السلام عليكم ورحمة الله وبركاته
حصلت لي فرصة وأجريت مقابلة عمل مع شركة سابك وخلال المقابلة ابلغوني أن الوظيفة كونتراكت مع شركة جال الدولية
وكلموني بعدها بأسبوع أن تم قبولي ولله الحمد وعديت المقابلة الشخصية بنجاح، على وظيفة مساعد اداري
حبيت اسأل عن هالشركة جال الدولية وهل من الممكن الترسيم مع الايام، اي أحد عنده خبرة بهالشركة يفيدني لا هنتم.
رأيكم يهمني جدا، بارك الله بكم
كل عام وانتم بخير
الترسيم ممكن وليس مستحيل لكن اثبت نفسك لهم
باذن واحد أحد، شاكر ردك أخي الكريم
لكن سؤالي عن هذه الشركة من عمل معها من قبل
كيف قدمت لو سمحت
عن طريق موقع جال الرسمي
معقولة محد اشتغل مع الشركة أو حتى يعرف عنها أي شي!!
جال الدولية توفر موظفين لشركات كبيرة مثل ارامكو سابك صدارة … تحت مسمى SMP (ارامكو كذا) طبعا فيه تفاصيل اكثر ان شاء الله يفيدوك الشباب …
موفق يا غالي
ممكن الموقع لو سمحت؟؟
انت عندك لبس شوي جال فقط اسم يعني تتبعهم كاعقد وراتب ومشاكل ولا الشغل والنظام والاداره فوقك كلها تبع سابك
ابحث عن smp وهذا النظام حق أرامكو مثل ماقال رامي عشان تفهم الفكره وأعتقد سابك برضو نفس النظام
توني عملت المقابلة في سابك لنفس الوظيفة. ممكن اعرف مزايا الوظيفة هذة واذا عطوك امل بالترسيم او لا؟ وكم اخذوا سابك لين ردوا عليك؟
السلام عليكم
طبعا هذي شركات متعاقدة مع سابك ( جال، سماسكو، جدارة) هذي الفترة حقت التوظيف هم اللي تواصلوا معاي، و سويت مقابلتين معاهم ، الاولى سماسكو و الثانية جدارة.
طبعا مقابلتين حلوة و عديت الاولى ع كلام المنسق. و اتصلو بعد اسبوعين و الحين انا بالاسبوع الرابع و قدموا لي عرض، قريد ٩ للبكالوريوس.
حاولت افاوض ع الراتب لان خبرة سنة و قال هذا العرض فقط. ماتبي ناخذ غيرك. مانتجاوب الا اللي معاه ٥ سنوات و اكثر.
من ناحية الترسيم، يقولون اثبت نفسك و يجيك كم سنة!!! يمكن سنة ويمكن اقل او اكثر.
سالت في احدى المقابلات عن الترسيم قال مانوعدك. ولكن يوجد بروتوكول.
وعليكم السلام
يعني رواتب الكونتراكت على نفس سلم سابك؟ يعني انا شهادتي حاسب في حال أخذوني أكون على قريد ١٠؟ الفرق بس في الترسيم؟ لاني سمعت ان رواتبهم اقل
في المقابلة سالت عن الترسيم وقلبي علم عند الله! واخوي هل عندك رقم لهم اقدر أتواصل فيه معهم واستفسر عن نتيجة المقابلة؟
في المقابلة انت سالت عن الترسيم ؟ ايش كان اجابتهم ؟
الشي الاخر ع حسب اي شركة اتصلت عليك. و متي سويت المقابلة؟
انا سويتها مع سماسكو.
من ناحية الراتب ترا اقل من سابك بكثير ك اساسي. ولكن انتظر العرض يمكن يعطونك شي يعجبك! وخاصة اذا ماكنت موظف.
انا اتصلت علي شركة اسمها جال للموارد البشرية مش جال الدولية. عملت المقابلة في مبنى سابك الرئيسي مع موظفين سابك وقالوا لي ان الوظيفة كونتراكت لشركة تبع سابك بس ما قالوا لي اسمها. المقابلة كانت عادية جدا والحين مر اكثر من أسبوع ولسى ما سمعت منهم شي.
وبالنسبة للترسيم قال لي العلم عن الله ممكن تترسم وممكن لا. وقائل مرتين لو جتك الوظيفة كونتراكت تقبل بها؟ قلت ايه
من ناحية جال ، انا مادري عنهم ، ولكن بيتصلون عليك. خلال الاسبوعين باذن الله.
لان التوظيف والمقابلات لهم شهر كامل ف ع بال مايصير فيه فلترة.
وفالك التوفيق
ممكن تفيدني بالعرض اللي وصل لك على منصب مساعد اداري
وهل قبلت الوظيفة أم لا ؟ هل حصلت على معلومات أكيدة عن الترسيم ؟
ردك مهم لي جداً وشكراً جزيلاً …
هل تم التواصل معك بعد المقابلة أخي الكريم ؟ هل لديك علم بالعرض والراتب
وشكراً جزيلاً … بالتوفيق
هل وافقت على العرض والوظيفة؟؟ قريد 9 للمهندس أم للتخصصات الاخرى؟
وهل حصلت على معلومات أكيدة للترسيم …
وبالتوفيق بأذن الله …
انا عملت مقابلة في سابك عن طريق شركة جال في تاريخ 22 -03-2018 على وظيفة Admin assistance
وطبعا المقابلة كانت كلها باللغة الانجليزية
كانت اللجنة عبارة عن اربعة اشخاص 3 منهم موظفين سابك والرابع موظف الموارد البشرية
في بداية المقابلة سئلوني كيف لغتك الانجليزية؟ قالي ترا المقابلة بتكون بنجليزي على باله بخاف يعني
انا ما حبيت اقول ممتازة قلت الحمدلله زينة حبيت هم الايقيموني
سئلوني حدثنا عن نفسك
وماذا تعرف عن الوظيفة الا انت مقدم عليها
حدثنا عن شي انت عملته ومازلت تفتخر فيه حتى لو كان شي شخصي خارج اطار العمل
كم سنة تعتقد انك قادر على العمل في هذي الوظيفة
ايش الاشياء الاممكن تقدمها وتظيفها على هذي الوظيفة
هذا الا اذكره حاليا واعتقد اني قدمت مقابلة جيدا جدا الى ممتاز وشفت علامات الرضا على وجوه اللجنة
و في النهاية قالولي بتوفيق لك وراح نتواصل معك السبوع القادم ان شالله
ا
اولا الله يعطيك العافيه ع المعلومات القيمه
والله يوفقك ويكتب الافضل دائماً
عندي سوال الله يعطيك العافيه عن طريقة التقديم اذا كانت يدوي او ايميل واذا كان ايميل لو تزودنا فيه اكون لك من الشاكرين