السلام عليكم
عندي مقابلة مع مدينة الملك عبدالله للطاقة الذرية والمتجددة (قسم منظم الطاقة)
مع العلم اني مهندس ميكانيكي
ياليت اللي عنده خلفية عن طبيعة المقابلات مع الشركة بشكل عام ومع قسم منظم الطاقة بشكل خاص يفيدني
وياليت تفيدوني بمعلومات عن الشركة بشكل عام ومستوى التطوير اللي فيها بالنسبة للمهندس الميكانيكي
كيف الخبره اللي باخذها منهم لو توظفت؟
وهل عنهم فرص ابتعاث؟
لأنه بصراحة مافيه معلومات وافيه بالنت
شكرا لكم
والله يوفق الجميع
1+ الي عنده اي معلومة ياليت يفيدنا
&
تخصصي control & instrumentation engineering و التقديم كان عن طريق رابط ارسلته الجامعة قبل شهرين تقريبا ً.
إذا احد موعد مقابلته الأثنين ومن الشرقية أتمنى يتواصل معاي
اللي اعرفه فقط ان الابتعاث عندهم للمهندسين بكثرة
كيف قدمت عليهم؟
التقديم كان عن طريق رابط ارسلته الجامعة قبل شهرين تقريبا ً وكان من ضمن التخصصات المطلوبة :
.الهندسة الميكانيكية ·
.هندسة النظم (الصناعية و التحكم والقياس)
· هندسة مدنية
· فيزياء
.جيوفيزياء
· كيمياء
· علوم الأرض
أنا سويت المقابلة في ١٥ مارس مع إدارة منظم الطاقة ( أتوقع كلكم مع نفس الإدارة )…
في ١٢ أبريل أرسلوا لي أسوي اختبارين ( واحد شبيه بالقياس وواحد إنقلش )
وجاني عرض القبول ب ١٥ مايو. ما قبلته لأنه كان عرض تدريب لمدة ٦ شهور براتب ٧٠٠٠ ريال ومن غير تسجيل في التأمينات… وكان العقد ملزماً للمتدرب أنه يكمل التدريب
ولكنه غير ملزم للمدينة لتوظيفك في نهاية العقد… التدريب خارجي وأغلب الظن فنلدنا.
يعني الي عنده فرصة وظيفية مضمونة أكيد بيروح للمضمون… لكن لا تخلون المقابلة يمكن الوضع تغير…
المقابلة كان بالبداية مع شخصين من نفس الإدارة
شرح لمستقبل المدينة وأن هذا القسم سيتحول لهيئة تنظيم طاقة
أسئلة خفيفة عن الموجود في السي في ما أذكرها بالضبط
بعد ذلك علامة قبولك أنهم يخلونك تقابل مدير الدائرة.
* مستقبل المدينة بالنسبة لي غير واضح لأنه يتعامل مع مجال جديد جدا
فيه مجازفة قد تستحق الإقدام ولكن أنا لعبت على المضمون بعد المشاورة والاستخارة.
بالتوفيق للجميع…
والي يبي الابتعاث هم يفتحون الابتعاث عن طريق وظيفتك وبعثتك.
معليش اخوي انت فرش ؟
ايه
سويت المقابلة مع قسم نظم الطاقة ومثل ماقال احد الشباب في توجه ان هذا القسم يكون هيئة طبعا بيكون عملها رقابي وحاليا مافي خطط للتوسع برا الرياض .
موعد المقابلة كان 11 ونص لكن العدد كان تقريبا 8 وتقريبا كل واحد فينا خذ 15 - 20 دقيقة
الي يقابلوك 2 واحد منهم تخصصه control وأسئلتهم
كانت نوعا ما تكنيكال
- في البداية بيطلب منك تعرف نفسك بالانجيلزي .
- تالي بيسألك عن الموجود في cv مثلا انا سألني :
وش الفرق بين closed control loop و open مع مثال .
- اشتغلت على plc من قبل & و في اي مجال يستخدم ؟
-وش الفايدة من الماتلاب وهل تقدر تستخدمه لل control?
- سألني عن بعض البرامج الي ذكرتها في cv مثل labview
بقية الشباب على كلامهم إن الأسئلة كانت عامة ومقتصرة ع cv يمكن مقابلتي كانت تكنيكال لأن الي يسوي المقابلة من نفس تخصصي
اسأل الله للجميع التوفيق، انا سويت معهم مقابلة في نص شهر مارش و فعلاً كان القسم فيه توجه إنه يصير هيئة للحماية من الإشعاع النووي بما إن تخصصي كيميال، ممكن المدينة تتقسم إلى هيئات و بكذا تكون انتهت ؟
اخوي اذا ماعليك امر كيف قدمت عليهم ؟
بالنسبة لأختبار اللغة الانجليزية … هل عندك علم حول نوع الاختبار هذا هل هو الايلتس ام ELS وما هي الدرجة المطلوبة لأجتياز الاختبار …