش رايكم؟؟
آرجوا من اللي عنده كلام أكيد من موظفين ارامكو او يعرف أحد نفس حالتي يعطينا الزبده وشكراً.
انا توني متوضف قبل شهرين وفيه ثنين من الشباب توضفو معي وبنفس وضعك بالظبط
الخبره الي خذيتها تعطيك اولوية في التوضيف فقط لكن راح يوضفونك على قريد ١١ والراتب راح يكون ١١٩٠٠ مثل الشباب الي قلت لك عليهم وراح يعتبرونك كانك فريش وتخش على برنامج ال BDB
وانا اشوف انه افضلك بكثير لانه راح يأهلك للفيلد ك مهندس وانت خبرتك كانت كمشغل
لكن راح تستفيد كثير من خبرتك الماضية
يعطيك العافيه. انا مهيئ نفسي على العرض اللي بيعطونياه اذا كان نفس عرض الفريش. بس قلت اشوف لو فيه احد قدر يطلع منهم بشي يصير نحاول معهم.
مشكور وربي يوفقك.
السلام عليكم Mizzou
انا متدرب ITC اوبريشن
وناوي اخذ خبره سنتين او ثلاث سنين واطلع ادرس هندسة كيميائية في بريطانيا ايش رايك؟
بما انك مريت بنفس التجربة
وهل توظفت انت ولا باقي؟
وكيف كان مستواك بالشركة طبيعي ولا مميز
وايش تنصحني
يعطيك العافية